美容扮靚今日: 4|主題: 136715

收藏本版

發帖

返回列表

跳至頁

查看: 1926 | 回覆: 2

觀塘 aps irim [複製鏈接]

Annasorng

複式洋房

積分: 232

1^#

發表於 22-5-27 11:07 |只看該作者 |倒序瀏覽 |打印

本帖最後由 Annasorng 於 22-5-27 15:06 編輯

觀塘泓富中心高層spa

之前朋友有講過話唔好，我唔信邪，走去試按摩然後覺得好舒服，就買咗package 扣格仔。

點知惡夢就開始黎了，佢成日無位無時間，好難預約。佢啲按摩師手法原來非常參差。不過要為按摩師平反一下，佢哋啲按摩接住落中間完全冇休息時間，一日按足9至12個鐘，鐵人都打殘。同埋就係因為佢哋中間接着冇時間休息，所以完全唔容許客人遲到，客人遲到就會扣你時間，幾分鐘都唔得。

唔俾遲到都唔緊要，但係佢好hard sale，入親房出面啲sales都走入你要你扣多啲格仔做其他嘢，搞到你冇得休息。阻住你休息都唔緊要，佢哋推薦埋啲嘢係完全價錢唔合理，做一拍淋巴機要$1800，做一個叉又係$1800，兩樣都係只係做20分鐘。

呢排因為要打第三針先去到美容院，我就嚟冇得做，剩返嘅格數佢叫我要呢段時間做埋佢，所以佢話為咗我好，叫我用千二蚊做一個Facial，另外再用千八蚊做其他機，務求將我啲格仔用最多嘅錢換最少嘅嘢，呃晒佢。

我唔肯，講到盡只肯延期一年，佢最後甩門而去。彷彿我好似唔係客一樣，我嗰刻委屈到想喊。

但我忍住咗，講咗我好耐都冇講過嘅粗口，走咗。

以前我做得唔多按摩同Facial，只係試過佐敦一間樓上鋪仔，又平做得又愉快。貴嘅試過Dior，超級靚嘅Facial不過九百幾，已經包埋按摩又做個幾鐘好正。我都唔係啲咩西客，一直都做得好開心，直到喺呢間垃圾度做，做咗年幾每次都有唔同嘅嘢令我覺得唔開心同激氣，我已經盡量忍住想做咗佢，但係真係想講出黎舒服下。

同埋我其實中間都見過好多客人喺嗰度大吵大鬧，一開頭我都以為咁岩遇到西客，而家我明白，只係因為呢間嘢太垃圾。大家可避則避，共勉之。