先要去登記位交文件正本 for checking (地址證明及懷孕證明，懷孕證明佢地會收，如果你仲有需要，記得先 copy)，如果你係用 HA go app去登記，應該有收到郵寄的問卷及你明天產檢登記紙，填好晒問卷帶埋去。之後就等叫名見護士，係個到護士會問好多問題 (大部份係問卷上的問題，如有需要會睇埋相關文件)，包括最近一次月經日期、是否自然受孕、家族病歷史、你和你先生身體情況等等等。之後就等叫名見醫生，醫生都會循例問一下你呢次受孕情況，上一胎有否什麼身體問題？記住，如果你有任何身體問題 or 有關日後順產問題，記得要同醫生講，最好帶埋相關 report俾佢地睇，唔好怕麻煩，我因為上胎有身體問題 (上胎都是在威記，政府醫院可以查得到 records，但我本身都有帶埋出院紙)及擔心其他身體問題影響順產，個醫生要即場 call 2位senior 黎見我，再係個時安排日後早產專科跟進 (同普通產檢時間不同一日，另外再見專科醫生的)。見完醫生後會安排去抽血，都要抽 7~8支，無特別問題佢地唔會打電話搵你，只會留待下一次產檢才通知你抽血 result。
仲有，如果你有係出面睇私家醫生，超聲波記錄都要帶埋，如果你無睇過，唔 sure佢地有無得安排即日俾你照超聲波 (照心跳 or 度頸皮)，我個次係再約時間去照的，政府醫院超聲波係無得帶走，都是靠我先生聽佢地講自己 mark record。第一次產檢等既時間同要做既都幾多，我個次約既時間係10點，我大約 9:45去到，都搞到 2點幾3點才搞完去抽血。希望幫到你。
發表於 
返回列表
