其實我唔係媽媽,只係有啲關於媽媽BB聚會想了解吓。
事緣我地公司收到一位媽媽喺FB 聯絡,話有兩個喺葵涌一個party house 搞的生日會想搵我地公司贊助啲禮物,佢話係私人聚會,係50個年紀差不多的BB媽媽喺FB 識咗然後搞的私人聚會,我地公司其實贊助是ok 的,只係要求喺FB Like 我地,但如果是商業活動就梗係唔係咁簡單啦。呢位媽媽話係私人聚會咁冇問題啦,但我地發覺 like 我地FB 的人全部都係太空戶口,或是是嗰間 party house 的人,嗰位媽媽後來重叫我地再贊助埋同一個 party house 搞的其他生日會。問返聯絡個媽媽,party house 個負責人就跳出嚟反枱了。
咁我想問下有冇媽媽參加過呢類群組搞的生日會?其實參加嘅媽媽係咪真係要自己搵贊助?睇返嗰間 party house 以前啲活動,啲客又會讚佢搞到好多贊助禮物。。。。搞到我都好亂, 如果係 party house 搵我地攞贊助,咪老老實實講囉。。。。
媽媽會有自己的 FB page? 一開始聯絡我地個媽媽只係話喺FB 有媽媽發message 集合咗一班媽媽後開 whatsapp 群組,重話呢類群組 BK 好common,咁我地冇乜理由話要睇人地 whatsapp 啫, 所以佢話係私人聚會我地都係講個信字.....而家我地只係問咗聯絡嗰位媽媽一句太空戶口的問題,就俾間 party house 的負責人鬧到上咗天花板,重話係而家三個 party 的媽媽都拒絕我地贊助...... 佢都唔理我地根本冇答應過第三個 party 的贊助