想生BB 今日: 0 | 主題: 109087

積分: 1026

1^#

發表於 16-4-22 18:54 |只看該作者 |倒序瀏覽 |打印

訓咗大半日，都訓夠啦！又落得床。

朱古力瘤大小:4cm
醫院:浸會
費用預計45000（我有保險)

21晚入院，今朝9：00做手術
21號見一見醫生先，醫生話12點後禁飲食，晚餐食咩都得。唔洗食瀉藥。姑娘個個都好好，又有個院牧打搞下你(我唔信教）,不過見佢地咁有心都好多謝佢。不過訓大房就嘈少少，隔離阿婆有鼻寒，最慘係對面阿婆夜媽媽係到抽泣。。佢係喊到今日嘅。

今日7點麻師搵我簽個名，換好衫9點姑娘帶我落手術室。。好多間手術室。坐定問咗一堆重復問完又問嘅問題，種豆係手，少少痛啦。之後就推咗件喊到癲嘅小朋友入黎。。我等緊期間睇住佢好驚係咁話驚，唔想做。。又話爸爸\"醫生講下話要做就做。\",聽到真係好影響情緒。替小朋友父母心痛。。姑娘又鬧又氹。。最後佢爸爸應該入手術室等阿仔麻醉咗先走。

講返我，入到手術室自己訓上豬肉台。。望住D燈。。原來手術室真係跟木以屠房。。醫生著晒水鞋。姑娘話比D氧氣我嗅，大大力吸。應該係有麻藥然後打麻醉針，同我講手背會feel到涼涼地。。咁我就訓著咗啦。

到姑娘拍醒我，我已經做完手術。。但因為麻醉未醒晒。。我成個人係咁震，控制唔到係到震。右邊駁頭怨到不得了。。個肚打咗氣脹住。腹膜有D痛。。至於傷口，2邊都唔痛。肚臍有少少痛。推返上病房調教返高張床先叫做好D...老公同阿爸都未到。。只好等佢地黎幫我按下個駁頭。。(應該成個手術隻手都拉高咗先會咁怨）。。唔洗插尿喉。我10點2個字返房，好眼訓。。訓到老公11點黎。。睇下雜誌。因為佢係到我唔想訓。。佢去咗買飯自己食。。我睇住佢食。手術後麻藥未過唔食得野。。有D口乾。。阿爸放底支陳皮水望我2眼就走。。老公食完個飯都走。。得返自己一個。。男人就係咁請咗3日假話陪我，但實今日只陪咗我2個半鍾。

2點幾醫生上黎睇睇我，影咗腹腔入面嘅相比我睇下粒瘤係點，切咗D咩出黎。話我可以食野啦。。我有支大大支寶礦力。。姑娘開咗比我飲。。之後就食個粥換返件衫，落得床自己去個廁所，聽住音樂由3：30訓到5點半。。

今次手術瀉藥又唔洗食，尿喉又唔洗插。。少咗好多痛苦。。

醫生同我講，點解上個月經特別痛，因為粒瘤真係爆爆地。流咗D\"朱古力\"出黎。。

各位粒瘤細粒就唔理。。爆瘤依樣野真係同大細多冇關。。

希望我嘅經歷可以幫到大家。

0 0 0

私人傳訊

wtam0204

複式洋房

積分: 444

2^#

發表於 16-4-22 19:41 |只看該作者

引用：訓咗大半日，都訓夠啦！又落得床。朱古力瘤

原帖由 lovelyfreda 於 16-04-22 發表
訓咗大半日，都訓夠啦！又落得床。

朱古力瘤大小:4cm

多謝分享

私人傳訊

jaiii

積分: 3570

3^#

發表於 16-4-22 20:15 |只看該作者

回覆：今朝做完微創割朱古力瘤

你好強呀！

我都係4cm，8am入院2pm做，但我又怕死又怕痛呀！我當時都係醫生決定點做，做完醒反覺得個肚好痛，似m痛，我第一日無得落床，所以有插尿喉，到第二日先嘗試落床，首先坐落櫈坐一陣，之後企起身，企唔夠1分鐘，開始暈暈地+標冷汗。。。我食止痛食足2個星期，怕痛

私人傳訊

積分: 1026

4^#

發表於 16-4-22 21:20 |只看該作者

回覆：jaiii 的帖子

我又冇M痛wo..係肚漲痛痛地囉。。

私人傳訊

irenerenerene

積分: 1114

5^#

發表於 16-4-22 23:18 |只看該作者

你真係好勁！我上年微創割肌瘤，8am入院10am做，12:30pm做完，我淨係覺得M痛一樣，好 wing 好眼訓，入房過床後就勁瞓到6-7pm，飲粥水後又訓… 到第二日落床，又暈又痛，第三日出院時都仲係痛痛地，成個子宮好腫好＂聚＂，身都直唔到！不過一星期後就可行街了~

私人傳訊

grassyi

複式洋房

積分: 128

6^#

發表於 16-4-23 11:26 |只看該作者

我兩邊都有,聽完樓主咁講,有d淆淆地添

不過,我隔3-4 個月會去check 下它有冇變化

私人傳訊

積分: 1026

7^#

發表於 16-4-23 20:06 |只看該作者

引用：我兩邊都有,聽完樓主咁講,有d淆淆地添不過,

原帖由 grassyi 於 16-04-23 發表
我兩邊都有,聽完樓主咁講,有d淆淆地添
不過,我隔3-4 個月會去check 下它有冇變化 ...

