見完醫生, update一下先
尋日見到吳教授, 做左陰超, 話2邊輸卵管塞+水腫
要做輸卵管手術, 佢話可以通返輸卵管同做個造口, 再試自然懷孕
其實我唔想再試...但係公立唔會咁進取, 唔知俾唔俾我直接紮/切輸卵管再ivf呢???
教授話姑娘會2個星期內打俾我話我知排到幾時做輸卵管手術
我話如果等得耐的話我想私家做, 佢又話私家做得冇咁好...
但係要我等成年我真係唔想, 所以諗住今日打去私家度約睇醫生同問下手術既野
唔知可唔可以係私家度做完輸卵管手術, 再排公立ivf呢?
***********************
年中睇左婦科寫左referral排政府不育科
6月交信, 排左下星期瑪麗初診
先生上個月已經交左丁丁sample去瑪麗
想請教一下大家, 初診會做d咩架? 係見姑娘定醫生?
referral寫左2邊輸卵管都塞suggest ivf
咁瑪麗會俾我直接排ivf定係叫我再做檢查先決定要唔要我試iui先?
如果可以我就緊係唔想浪費時間, 想直接ivf啦…
有追下post先大家成日講”聽講座”, 好似聽完好快就可以開針
有冇話初診後大概幾耐會有得聽講座架?
唔好意思咁多問題. 多謝大家先!!