我個仔就係成餐飯睇住youtube食,開始時係因為佢由出世開始食奶同食飯都食得唔好,一直喺生長綫最底,差少少就跌出去,所以為咗佢可以食到多少少就開住youtube睇住食,開始時早晚兩餐各一個鐘,而家佢食飯開心咗又食得快咗,好多時半個鐘已經可以熄機,其實我覺得就算睇住食都唔太大問題,大人都會電視汁撈飯啦,只要唔係只睇不吃,同唔係近距離睇就ok啦
每日有節制咁睇,其實小朋友係可以喺youtube學到好多,我個仔20個月已經識得好多英文歌用舞步,比上play group 學到嘅更多,我唔開住youtube,用口唱佢都完全可以自跳晒隻舞,有時佢會自己一路玩一路唱添,你同佢定規矩咩情況下可以睇就ok