Hi shadowrainbow，皮膚乾燥係比較常見 BB出現紅疹原因，平時抹完面/沖涼後，搽上無香料或香味嘅潤膚膏加強保濕，選擇棉質嘅衣服俾BB，清潔屋企時用吸塵機/濕布，衫仔、床單多曬太陽都可以減少受到塵蟎刺激，若患處症狀持續或紅嘅範圍擴大，就需要睇醫生了解會唔會有機會係濕疹。另外，排泄物刺激到BB patpat幼嫩皮膚，長時間包住片濕潤環境/焗住皮膚都會令皮膚紅，避免用熱水/含酒精清潔紙巾，清潔後等紅左位置風乾/印乾，先再搽上凡士林/Zinc oxide藥膏，形成保護膜左隔排泄物後才著返片，當BB郁動時patpat同尿片時刻摩擦，太緊身尿片會破壞皮膚角質層保護膜，媽媽留意尿片唔好太緊身呀
發表於 
返回列表
