回覆 ccs12 的帖子
Hello ccs12, 除左傷風感冒 ,細菌/ 病毒感染都會令BB 發燒 ,好似JM 咁講,如果BB食左藥都仍然唔退燒,加上肚痾都建議媽媽立即再帶BB 去睇醫生。媽媽要記錄低BB 肚痾嘅次數、大便嘅質地,有需要可以用膠袋袋住BB 嘅尿片俾醫生望一望,有助醫生搵出BB 肚痾/ 發燒嘅原因。BB 發燒時唔需要幫佢著太多衫,可以用暖水幫佢抹身/沖涼降低體溫, 佢會覺得舒服D。 即使BB 冇胃口食野,都要幫佢補充足夠水份。祝小朋友早日康復!
我有一個願望,就是想見到每個BB食得好、瞓得好、笑得好、Poo得好,
有個海綿級肚仔,每天盡情體驗新事物、吸收新樂趣!