Baby Kingdom - 親子王國 香港 討論區 › 首頁 › 心聲留言› 記錄2019到2021發生的事

心聲留言

收藏本版
發帖
返回列表
跳至頁

首頁
12

尾頁
   5
koizaki


男爵府

積分: 8238


21#
發表於 21-10-14 17:39 |只看該作者
除左日常政府同私家產檢，我仲要去瑪嘉烈睇內分泌同血科。內分泌一直都有覆診，本身下次係21年5月，
但因為有左，聯合就轉介我返瑪嘉烈提早覆診。
至於血科係要跟我protein s同薄血針，
因為我都想政府可以跟個protein s，所以我真係唔介意睇血科，但內分泌我真係10萬個唔想去睇。
睇個內分泌閑閑地都要等成2個鐘先睇得，
而今次我仲要加落去近期ge 覆診到，我實係排到好後先有得睇。
9月尾第一次睇血科，帶左台灣同仁安做ge報告去，醫生話其實我唔需要打薄血針，
雖然台灣check到係低，但佢地ge指數可能同香港唔同，唔可以作準，
而且係仁安check又正常，所以唔打都得。
我地俾左李教授ge信佢睇，李教授就認為我protein s唔穩定，
加上上胎中期無原因中期胎停，打薄血針就保險d。
最後政府果便都安排左我再check多次protein s，但就講明我而家有左check，
protein s實係低，唔可以作準。
哩日睇血科，我由9點半等到差唔多12點先走得...

之後10月5日去睇內分泌，其實都冇乜特別野講，
因為我睇之前冇抽血，醫生都係問下我有左之後有冇特別唔舒服，
講下我之前d荷爾蒙指數咁...
不過哩個醫生都好好，有關心埋我個protein s，佢知我抽左血驗protein s，
見我未有咁快覆診，就幫我打俾血科醫生，問下我protein s有冇問題，有咩要做左先。
血科醫生就話我protein s係政府驗都係under正常水平，但佢都係覺得我唔使打薄血針wo。
好喇，雖然冇乜特別解決到我ge問題，不過都好多謝內分泌個醫生幫我打電話問下。
睇完之後就約左抽血，11月再去覆診。

由10月尾開始真係睇醫生都睇到攰，
10月22日聯合產檢，10月23日飲糖水，10月30日見營養師，
11月2日瑪嘉烈內分泌，11月13日入聯合食營養餐，11月17日見營養師，
11月20日8點瑪嘉烈抽血，10點血科，11月27日聯合產檢，
12月1日入聯合食營養餐，12月7日入聯合食營養餐，
12月14日瑪嘉烈內分泌，12月21日聯合產檢。
1月4日聯合產檢...

本身瑪嘉烈內分泌12月24日睇完，醫生話冇問題，生ge時候冇特別野要跟進，
咁我就同醫生講想生完之後先覆診。因為如果下個月再覆診，果時我已經36,7週，
再走黎走去真係好攰，點知1月4 日聯合產檢又話要我再返去內分泌睇，
佢要瑪嘉烈寫清楚到時我生要有咩要準備。
其實瑪嘉烈有講叫我到時生請聯合內科幫我check下荷爾蒙指數，如果有需要就幫我打類固醇，
但聯合果便就話佢地內科唔會無lala幫我check，一係就叫瑪嘉烈寫信講咩要點做，唔係佢地跟唔到wo。
最後佢地又寫左封信俾我，叫我拎去瑪嘉烈改返個覆診期，要係生之前見多次個醫生。
我都唔明，明明大家都係政府醫院，佢地d報告唔係互通ga咩，
佢地聯合應該睇到瑪嘉烈d報告，同醫生寫ge野，
點解仲要個病人走黎走去，最慘係每次睇都要等好耐，專科又多人等，
每次去都好驚會中招。
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見