吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 網購天地› 淘寶達人必睇：10大集運公司大比併

網購天地今日: 0|主題: 70450

收藏本版

發帖

返回列表

跳至頁

查看: 3075 | 回覆: 17

淘寶達人必睇：10大集運公司大比併 [複製鏈接]

jojogarden

男爵府

積分: 5252

1^#

發表於 16-7-18 19:03 |只看該作者 |倒序瀏覽 |打印

http://www.moneyhero.com.hk/blog/zh/%E6%B7%98%E5%AF%B6%E9%81%94%E4%BA%BA%E5%BF%85%E7%9D%87%EF%BC%9A10%E5%A4%A7%E9%9B%86%E9%81%8B%E5%85%AC%E5%8F%B8%E5%A4%A7%E6%AF%94%E4%BD%B5

0 0 0

私人傳訊

jojogarden

男爵府

積分: 5252

2^#

發表於 16-7-18 19:05 |只看該作者

回覆：jojogarden 的帖子

私人傳訊

etplanet

大宅

積分: 4285

3^#

發表於 16-7-18 20:43 |只看該作者

--> 是價格大比併呀

對我來講無用, 服務/口碑好不好先是最重要

私人傳訊

小雄維尼

水晶宮

積分: 57033

醒目開學勳章畀面勳章環保接龍勳章親子達人勳章

4^#

發表於 16-7-18 21:41 |只看該作者

回覆樓主:

官集/私集我都試過，揀邊樣除左睇價錢，當然睇自己要集乜野❨官集太多限制

❩, 睇邊間方便自己收貨，我如果甘岩過開深圳，直頭係個邊收埋，連香港運費都慳返，自提點收2蚊人仔就得

心存正念，接觸的人都會是貴人;
心術不正，接觸的人都會是小人。

私人傳訊

lavenderki85

大宅

積分: 1068

5^#

發表於 16-7-19 04:40 |只看該作者

小雄維尼發表於 16-7-18 21:41
官集/私集我都試過，揀邊樣除左睇價錢，當然睇自己要集乜野❨官集太多限制❩, 睇邊間方便自己收貨 ...

請問你深圳自取點係用邊間集運？自取點位置方便嗎？謝謝

私人傳訊

jojogarden

男爵府

積分: 5252

6^#

發表於 16-7-19 06:53 |只看該作者

回覆：jojogarden 的帖子

理財資訊 - MoneyHero.com.hk

淘寶達人必睇：10大集運公司大比併

July 15, 2016 |Posted by Vicky Lam | 全部文章, 品味生活, 理財小貼士
Tags: BUYUP, Dimbuy, 國際轉運, 多寶, 淘寶, 神州, 集運, 順豐

隨著香港物價不斷上漲，愈來愈多香港人鍾意上淘寶「濕平」掃平貨。而上過淘寶嘅人都知，淘寶店鋪五花八門，買鍾嘢嗰陣好多時都會呢間買一件、嗰間買一件，唔經唔覺就幫襯咗好多間鋪。為節省因為咁而產生嘅大筆運費，識玩一定係用集運，將唔同店鋪嘅貨品一次過運返香港！

不過市面上嘅集運公司數量繁多，到底邊間最快最平，邊間最可靠？你又知唔知集運有啲乜地方要注意？而家就等MoneyHero.com.hk同大家逐一介紹！（2016年7月更新資料）

淘寶官方集運

淘寶集運可分為「官方集運」及「私人集運」。「官方集運」係指淘寶網內嘅「國際轉運服務」，用戶可直接經淘寶網選擇指定嘅集運商進行集運。整體而言，官方集運嘅運費比私人公司稍貴，但淘寶設有比較清晰嘅條款保障買家，例如「5天送貨承諾」等。然而，由於官方集運嘅貨品限制比較多，並唔係間間店舖都可以提供國際轉運。想了解更多詳情請按此。

目前與淘寶網合作嘅集運商包括：順豐速遞、4PX遞四方及中通快遞：

1）順豐速遞

順豐可以話係中港速遞業務嘅龍頭大哥，出名服務穩定同有效率，但價錢係全行中較貴。集運首公斤收費為¥25，其後每公斤¥8，派送住宅/偏遠地區需付$30附加費。大部分情況下，順豐可以1至2日內到貨，自取點亦遍佈香港各地，取貨方便。

2）4PX遞四方

如果想價錢平啲，4PX算係唔錯嘅選擇。運費為首公斤¥17.5，其後每公斤¥8，住宅及偏遠地區附加費為$25，正常情況下2至3日內到貨。目前4PX在香港有22個地點設有24小時自助儲物櫃，包括旺角雅蘭中心、九龍灣Mega Box、荔枝角Aeon店、香港仔田灣等，取貨算幾方便。

3）中通快遞

中通嘅運費為首公斤¥18，其後每公斤¥7.2，價錢同4PX相若。用中通嘅好處係可以去郵局取貨，方便屋企喺郵局附近嘅用家。

（相關閱讀：【支付寶用唔到】淘寶購物點算好？）

私人集運公司

非官方嘅集運公司同淘寶並無任何關連。除咗淘寶，你亦可以透過佢哋集運其他中國國內網購貨品。購物時，你需要將「收貨地址」設為集運公司嘅收件倉地址，並於貨件到倉後，登入集運公司網站認領貨物並安排集運。以下係香港人最常用嘅集運公司：

