親子假日‧樂遊遊 今日: 0|主題: 46

交通：去到機場嘅任何交通工具 (e.g A線及E線巴士、機鐵)

第一次帶細仔嚟機場睇飛機，航空探知館有模擬飛機控制室，俾錢會有姐姐講解，扮機司同埋飛模擬架駛遊戲，仲可以影相，佢地會即場打印送俾客人，不過因為幾年前同哥哥玩過，今次無再玩喇！

呢度仲有飛機模型，等小朋友、大朋友更了解飛機嘅結構。

今次嚟嘅戲肉~ 就係上展望台睇飛機！首先要去櫃台買票 (大人$15，學童半價，3歲以下免費)，然後自行入場 (無人查票)
。

今次比平時多好多龍友影相呀！

而細佬就甩繩一樣~四圍跑！

表演食飛機呀！

自己一個靜靜睇飛機，影飛機！

小朋友可以近距離見到飛機降落 (升空係向遠離大樓方向)，睇吓望遠鏡，跑吓，邊捨得走架！