懷孕前後 今日: 4 | 主題: 329776

積分: 94

1^#

發表於 17-1-7 03:26 |只看該作者 |倒序瀏覽 |打印

我係荃灣港安醫院剖腹產既媽媽。
由張智醫生開刀的，同大家分享下過程。

本身我係打算順產既，但由於BB個頭大又到了預產期都無任何產兆同B仔已經去到8磅半所以醫生建議我開刀/催生，咁我選擇左轉開刀啦。
我係早上8點開刀所以前一晚最遲9點前要到醫生做入院手續，咁食埋晚飯老公就陪我入院啦～咁首先係地下先俾2萬蚊先跟住就上婦產科揀房啦～當日得返三人房同私家單人房，咁我選擇左三人房既，然後姑娘就會問你需唔需要額外收費既服務，有先生陪產$500，剪臍帶加影相$350，初生聽力測驗$700（呢個健康院都會幫BB做，個人覺得唔需要額外俾錢係私家做），每日俾爸爸抱BB 15mins $350，抽臍帶血等等既收費項目，我地就要左陪產同剪臍帶，跟住姑娘先送左套入院包俾你，有哂牙膏牙刷床墊衞生巾清洗瓶，個人認為帶套睡衣拖鞋毛巾就夠啦～其他野可以就用哂先叫家人攞過黎或者再買，咁姑娘就先幫我剃毛同聽胎心，跟住就會帶你去房間啦～三人房好大間仲要得我一個媽媽，有一個浴室同一個廁所，我係屋企洗頭沖完涼先去醫院既，但媽媽其實可以到醫院先沖涼都可以，因為剃完毛都要沖一沖下半身。
港安探訪時間係7am至10pm,所以搞完一大輪都差不多10點啦～老公都要走啦，姑娘就叫佢最遲明天7點3前要到醫院。

12點後就唔飲得水要禁食啦～跟住第2日7點前要換好手術衫同飲1枝20ml既藥水係防止手術既時候有胃酸倒流既問題，當晚緊張得滯訓唔著，姑娘會巡房check 胎心，d姑娘都好nice,3點過黎既時候見我緊張到訓唔著都同我傾下計放鬆下我心情。

到左早上6點半，我就起身刷牙洗面換衫等老公過黎，7點30左右姑娘就過黎推我落去手術室啦，到左之前就有麻醉師同你講解下麻醉流程，跟住張醫生到埋就開始啦，首先幫我插左吊鹽水果條管先，跟進量血壓同要你彎身C字形咁比麻醉師係尾龍骨打麻醉藥，打完會感覺到下半身暖暖地跟住好快就郁唔到啦，之後姑娘幫我插埋尿喉同消毒個肚，過程完全唔痛。準備好哂姑娘就叫先生入黎陪產啦。

0 0 0

私人傳訊

charmb_neko

複式洋房

積分: 477

2^#

發表於 17-1-7 03:53 |只看該作者

我6月都搵張智醫生係港安開刀呀，想問一下埋單幾多錢呀？thanks

私人傳訊

積分: 94

3^#

發表於 17-1-7 03:58 |只看該作者

sanaleung66 發表於 17-1-7 03:26
我係荃灣港安醫院剖腹產既媽媽。
由張智醫生開刀的，同大家分享下過程。

有塊布遮住當然我地都唔會睇到血腥既畫面啦～同埋打左麻醉藥雖然半身麻醉但個人都迷迷糊糊，好快10mins都唔洗就聽到喊聲啊B出生啦，醫生就會俾個BB你望下問男定女，跟住B仔就用塊布包住俾爸爸抱住影全家福啦，影完之後Bb就會攞去磅重，爸爸都跟住出去等剪臍帶啦，咁啊B會訓係個箱度推出去，而我就開始縫針，係果陣時我已經好眼訓半訓既狀態，張醫生手勢好純熟好快就縫好傷口啦，跟住就推左我去觀察室觀察下先，我就有打冷陣，凍同眼訓既情況，觀察左30mins左右啦就推返我返房休息啦～跟住兒科醫生就會黎打個招呼，同埋我就額外俾$1290 去做一個安康檢，係腳抽BB幾滴血去驗下會唔會有咩代謝病

清醒既時候已經12點啦慢慢感覺到下半身有返知覺啦會感覺到痛啦，吊既鹽水當中會有止痛藥但都有宮縮藥成份，所以會係一邊止痛一邊又有宮縮既痛，對我黎講係接受到既痛程度～6個小時後開始飲得水就要飲多d水啦，我就整左炒米茶飲，而可以飲水所以姑娘有俾止痛藥同消炎藥我食，因為剖腹產所以第一日係餵唔到人奶，咁要食住奶粉先啦，我就揀左惠氏S26

私人傳訊

積分: 94

4^#

發表於 17-1-7 04:02 |只看該作者

charmb_neko 發表於 17-1-7 03:53
我6月都搵張智醫生係港安開刀呀，想問一下埋單幾多錢呀？thanks

HI,大幾7萬6左右啦，呢張係張醫生宜家既收費表啊～因為唔同房型個價錢，巡房費都唔同，你可以睇下

私人傳訊

charmb_neko

複式洋房

積分: 477

5^#

發表於 17-1-7 04:05 |只看該作者

sanaleung66 發表於 17-1-7 04:02
HI,大幾7萬6左右啦，呢張係張醫生宜家既收費表啊～因為唔同房型個價錢，巡房費都唔同，你可以睇下

...

真係唔該晒你呀，你係三人定兩人房呀？

私人傳訊

積分: 94

6^#

發表於 17-1-7 06:20 |只看該作者

charmb_neko 發表於 17-1-7 04:05
真係唔該晒你呀，你係三人定兩人房呀？

本帖最後由 sanaleung66 於 17-1-11 22:01 編輯

原來二人房會係12樓，三人房先係13樓嫁，咁如果係開刀二人房會方便好多啊，因為餵哺室,探BB都係12樓嫁，唔怪得二人房搶手D啦～我晚上去登記得返三人房同最貴既私家房咋

私人傳訊

MacyM

積分: 2951

7^#

發表於 17-1-28 15:18 |只看該作者

請問開刀後幾時可以見BB? 之後見BB時間係點？

私人傳訊

day_day

積分: 1773

8^#

發表於 17-2-3 08:26 |只看該作者

引用：Quote:sanaleung66+發表於+17-1-7+03:26+我

原帖由 sanaleung66 於 17-01-07 發表
有塊布遮住當然我地都唔會睇到血腥既畫面啦～同埋打左麻醉藥雖然半身麻醉但個人都迷迷糊糊，好快10mins都 ...

請問是否那裡的醫護人員説你開刀第一日不讓你餵人奶？

私人傳訊

yan1101hk

積分: 1748

9^#

發表於 17-2-3 13:26 |只看該作者

回覆 sanaleung66 的帖子

首先恭喜你同bb健健康康，快高長大

我揀左3月尾早上8點喺荃灣港安剖腹，第一胎，有幾條問題想請教你。
1）醫院果套入院包，最終你夠唔夠用?有冇邊樣唔夠?我怕先生唔識買，自己可以準備埋先。
2） bb 奶粉醫院有提供，咁尿片果d有冇?要唔要自己帶去?bb方面，有d乜野要自己帶去?
3）每日爸爸抱bb時間15分鐘$350＞想知$350係咪得一日定由出世到出院咁多日?其他人可唔可以抱? 我呢?
4）剃毛?
5）兒科醫生係咪要自己搵?定係港安醫院安排?

唔好意思，第一胎咩都唔識，希望你有時間覆我。唔該

私人傳訊

sleep_tweety