尋日同太太響一食肆食蒸飯+點心晚餐,食物不過不失。入去時由個較爲年青(約30嵗)女服務員來接待,並收拾上手嘅碗碟、殘餘物,少少論論盡盡,收咗就算,本來無乜野嘅,咪等佢慢慢來搞。不過另一較資深(約45嵗)嘅女服務員可能見我地無人理,於是來抹枱,態度好好,快手快腳,搞掂後,年青人先攞碗筷來,攞漏一隻筷子,亦無碗仔。因爲得閒,就私底下評論兩人當玩,不過年青人真係行步路都好悠閒,資深人每次送野來都好有禮貌,提醒蒸飯個兜好熱,真係唔似一般小型食肆個服務員。而一間咁細嘅食肆(大概30座位)有咁唔同工作態度嘅員工,幾得意。通常或多或少會互相感染,勤快嘅覺得唔抵,蝕底咗,會放慢番速度,而懶散個會覺得唔好意思會調快番速度。
其實年輕人出來做野,應該積極D, 拖慢D野來做時間咪過得仲慢…