吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 尋晚16歲女戀父個po消失左？

自由講場今日: 2454|主題: 1304527

收藏本版

發帖

返回列表

跳至頁

樓主: babyballball

11 12 13 1415

積分: 5221

281^#

發表於 18-8-8 14:57 |只看該作者

sonandson 發表於 18-8-8 14:43
我好後悔以前小學打過佢，為咗分開佢同爸爸，在我控制下做了很極端既行為，連如果我知道佢同爸爸投訴我， ...

女女小學時已對爸爸有呢種情意結，可能經佢信賴嘅人開導會比較接受。仲有冇人知道你地嘅情況？例如社工、老師或是親戚

私人傳訊

yanky321

大宅

積分: 1158

282^#

發表於 18-8-8 15:20 |只看該作者

sonandson 發表於 18-8-8 14:23
我地會積極尋求治療，但如果都冇用，離婚係最後既手段，我地唔係第一次傾呢個問題，早係九歲嗰次已經嘈過 ...

Hello，慶幸見到你仲有留言，好多人都想幫你地，希望你一家早日跨過呢個難關。但有d說話想直言。

其實呢個時候離婚，學其他jm話齋，真係直接成全你個女既心願咁。你話自己了解你老公，相信佢為人，我唔會懷疑。但而家睇落去，你兩公婆感情一般，又無性生活，其實你係咪真係確定，你老公心中無因為阿女既行為有一絲一毫動心？人始終係軟弱既，成日聽到、睇到一個年青少女對自己又崇拜、又愛慕、仲要有性幻想，雖然係自己親生女，係咪真係可以少少歪念都無？

我建議，響同阿女去睇心理醫生之前，你同老公兩個去睇一次先，一黎睇下個醫生啱唔啱心水，第二順便make sure你老公真係無諗歪，係一個可靠既隊友，真係可以同你同一陣線去醫返好女女。

確認老公既想法係好重要既一步，唔好只憑自己觀察同聽佢講，搵專業人士幫手access，確定無問題既，就可以由老公出面，說服女女去睇醫生接受治療，當然你同老公要一直表現出係同一陣線、同一態度，咁先有機會令女女意識到，佢係無可能介入你地兩個中間。

希望你地一家好快事過境遷，有個開心溫馨既家。

私人傳訊

Jnam

侯爵府

積分: 21059

育兒性格勳章畀面勳章

283^#

發表於 18-8-8 15:47 |只看該作者

sonandson 發表於 18-8-8 14:23
我地會積極尋求治療，但如果都冇用，離婚係最後既手段，我地唔係第一次傾呢個問題，早係九歲嗰次已經嘈過 ...

你同老公都有太多問題未解決，你個女一定感覺到你們的不合，選擇歸向爸爸那邊。好多嘢過咗就過咗，亦無謂太自責，可能你冇辦法再成為亞女心目中的媽媽，但親子關係千人有千種不同，無謂太執着於一定要當受尊重的母親，可能以另一模式相處，日子久了反而感情會變好，雙方也會覺得舒服點

私人傳訊

hokabb

子爵府

積分: 13524

284^#

發表於 18-8-8 15:49 |只看該作者

virginbaby 發表於 18-8-8 13:55
有心理醫生會咁樣做事架?第一次聽，感覺好好，真係想幫助小朋友，唔使下下去佢醫務所，又可以觀察到平時既 ...

係呀，私人心理醫生，其實算係叫做點頭之交，我仔直到依家都當佢補習老師，相信要去診所，好多人都會有好抗拒，尢其小朋友佢哋處於明與唔明之間，依個係嗰陣我唯一唸到可行嘅方法
Ps唔好叫我介紹，費時煩

私人傳訊

sonandson

別墅

積分: 555

285^#

發表於 18-8-8 15:49 |只看該作者

衝勁BB 發表於 18-8-8 14:57
女女小學時已對爸爸有呢種情意結，可能經佢信賴嘅人開導會比較接受。仲有冇人知道你地嘅情況？例如社工、 ...

我唔敢現實同人身邊人講，在人前我係要面子，親戚朋友面前會裝作家庭幸福，最怕畀人笑，被人背後閒言閒語。

私人傳訊

sonandson

別墅

積分: 555

286^#

發表於 18-8-8 15:55 |只看該作者

yanky321 發表於 18-8-8 15:20
Hello，慶幸見到你仲有留言，好多人都想幫你地，希望你一家早日跨過呢個難關。但有d說話想直言。

其實呢 ...

聽完你咁講我好驚，我自己唔係冇懷疑過，只係唔敢聽去想像唔肯接受，呢件事太違倫理，對咗咁多年以為自己很了解佢，咁我可以點做，單獨帶老公去睇心理學家分析，但唔可以畀佢知?有冇醫生會肯配合我?

