想行街, 士林多元化, 不過野食比較少(分得散D, 除左地下果層, 外面D街度都有, 但好散囉~ 所以想一邊行一邊搵食, 呢度都OK既, 但我自己唔LIKE~
想多野食, 饒河多左好多野食, 而且松山火車站出行幾分鐘就到, 好方便(松山火車站新裝修, 裡面有一間葡吉小鋪D包非常非常正! 係中式蒸包, 又香又軟又有彈性, 我女超鐘意食!) 推介中間有檔一支支的粟米, 加上不同的面料(芝士之類), 好好食!
寧夏夜市都好多野食, 冇饒河街咁多, 但就行得好舒服~
仲有淡水老街近年都多左好多野食, 順便仲可以買手信(鐵蛋, 阿婆鐵蛋比較硬, 行遠少少有一間叫醒醐既軟D有彈性, 比較好食~)
另外提供埋啦, 唔嫌遠, 可以搭個零鐘火車或巴士, 去宜蘭縣羅東鎮, 羅東夜市既小食比較特別, 同台北既唔同~ 推介羊鋪子羊肉湯(旁邊有間阿灶伯, 排隊排到痴線, 但我覺得冇羊鋪子咁好食, 另外唔想排隊, 可以行入鋪同阿姐講買走, 然後去夜市中間的公園度食, 果度好多椅坐), 三星蔥餅(愛蔥之人會食得好過引, 因為餅裡面有一碗咁多既蔥花!), 卜肉, 魏姐包心粉圓(個人覺得比晶圓好食), 買埋鴨賞(在夜市裡, 賣牛舌餅果間有得賣, 價錢OK), 係諾貝爾蛋糕店買草莓奶凍卷做手信~
整個羅東行程應該一個下午可以KO, 因為夜市4點左右開檔(羊鋪子12點就開, 可以早去就食左先), 食完晒D野, 買晒野, 可以搭6,7點既火車返台北, 係松山站落車, 正好可以行埋饒河街~
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!