親子旅遊今日: 80|主題: 160879

收藏本版

發帖

返回列表

跳至頁

查看: 1392 | 回覆: 8

[台灣] 第一次親子旅行(純分享) [複製鏈接]

ella_yi

複式洋房

積分: 334

1^#

發表於 16-7-17 02:03 |只看該作者 |倒序瀏覽 |打印

五日四夜，小朋友33個月大
行程:
第一日飛到桃園都13點,落機後去拎WIFI蛋(客路)部機上網速度快,係街11個鐘都仲有電!唔洗用尿袋叉,拎完蛋就聯絡包車司機搭車去酒店,因為帶住個細,所以買咗機場來回接送,去程NT900,回程NT800,個女一上車就話架車好舒服(emoji)一個鐘內車程就到酒店Check in,我地揀咗"豪景大酒店",雖然間酒店係舊啲,但當初揀呢度係因為有BB床同浴盤提供,我地住普通雙床房,加張BB床都仲有空間行到(有B車同2個喼)四晚$18xx仲有早餐,仲有專車西門捷運接送,超抵,如果唔嫌舊可以選擇(個人感覺地方乾淨),Check in放底行李就出去西門町食啲野,跟著晚上就去"格林屋親子餐廳",係捷運善導寺站,去到有點失望,因為玩嘅地方唔算大+食物一般,但就返個女所以揀咗呢度,玩完食完野就返去西門町買宵夜返房食,第一日咁就完咗。

0 0 0

私人傳訊

ella_yi

複式洋房

積分: 334

2^#

發表於 16-7-17 02:34 |只看該作者

回覆樓主:

第二日包車去九份NT3000,8個鐘,都係機場接送嘅包車團隊,司機好好人前一晚提議我地早一個鐘出發,因為佢話午後有雨,所以10點就出發,行程係陰陽海>黃金瀑布>黃金博物館>九份>十分,最尾繞河夜市放低我地,司機不錯,好細心,因為最尾去緊十分時落大雨,佢比我更關心個女(emoji)驚佢淋到下感冒,所以感覺非常貼心,建議如果帶住個細去九份真係最好包車,又舒服又行小好多路

第三日去六福村,本來去咗捷運忠孝敦化站等車入六福,但等車中途比個司機sales咗我地同另一家香港人同車入六福,NT800一人包埋入場劵,慳返1個鐘車程時間(司機話搭公車差不多要2個鐘,初頭都唔信,但回程真係差唔多2個鐘先到),六福村宜家一張門票可以玩埋水上樂園,我地揀咗睇動物同機動遊戲,個女未夠90cm高,有好多機動遊戲佢都可以玩到,當然大人要陪同啦,整體玩左半日(12點幾玩到5點)個女係開心嘅,晚上出返忠孝敦化食"度小月",食完就返西門再買宵夜返房食。

第四日木柵動物園>貓空纜車
初初都諗緊前日去六福村已有動物仲去唔去木柵好,最後都係去咗,NT60入場睇到咁多動物,真係超抵,動物園內有架火車接駁去貓空纜車,我地大約3點幾出發搭纜車上貓空,好彩上到纜車先落大雨,唔洗淋,但就因為有雷暴警告所以纜車停駛,所以我地上到去後等接駁車落返去,記得出發前睇定天氣先好去貓空,因為架接駁車都等好耐下!!晚上返西門町食"我家牛扒",NT390有塊10oz扒,仲要飲品前菜雪糕水果任食,超抵

第五日早餐後Check out及寄存行李,之後出發去捷運信義安和站嘅"大樹站親子餐廳",記得要上網訂檯,呢間餐廳場地設施好好,因為多野玩關係個女玩得好開心!我地揀咗11:30-14:30時段,玩完返酒店拎行李都出發機場,包車司機一早就到左酒店等,真係好方便!!大約40分鐘車程就到機場。五日四夜咁就完了，個女玩到唔願走，落機話返酒店(emoji)

提提各媽媽,香港機場比你拎食物交剪上機但台灣就唔比一定要托運!同埋宜家台灣天氣熱，建議帶多套衫比小朋友換!