私人傳訊

tingting2200

子爵府

積分: 13053

287^#

發表於 18-8-8 16:20 |只看該作者

sonandson 發表於 18-8-8 15:55
聽完你咁講我好驚，我自己唔係冇懷疑過，只係唔敢聽去想像唔肯接受，呢件事太違倫理，對咗咁多年以為自己 ...

或許，你先自已去見輔導先，同輔導員講晒自已的擔心同憂慮，然後再同丈夫一齊見，等輔導員有準備，可以從中觀察

私人傳訊

bu-b

珍珠宮

積分: 33362

2018復活節勳章 wyeth冷知識勳章環保接龍勳章大廚勳章

288^#

發表於 18-8-8 16:24 |只看該作者

yanky321 發表於 18-8-8 15:20
Hello，慶幸見到你仲有留言，好多人都想幫你地，希望你一家早日跨過呢個難關。但有d說話想直言。

其實呢 ...

好同意你所講

私人傳訊

yanky321

大宅

積分: 1158

289^#

發表於 18-8-8 16:27 |只看該作者

sonandson 發表於 18-8-8 15:55
聽完你咁講我好驚，我自己唔係冇懷疑過，只係唔敢聽去想像唔肯接受，呢件事太違倫理，對咗咁多年以為自己 ...

明白我既說話會令你不安，但呢個時候唔係驚同退縮既時候。為母則強，有時候做左人媽媽同太太，就算要面對難以想像既逆境，都只可以硬着頭皮撐落去。

睇醫生那度，我建議你可以自己一個打電話或者見醫生，講左你地一家既情況先，睇下醫生有咩建議。然後開宗明義，邀請老公一齊去見醫生，可以直接話，了解下醫生適唔適合醫治女女，同埋睇下你地兩公婆心理上可以點樣配合治療。我估計，有經驗既醫生，可能可以從你老公既交談、對答、甚至對治療方法既comment睇得出你老公有無問題。

如果你老公對去睇醫生好抗拒，或者對醫生提出既一d會減少/削弱佢同個女既關係/相處時間既治療方法有好多反應，咁就要小心留神，可能你老公未必係個可靠隊友啦

利申：我有個女，自從個女出世後，一直有睇心理學書，想知點教女之餘更想知點樣保護佢，所以我好堅持，個女兩歲後唔會再俾老公同佢沖涼、換衫，教佢男女有別。我做呢d野既時候亦係俾緊signal我老公，等佢同個女相處時要有分寸。

私人傳訊

yanky321

大宅

積分: 1158

290^#

發表於 18-8-8 16:36 |只看該作者

回覆樓主

繼續：

我唔係唔信老公，只係心理學知識話我知，人係軟弱既，經唔起長年累月既考驗，所以要一開始就對男女之防有所警惕，就算係親人、朋友都咁話。

唔講那句都講埋，之前有jm提過，戀父/戀母情結可以係天生，呢樣係真既。但要發展到去你女女既情況，真心唔排除有人從小開始灌輸佢「父女戀係無問題」呢個觀念，你女女講既話「爸爸話我好過你」之類既說話亦未必全部係佢妄想，可能有人有意識地去俾呢d訊息俾女女。

所以都係那句，拿拿聲搵專業人士幫手，確定老公無問題先，然後積極再諗辦法醫女女。

衷心希望你一家安好

點評

Felix223

發表於 18-8-9 15:57

私人傳訊

nsychristy

珍珠宮

積分: 42576

291^#

發表於 18-8-8 16:39 |只看該作者

sonandson 發表於 18-8-8 15:55
聽完你咁講我好驚，我自己唔係冇懷疑過，只係唔敢聽去想像唔肯接受，呢件事太違倫理，對咗咁多年以為自己 ...

你肯親手寫封信同個女道歉相信會好唔同, 因為係你主動要求不要再對立。

你地暫時承受不來既真相，有1% 可能都不要親自去 find out
要點做有咩懷疑俾返專業人士去做去溝通

一個人既體面唔係人地覺得佢有無錢、幸唔幸福
係佢自己可唔可以自在過活，寵辱不驚，行出黎企企理理，負返真正屬於自己既責任，人地既事唔bother

我實在見得太多為左人地點睇結果玩死自己既人

個女仲細乜都仲黎得切

出到黎社會乜人都有，我以前都唔信。

私人傳訊

哈爾濱

侯爵府

積分: 22942

好媽媽勳章

292^#

發表於 18-8-8 17:15 |只看該作者

sonandson 發表於 18-8-8 15:55
聽完你咁講我好驚，我自己唔係冇懷疑過，只係唔敢聽去想像唔肯接受，呢件事太違倫理，對咗咁多年以為自己 ...