你係怕粒瘤爆定係，怕做手術？我覺得爆瘤驚D...有D人爆瘤會痛到入急症。一陣醫生同你講成邊卵巢唔要得，重驚啦！

真係唔洗怕做手術，係醒個下個人好以開引擎咁姐。。姑娘會睇實你。唔洗驚。。心口掛個勇字就得嫁啦！

私人傳訊

積分: 1026

8^#

發表於 16-4-23 20:33 |只看該作者

回覆：今朝做完微創割朱古力瘤

今日賣單係53000蚊。。醫生費，醫生claim到盡。。所以就貴咗啦！

私人傳訊

chloebie

積分: 2340

9^#

發表於 16-4-23 21:03 |只看該作者

回覆：今朝做完微創割朱古力瘤

多謝分享~
我都預約左下個月中做手術,
我個瘤有7cm大, 今日黎m都痛到飛起, 希望做完之後黎m唔好再咁痛啦～

私人傳訊

積分: 6045

10^#

發表於 16-4-23 21:08 |只看該作者

引用：今日賣單係53000蚊。。醫生費，醫生claim到

原帖由 lovelyfreda 於 16-04-23 發表
今日賣單係53000蚊。。醫生費，醫生claim到盡。。所以就貴咗啦！

我上個月都做完

我係中午做手術嗰朝一早入院

我要放便，我做完手術後無肚脹，橫隔膜痛呢啲感覺，但手術後6個鐘唔俾食嘢，夜晚先飲幾啖水，吊咗一晚鹽水，手背個豆豆位吊嗰陣唔係好覺痛，但之後痛咗成個月

住院2日，埋單8萬

手術後第4日已經出街，不過感覺虛虛哋，休息1星期左右叫做好返好多

私人傳訊

積分: 6045

11^#

發表於 16-4-23 21:11 |只看該作者

引用：多謝分享~我都預約左下個月中做手術, 我個

原帖由 chloebie 於 16-04-23 發表
多謝分享~
我都預約左下個月中做手術,
我個瘤有7cm大, 今日黎m都痛到飛起, 希望做完之後黎m唔好再咁痛啦～ ...

我上個月做完手術，之前一路都有M痛，但唔算嚴重，唔洗食藥

手術後今個月M到竟然無咗以前啲好谷好墜嘅感覺

私人傳訊

ignit

積分: 6408

12^#

發表於 16-4-24 02:20 |只看該作者

本帖最後由 ignit 於 20-4-20 11:21 編輯

del

私人傳訊

積分: 1026

13^#

發表於 16-4-24 07:01 |只看該作者

ignit 發表於 16-4-24 02:20
我都3.x cm，好驚呀

但醫生話暫時無事就唔好攪佢，希望快d懷孕先

我都知可能會有影響，唔割已經冇B,可能割咗之後有呢!我都係博一博。。做手術先知我粒瘤爆爆地。。我慶幸自己有做手術。

私人傳訊

積分: 6045

14^#

發表於 16-4-24 18:38 |只看該作者

引用：Quote:grassyi 發表於 16-4-23 11:26 我兩

原帖由 ignit 於 16-04-24 發表
我都3.x cm，好驚呀

但醫生話暫時無事就唔好攪佢，希望快d懷孕先

你size同我差唔多，未去到要做手術嘅size
但我試咗年幾兩年都無BB, 所以醫生都suggest我割咗佢

我問醫生雖然size唔大，但其實同試咗咁耐都無BB有無關係，醫生話都有，因為子宮內膜異位好容易會引起黏連，亦有機會令輸卵管塞

所以你如果試咗一段日子都未有的話都要處理佢架喇
當然能自然懷孕係最好

私人傳訊

積分: 1026

15^#

發表於 16-4-24 20:11 |只看該作者

super_cat 發表於 16-4-24 18:38
你size同我差唔多，未去到要做手術嘅size
但我試咗年幾兩年都無BB, 所以醫生都suggest我割咗佢

我都同意你嘅講法。。就算割咗都係冇BB..大不了過台灣做ivf..我都有心理準備。。一年後都冇就過台灣。。一來可以阻止又再復發，二來又可以還咗自己心願。。好過等運到。。機會係要自己爭取。。唔行多一步，就會擦身而過。。睇多幾個醫生，聽多D意見。。我前前後後都睇咗3個婦科，1個中醫，再加上上個月M痛真係有D古怪。。所以先決定做手術。。總之，大家努力呀！堅持與幸福相遇！

私人傳訊