婆媳關係今日: 1|主題: 27700

收藏本版

發帖

返回列表

跳至頁

查看: 15856 | 回覆: 13

曾經啲心酸 [複製鏈接]

小肥楊

珍珠宮

積分: 48772

wyeth冷知識勳章畀面勳章 BK Milk勳章

1^#

發表於 22-1-28 20:39 |只看該作者 |倒序瀏覽 |打印

見到有JM話同人唔同命，令我諗起曾經啲心酸，想出POST鼓勵同路啲JM加油～

我奶奶住我樓下果一層，樓上樓下，每日總會見到，但佢對我&我對仔女真係好冷淡，或者真係同人唔同命。
我生大女，細仔坐月，我奶奶話佢咩都唔識，完全無幫手。我對仔女係男家第一個孫女，孫仔，所以奶奶話佢唔識，咁就當佢唔識啦，我當時係咁諗啲。之後叔仔老婆坐月，我奶奶突然之間就變到咩都識喎，由人地個BB出世第一日就去陪月哦，陪到人地小朋友返學都仲陪緊月（只可以講人地好福氣）。

我大女一歲幾果陣時，血尿高燒全身紅點關節腫脹，住佐10日院，我真係驚到喊。當時我肚入面仲有細B,果一種淒涼真係好難忘。我奶奶見到我返屋企沖涼，問我點解住咁耐仲未出院哦？真係多謝奶奶你關心，你咁緊張個孫可以去醫院睇下佢。但住佐10日，奶奶完全無去睇過阿女，即係用個口關心下啦！

細仔出世，係冬天就快新年。奶奶係花園整佐一桶水比阿女玩，奶奶佢係附近食零食。我媽係廚房煮緊坐月餐，我係樓上休息緊。聽到奶奶大叫好吵，內容係叫我地湊返個女返去換衫。當我見到阿女件羽絨濕晒，褲仔鞋仔都濕晒沓，果一刻我真係想喊。

我最接受唔到係我坐緊月，奶奶話佢男家添佐男孫佢要去拜神點燈，叫我煮飯比男家親友食，如果我煮唔到就叫我阿媽煮哦！真係佛都有火，我同奶奶吵大鑊。好彩老爺明是非，老爺叫我唔洗擔心佢會處理。真係要多謝老爺出手相助。

之後我投資移民帶兩個仔女走佐，我完全無通知奶奶。上次返去香港在家隔離，早餐午餐我地叫外賣，晚餐係老公收工買返來。住樓下啲奶奶麵包都無過一块比我地。但奶奶依然每朝買餸煲湯拎去比叔仔一家。隔離完之後一日3餐仲有下午茶我都順便預埋奶奶果一份。奶奶話我返來搞到佢肥晒。（真係唔好意思，我走之後奶奶你好返可以瘦返架啦～）

最後老公都移民過來，早幾日奶奶打電話問我兩個孫點樣啊？（以前住樓上樓下都視而不見，依家隔十萬九千里再來關心，無意義啦！）仲話如果唔夠錢要話佢知，佢可以幫我地。（聽下就算千萬唔好當真。無其望就唔會失望）。所以我好客氣回覆，唔洗比錢我地，我地大家都好好。之後，奶奶又打電話比我女，問我銀行戶口幾號，想入d錢比佢兩姐弟買野食。我女都好客氣話多謝嫲嫲，但唔洗比錢我地啦！

真係好長，只係想同JM分享一下。困難心酸總會過去，只要記住老公愛你，自己一家人齊齊整整，平安快樂。其他人包括奶奶，都不重要。做自己應該做啲，問心無愧。你老公看在眼裡，明白就夠。

各位JM啱睇就look一look，唔啱睇，路過就可。祝JM們新年快樂。