吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 奶奶，你到底知唔知我忍得你好辛苦 (好長，不喜勿插) ...

婆媳關係今日: 1|主題: 27701

收藏本版

發帖

返回列表

跳至頁

查看: 6848 | 回覆: 76

奶奶，你到底知唔知我忍得你好辛苦 (好長，不喜勿插) [複製鏈接]

12 3 4

babuyeung

大宅

積分: 2447

開心吸收勳章最關心BB問題熱投勳章認識瑞士牛牛第二回育兒性格勳章我的育兒心得勳章

1^#

發表於 15-8-24 15:40 |只看該作者 |倒序瀏覽 |打印

奶奶，你到底知唔知我忍得你好辛苦..
我真系好討厭你，我幫BB拍片時，有你把聲，我聽到都覺得好辛苦，我怨你，我嬲你，我憎你，你有無撫心自問你對我做過D咩野.

系，可能系我小氣，系我小家，系我溫室長大，系我唔大方，系我比我父母寵壞，但自未受你一水之恩，一米之恩，你只系我名義上的奶奶，你馮咩蝦我?

唔記得，我講返比你聽好唔好:

1. 入門黑我面，因為你覺得我女家D金多，令你無面! 我系獨女，我亞媽買比我，就系要我嫁得體面，你唔舒服，SORRY! 如果我早前你黑面，我會再自己買多D
仲有你記住，後來折禮，你果一對龍鳳鈪, 我已經比返你。

2. 入門，同你住，系我死蠢，以為可以增進大家感情，SORRY，原來錯Q，系我無知，系我表錯情。你講得無錯，我系外姓人
我而家知道一日系外姓人，終身系外姓人，你都系外姓人!!!

3. 同你住，做家務我OK，我做得人新抱，都預左，但有時你D仔仔女女，孫仔孫女，全部返來，一屋幾十人，可唔可以分擔小小，次次我洗足全場，仲要切好生果比你地食，都唔緊要，麻煩你唔好話我洗得慢，想快，你叫你D女入黎幫手。

4. 我大肚，由有左，你就日日講要生仔，我2個幾月已經知系女，系唔同你講，到左4個月，同講你系女，你第一句就系: 我無可能睇錯。
系呀，你真系錯，錯晒。你感想生仔，自己再生，唔好意思，我只系識生女。我當時真系忍唔坐講句，我再生都系女，我淨系識生女
生仔生女，都系你個仔D血脈, 又系跟你地姓，仲想點。

5. 我大肚腳踵，洗碗洗到9個月，你就成日扮好人，叫我唔好洗，但又補多句，得果幾隻碗，容物易就洗好啦。系囉系囉，系我硬頸，自己系都要洗囉。

6. 我地BB就出世，根本無地方訓，你叫我地將BB放系廳!! OK，我接受唔到，我搬囉

7. 我地買樓已經講左比你睇，你又OK左，我媽比首期同裝修費，但你東又唔滿意，西又唔鐘意，連點裝修你都有意見，一味要我裝修跟你間公屋，我…頂!

8. 入伙，多謝你送上舊煲，舊碗，唔緊要，我都會照用，你一翻心意，我會全收. 都真系用到而家

9. BB出世，你煮LUNCH 及晚餐來醫院，我真系好感動，都好感謝你，只系我未知好戲在後頭

10. 我媽年紀大，唔識煲野比我，我用8000元請個陪月(朋友介紹), 你日日上來哦我，話我曬錢，亞奶奶，D錢系我辛苦自己搵返來嫁 (雖然我最後發老脾叫老公比, 但都是應份的)

11. 我生左，老公因為怕用左多錢，果一個比少1000家用你，你洗唔洗搵上門?

12. 最最最嬲，你唔比我餵人奶，成日話餵人奶唔飽，又無營養, 古代D人都系食人奶，又唔見D人死晒。你仲系LE個世上? 到後來，原來你系自私都怕個BB痴我身，你都痴痴地，有邊個BB唔鐘意痴自己個媽媽。最後搞到我有抑鬱，真系多謝晒你

13. 我坐月，你同我講唔想個仔感辛苦返來煮飯比我食，同洗碗，最後要求個仔返去你度食。其實有我媽在，已經有人煮晒飯，就算要佢洗幾隻碗，有咩問題??我入你門，都晚晚要洗碗，唔通洗一個月碗，隻手會爛??? 最後我坐月感耐，1-5 都系同媽 2個人食，好似無老公。一個女人生完，最需要系個老公支持同愛。LE單野，我怨你一生

14. 問心，你比乞衣都唔會比飯焦人地食啦，何況我系一個餵緊人奶的媽媽，你個仔食白米飯，我就成碗都系飯焦!!! 我食唔落，你叫我撈湯食左佢。第2日仲同我講，你鐘意食飯焦，SORRY, 麻煩你日後留返自己食，唔洗比我

15. 我坐月，你次次上來買火腿，OK，第日你個女生左，我都會買火腿比佢

16. 你個仔系度，你就叫我唔好做家務，個仔唔系度，你就同我講，個仔真系慘，咩都要自己做晒，你想點呀!!!

17. 你話我，我忍，你有身資格話我媽，仲whatsapp同我講，世上只有媽媽好，(媽媽的媽媽最好), 系呀，唔通你以為你好過我老媽?

