Hi Febie , 2歳小朋友忍耐力有限又未識得用說話講出自己需要,當表達唔到/ 遇到唔如意嘅事會用發脾氣/喊和大叫,唔容易順從/配合,去吸引大人嘅注意,依D都係一種叛逆情緒,即係常常聽到”trouble2,係成長嘅必經階段。媽媽多D用正面管教: 建設性和唔傷害小朋友自尊方法去幫佢培養良好的行為,如果佢唔聽話唔好罵/打,可以收起/唔比玩玩具作為處罰,引導佢知道甚麼是可以和不可以做,大人鼓勵和稱讚係佢進步最大動力,媽媽用簡易說話/身體語言用佢溝通,例如: 輕輕撫摸、攬/抱/錫、豎手指公、拍手掌,同佢傾計時儘量蹲低同佢平視, 有助拉近讓同小朋友嘅距離架。 小朋友幾時返學呀?
每個小朋友語言發展進度都有唔同,佢可能係比較怕羞/內儉,未懂得點樣用語言去表達,係屋企時媽媽多D一邊做家務時,一邊同佢講做嘅事情/向佢發問,例如: 媽媽去煮午餐, 想食飯/粉/麵? 當佢懂得多D詞彙,可以慢慢改用”open question” 例如: 午餐想媽媽煮乜嘢? 2-3. 歲小朋友通常鍾意睇圖畫/聽大人講故事,建立睡前講故事/唱兒歌習慣,可以增進親子感情,仲可以促進佢語言、想像力和思考能力發展架。小朋友要時間去建立自信,當佢有進步,媽媽要多D讚賞呀!