勇敢去面對，祝福你一家

私人傳訊

Protea

珍珠宮

積分: 42252

虎到金來勳章畀面勳章

293^#

發表於 18-8-8 17:28 |只看該作者

sonandson 發表於 18-8-8 15:55
聽完你咁講我好驚，我自己唔係冇懷疑過，只係唔敢聽去想像唔肯接受，呢件事太違倫理，對咗咁多年以為自己 ...

本帖最後由 Protea 於 18-8-8 17:30 編輯

睇到你呢兩日的留言，令我對件事睇的法好唔同。我絕對希望你的家庭問題可以解決，但你要有面對任何結果的心理準備，即使你認為難以接受，要睇得開，千萬唔好再自責，要顧及自己的身心健康。

私人傳訊

ikkipang

大宅

積分: 4453

294^#

發表於 18-8-8 17:31 |只看該作者

回覆 yanky321 的帖子

坦白講, 我都有咁o既懷疑, 特別係因為佢先生同佢傾離婚
其實樓主同先生離婚係解決唔到件事, 到時得返佢地兩父女, 裡面係點更加冇人知!!

私人傳訊

eliekim

男爵府

積分: 6313

2018復活節勳章

295^#

發表於 18-8-8 18:25 |只看該作者

回覆樓主

原樓主加油

盡快尋求專業人士的協助。

私人傳訊

babyballball

子爵府

積分: 12464

296^#

發表於 18-8-8 19:05 |只看該作者

sonandson 發表於 18-8-8 14:23
我地會積極尋求治療，但如果都冇用，離婚係最後既手段，我地唔係第一次傾呢個問題，早係九歲嗰次已經嘈過 ...

「爸爸話佢鍾意我多過你，爸爸話我溫柔啲靚啲」其實你老公有冇真係咁講過?
學上面JM咁講你要好肯定你老公係同你一陣線先可以解決, 我都好驚你老公同個女私下其實有冇做過越軌既野, 你問你老公佢一定唔會答, 我諗你自己係屋企留意下, check下老公既野(雖然咁做唔係好岩)但只少你知你老公係咩諗法

私人傳訊

nsychristy

珍珠宮

積分: 42576

297^#

發表於 18-8-8 21:36 |只看該作者

sonandson 發表於 18-8-8 14:36
我會在附近走走，希望他們可以接納我，有機會我可以在現實向別人敞開心扉，訴說感受，我都希望個女可以一 ...

唔知你係咪處女座，一種要面又其實知自己事、可以好極端但唔係真係好強硬、自覺不完美而不接納自己、重視 order 同細節、喜歡準確、好無安全感、一樣野諗好耐先敢做，睇心理醫生只要搵個電話打去book 就得，唔使好多考慮，而且要早好多 book，一頭半個月唔出奇，你有壓力有心事自己睇左先都得，唔使夾老公諗法，一黎佢好立，二黎你唔知佢諗乜，三黎要點夾我諗心理醫生清楚 d, 你地夾完佢都可能有第種做法。

你會對個女用呢套，我諗都曾經有人對你用呢套而你表面上接受了，因為呢個係你「敬愛」父母既方式，心裡卻一直有我成家以後我的家就會跟返我意思。

一個高壓既母親係可以好破壞關係，但有樣野你必不用攬上身，就係個女同爸爸既踩界接觸，因為呢個係爸爸作為成年人唔識既界線、無負既責任，佢同你點唔夾都唔可能咁樣。

曾經我同自己啊媽關係有緩和過，因為個排我覺得啊媽有 d 進步。以前係佢既高壓之下我無夠膽說過不，亦都太清楚反抗既後果，我會覺得好多野係咁就咁，好死，無得變，好灰。其實關係既野一方變就會變，唔係咁死，我估你面對父母都係好服從，你會明個種d 野好死既壓力，但無野真係咁死

一個細路俾人打真係會痛、傷心、嬲、無助、媽媽唔愛我。中間夾雜住打得更重既威脅，對佢黎講你唔愛我仲要唔俾爸爸愛我，好嬲好嬲既時候被逼㩒住真係會越壓越恨，只威脅唔打都係一種傷害。恨上心頭會埋沒本性

如果你只俾一黑一白既選擇人，人地都唯有以非黑即白回應。做左個有安全感接受自己既人，日子會好過好多，凡事會順利好多

有個人處理左你先，你有左發自內心既改變先。其實你唔傷心唔惡俾個女睇，佢都無癮蝦你。快 d 打個電話 book.

私人傳訊