仲有…不過，無力再打…個心好傷……………………….

0 0 0

私人傳訊

applesonhung

別墅

積分: 704

2^#

發表於 15-8-24 15:52 |只看該作者

你奶奶好衰。。。如果我係你，我接受唔到，也唔會幫佢全家人做曬家務

私人傳訊

tabo82

大宅

積分: 1196

3^#

發表於 15-8-24 15:52 |只看該作者

唔同住就少見為紗，99進擊你就叫C6 KO 99

私人傳訊

ivory0915

珍珠宮

積分: 39762

開心吸收勳章醒目開學勳章

4^#

發表於 15-8-24 16:01 |只看該作者

最緊要保重自己，咩都係假，佢當你外姓人 (excatly same as my 99) fine，無問題，如果唔係因為老公，佢係路人甲 only . . .

take care !

"女" 人做牛做 "馬" => 媽

私人傳訊

cloverarra

複式洋房

積分: 236

5^#

發表於 15-8-24 16:07 |只看該作者

我奶奶都超賤，我好累，我打唔出，太多太多

神的恩典夠你用。

私人傳訊

littledot

公爵府

積分: 28748

6^#

發表於 15-8-24 16:08 |只看該作者

回覆：babuyeung 的帖子

有冇攪錯，你99叫，你c6就真係晚晚返去食飯，留低個老婆係屋企？俾我實

左佢
見到個老婆成碗都係飯焦都唔理，再

點評

leepaklok924

發表於 15-8-26 01:09

monlee313

發表於 15-8-25 05:10

私人傳訊

ky0416

禁止訪問

積分: 7195

7^#

發表於 15-8-24 16:26 |只看該作者

提示: 作者被禁止或刪除內容自動屏蔽

私人傳訊

Ting886

複式洋房

積分: 261

8^#

發表於 15-8-24 16:29 |只看該作者

回覆：奶奶，你到底知唔知我忍得你好辛苦 (好長，不喜勿插)

你奶奶真係好衰

Btw 唔好為左呢啲人勞氣，眼不見為淨，加油，支持妳

私人傳訊

cloverarra

複式洋房

積分: 236

9^#

發表於 15-8-24 16:29 |只看該作者

1唔理我強烈反對，比五羹水我個仔飲
2要我開七星茶珍珠末比未滿月ge佢飲，唔做黑我臉（宜家佢尼，我幾累都唔會睡，要體住佢）
3我個仔宜家一個半月大，佢竟然湊佢腋下拎佢上尼，唔托頭頸屁股
4生完即比我薑飯，我日日照食。而且逼我飲雞酒，唔飲勁黑我臉，語氣勁差！（我老公放工翻來，就語氣變翻正常！！）宜家我應該會照超聲波，因為惡露太多日了，都唔清
5我剛餵bb人奶，佢話煮左薑飯要我食，我話bb食緊，佢鬧我：“阿x，叫你食就出尼食啦！“好似當我系隻狗甘
6我第二日出院翻我同老公個屋企，佢一直望住我餵bb奶，我新手，唔太識，但佢一味抱bb向我乳房到，位又唔對，痛到我。而且不斷話我唔夠奶，得幾滴！但我話尼d系初乳，系甘，佢唔理，笑我，話佢當年d奶系射出尼，好自豪甘講。搞到我好大壓力，有產後抑郁，日日喊，直至佢走左幾日，我先好翻。
7佢叫佢親戚打比我，佢親戚叫我一定要餵b水，否則渴死,而且奶水唔夠就買奶粉啦！我話夠，bb頭幾日飲好少，佢就話，買定放o系屋企，唔夠ga la~
8我買環保尿布，佢笑我：“你有時間洗咩？有地方晾咩？“後來我買10塊，唔多唔少，10塊姐，我洗得到。點知佢話佢見有尿布，可以買比我，問我要唔要。我話我夠了，10塊夠。佢話10塊點夠。我話再多ge話都無時間洗。佢就又笑我，話：“都叫你唔好買ga la！邊有時間洗啊你！“我真系無言，我買10塊，ok，再多先唔ok 姐
9不斷挑撥離間同我講我媽對我假心，佢根本唔錫我（甘難度你作為99就錫我？）
10.我話bb唔用爽身粉，我有潤膚ge，爽身粉液ge。。。好多，夠。爽身粉唔好，塞毛孔，致鼻敏感，佢唔聽，系都要比
bb搽
11.佢根本唔識幫bb沖涼，但又唔中意我偷偷地趁佢尼之前幫bb沖左。甘bb一比佢幫沖，就全程喊。我就唔會，我沖，bb好享受，一開始可能比99嚇親會喊，但我沖沖下，bb就知，就唔喊了
12.不斷話我唔飲粟米水，所以bb有黃。然後竟然叫親戚同我講要比埋粟米水bb飲！我當然唔理。
13.不斷話我凍親bb，有兩次佢跟我去健康院，三十幾度，佢比bb著長衣加背心外套，褲，手套，然後拎毛巾包住bb，拎我條褲再蓋bb（話咩辟邪）,再系都要背佢買ge幾十蚊好硬有唔透氣加好厚ge背帶抱住bb！bb熱到出曬汗有熱痱
14......
太多了
我竟然打左甘多
可見我d怨氣。。。

神的恩典夠你用。

私人傳訊