我大嗰個從小已自動波,小學三年級已經識做筆記温習,佢話佢係全班第一個寫筆記既人,一直成績不俗,順利入 band 1 A, 但入到去發現原來堅多勁人,自己已經努力去温都唔夠佢 d 學霸同學, 打沉咗佢嘅自信,佢又唔肯比我哋同佢温,成日話自己廢,由中一沉到中三上學期,終於老師出聲,話再咁落去唔洗諗選科,因為要留班了。咁到下學期終於好似變返以前咁發全力讀,到派測驗卷,科科都幾高分,有d 仲高分過之前唔肯教佢既學霸同學,佢自己自信返哂嚟!
細嗰個就完全相反,人唔蠢,仲好醒添,但零學習動力(emoji)(emoji),由小學到現在中一(精英班)從未放手先可以 keep 到吓成績,所以我覺得陪温書,真係要睇下子女嘅情況,正因為亞細咁 hea,更加需要keep到係精英班,維持良好學習風氣,日後佢開竅,希望晤洗追得咁辛苦。