4）DIMBUY

DIMBUY係最早期推出集運嘅物流公司之一，信譽良好，規模喺香港亦算數一數二。DIMBUY嘅價錢同淘寶官方集運差唔多，首公斤¥18起，之後每公斤¥6起。該公司亦同OK便利店、Vango便利店、中石化油氣站及順豐合作，全港好多地方都有自取點，不過自取貨物嘅重量及體積限制比較嚴謹。另外值得留意嘅係，DIMBUY一次最多只可以合併5張訂單，內地集運倉嘅免費存倉期只有10日，對部分用家而言可能唔太方便。（網站：https://logistics.dimbuy.com/）

5）多寶集運

多寶集運係一間比較有規模、價錢亦較平嘅集運公司，自取點/自取車遍布全港各區。自取費用為首公斤$8，其後每公斤$8；派送費用為首公斤¥16，其後每公斤¥6，正常到貨時間為2至3個工作日。用多寶嘅好處係佢地唔會成日同你計「體積重量」（除非你件貨好大）。（網站：https://www.manybo.com/）

6）淘派集運

淘派集運係2014年新成立嘅集運公司，全港只有葵芳一個自取點，主要做速遞派送服務。淘派嘅自取/派送收費為首公斤¥13，其後每公斤¥3，可以話係全行最平！不過每件貨物0.5公斤起標（即使單件貨重0.1公斤，佢都會計0.5公斤），變相貨品重量多咗。（網站：http://www.taopai.hk/）

7）Funlala集運

Funlala集運成立於2012年，早幾年比較多人用。全港有接近20個自取點，包括一啲偏遠地區，如香港仔、屯門、天水圍等。自取費用為首公斤¥10，其後每公斤¥6；派送費用為首公斤¥15，其後每公斤¥6，價格屬中等。（網站：http://www.funlala.com/）

8）神州集運

神州集運係香港比較多人用嘅集運公司，一來佢開業時間較長較多人識，二來運費平又自取點多。自取運費首公斤¥10，之後每公斤¥4.5起；派送運費首公斤¥14，其後每公斤¥4.8；另設「敏感貨物特貨專線」，供運送食品、電子產品、化妝品等貨物。不過要留意，神州集運嘅到貨時間可能長達4日，唔係太啱心急收貨嘅人士。另外自取貨品存放期只有2至3日，到貨後需要盡快領取。（網站：http://www.szjy188.com/）

9）BUYUP貨運中轉站

BUYUP喺香港有唔少忠實用戶，主要係因為價錢唔貴，服務又OK，唔扣關嘅話1至3日到貨，而且有超過40個自取點，遍布港九新界。自取費用為首公斤¥11，其後每公斤¥6；派送費用為首公斤¥16，其後每公斤¥6，住宅附加費只需¥15，較其他公司平。要留意番自取貨品存放期只有2至3日，到貨後需要盡快領取。（網站：http://www.buyuphk.com/）

10）集運王

集運王係一間較新嘅集運公司，香港自取點總共有超過40個，包括屯門、粉嶺、西貢等偏遠地區。呢間公司自取嘅價錢比較吸引，其中荃灣物流中心自取特別平，每公斤運費只係$6，特大/特重貨品仲有特別優惠。不過據知此公司較常計算貨物「體積重量」，因此大件貨物重量可能會超出預期。到貨預計時間為2至3日，大部分自取點存倉期只限2至3天，逾期每個工作天收$10。（網站：http://www.groupnship.com/）

（相關閱讀：香港網購優惠全攻略（2016夏））

集運注意事項

體積重量

所有集運公司都以貨物重量計算運費。不過你又知唔知貨物重量其實分為「實際重量」和「體積重量」？所謂「體積重量」，即係將貨物所佔既空間化為「公斤」計算。如果「體積重量」高於「實際重量」，集運公司就會以「體積重量」計算運費。基本上，全部集運公司嘅網站都有寫明會計算「體積重量」，但揸唔揸正嚟做又係另一回事，而通常又輕又大件嘅貨物都會以「體積重量」收費。

根據國際航空運輸協會（IATA）指引，體積重量之計算公式為：長度（厘米cm） x 闊度（厘米cm） x 高度（厘米cm） / 6,000 = 體積重量（公斤kg）。

海關查車

集運公司嘅貨車經過內地關口時，有一定機率會被海關查車。萬一遇到呢種情況，貨物隨時會延遲幾日至十幾日到港，令收貨時間大失預算。如想減少貨物被扣嘅查機會，你需要選用順豐之類嘅大型速遞公司，同埋清楚地申報所運物品。

貴重貨品

如非必要，大家應避免使用集運運送貴重物品，因為好多集運公司並冇為顧客提供足夠保障，萬一失件會比較難追究，即便追究到，賠償金額亦可能只係運費嘅幾倍。但如果真係要用集運運送貴價貨，小編比較推薦DIMBUY同淘寶官方集運，呢兩間公司有相對比較全面嘅條款保障客戶。

私人傳訊