結婚3年幾以黎,除左生仔女&坐月時間,不嬲都比c6出去同fd飲酒食飯吹水,幾夜都得,最緊要起行返屋企前打比我話聲on the way就無問題。一直都比佢出,因為知有男有女(廢話)所以飲酒飲到幾癲幾醉都覺得問題不太,試過wing到佢自己都唔知自己點返屋企,原來係個我都識既男fd幫佢call的士。簡單黎講我地大家約fd出去都唔會過問大家,通常都自己報定案,講好大約幾點反。好喇,尋晚佢出去食飯直落飲野,係同舊公司同事,我完全唔熟+未見過,淨係知佢地whatsapp開group話有咁既聚會,都上個月開始約,都知有男有女,咁當然照舊無問題,亦都無過問佢,結果尋晚唱k飲酒wing左大半咁反黎(4點幾)咁我都無問題,男人都要relax講老細是非,right?但今朝忽然手多開佢電話睇whatsapp(我知我衰唔應該咁做)一睇個group,得兩個舊女同事,我即問c6:(溫柔地)尋晚有幾多人去?佢答:3個囉計埋我。我再講:2個都係女人丫嘛。我都有我底線架,理得係舊同事舊同學,係咪應該話聲我知得你一個男人呀?c6:「(死狗地)咁我以為你知嘛(佢知我先前睇佢whatsapp)....sorry呀唔好嬲喇」我:「咩叫以為我知呀,咁既情況下應該同我講聲丫,我約fd出去我都話你知有咩人丫」c6:「本先有呀A呀B架(男人黎)不過放左飛機之嘛,sorry呀老婆唔好咁喇,無同你講係我唔啱」我:「咁放飛機都唔係今晚既事喇,AB一早left左個group,點解唔可以自動自覺架?你結左婚架可唔可以理我感受呀」之後佢好似講左無下次果啲說話,嬲到都唔知點答佢喇。未鬧佢之前佢仲攬住我問仲咩事未覺得有問題。一直都甚少過問佢啲fd食飯果啲野,係想大家自動自覺信任大家,但而家佢係用我對佢既信任去呃我,好嬲,最後我趕左佢出廳連枕頭,佢一直都say sorry,完全接受唔到。嬲到喊,手都震哂,點解結左婚時間一耐,想講個信字都唔得?定係我太小氣呀jm們