吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 固執孩子如何教？

自由講場今日: 2302|主題: 1303241

收藏本版

發帖

返回列表

跳至頁

查看: 3278 | 回覆: 85

固執孩子如何教？ [複製鏈接]

12 3 4 5

bellelau

男爵府

積分: 9618

1^#

發表於 14-1-10 10:03 |只看該作者 |正序瀏覽 |打印

女兒9歲，讀緊四年級。一向乖巧順從，我亦一直對佢循循善誘。但慢慢佢自身性格開始浮現（其實哩種性格特徵一向都有，但唔強烈），令我開始覺得唔知應該點去開導佢。所以，想向大家請教⋯⋯⋯⋯
聖誕節前，有個朋友邀請我哋去參加一個教會晚餐，我高興接受邀請，帶同女兒出席。
晚餐期間，小朋友同大人會分開進餐，到整個餐聚完結要走時，我先見到個女。

0 0 0

私人傳訊

bellelau

男爵府

積分: 9618

86^#

發表於 14-1-12 00:53 |只看該作者

回覆：餃子妹妹的帖子

餃子妹妹：

關於阿女對D同佢溝通唔到嘅人唔耐煩嘅問題，我今日同佢傾過。講完之後，我覺得佢好信服⋯⋯

我用咗咩方法而會咁呢？唔知點解我好想同妳分享。
阿女有個今年先同班嘅男同學，佢姓吳。阿女似乎同佢好傾得埋，經常會提及哩位同學言行。根據阿女平時分享學校生活所得，哩位吳同學應該係一位數學小天才，腦袋轉數相當快。
今日同阿女去完圖書館行去搭車時講開哩位同學⋯⋯
我：吳同學喺數學方面咁有天份轉數又快，佢會唔會同妳溝通唔倒㗎？（阿女數學科並唔突出）
女：唔會～我都有嘢叻過佢㗎！佢上次教我玩個遊戲，左手做哩做手勢✌️，右手做哩個手勢👉。然後快速對換位置（即換成左手由✌️轉👉，而右手相反）佢一教，我即刻做到。激到吳同學跳起，因為佢話自己練咗成個星期先做到⋯⋯
我：係喎！妳都有嘢會叻過佢㗎喎！如果吳同學覺得妳數學冇佢咁叻而唔同妳玩，妳估吓妳仲有冇機會顯示妳有另一方面比佢叻呀嗱？佢有冇機會向妳好嘅方面學習呀？每個人都有自己叻嘅地方。所以，我哋要比機會人哋顯示自己叻嘅嘢，互相學習同鼓勵。
女：⋯⋯
我：咁吳同學會唔會對其他小朋友唔耐煩㗎？
女：唔會㗎！佢對個個小朋友都好有耐性㗎！（我暗喜）
我：嘩！我好欣賞佢喎！自己叻都唔會覺得人哋同佢溝通唔倒！
女：係呀！佢有一次話要同我講一D好高深嘅問題。講完問我明唔明，我話我明，佢即刻好驚訝，但係我真係明呀嘛！我發覺佢要表達同一樣嘢，對唔同嘅人會用唔同嘅方法表達㗎！
我：（大喜）嘩！吳同學果然係一個聰明絶頂嘅人呀！佢識得用哩種方式同唔同嘅人溝通，媽媽真係出自真心地佩服佢呀！
女：（點頭認同）
我：但係我都好佩服妳有留意到佢有哩樣特長。妳可以好好向佢學習⋯⋯
後來，說話又拉扯到某位完全同阿女完全唔啱Channel嘅人，我舉咗個例子比佢⋯⋯
我：一位科學家同一位農夫，彼此有自己嘅專業。如果科學家要同農夫講佢自己專業，甚麼納米呀、懸浮呀等等字眼，農夫跟本唔會明白，科學家如硬要令農夫明白咩係納米嘅話可能要花好長時間同耐性，況且，農夫都未必有興趣想知。相反，如果農夫要科學家學識點去養牛同揸手奶，一樣係有困難同埋科學家都未必有興趣。但農夫需要科學家提供嘅技術令農作物豐收，而科學家亦需要由農夫提供食物。冇話邊個叻D，但彼此互相需要同尊重。如果科學家要同農夫溝通，可以大家講一D日常生活嘅嘢，閒話家常咪得囉！
女兒聽後微笑點頭⋯⋯
教咗個女咁耐，我好易分辨阿女係真心認同定還是應酬過去就算。

我明白作為父母需要長期作戰，要不斷喺生活例子中提點及穩固孩子價值觀。

私人傳訊

miffymiffy

瑪瑙宮

積分: 131672

好媽媽勳章醒目開學勳章畀面勳章環保接龍勳章親子達人勳章 BK Milk勳章

85^#

發表於 14-1-10 23:38 |只看該作者

回覆：bellelau 的帖子

thanks

私人傳訊

bellelau

男爵府

積分: 9618

84^#

發表於 14-1-10 22:58 |只看該作者

回覆：固執孩子如何教？

喺度，我衷心多謝各位真心回Post嘅JM。我覺得BK姊妹真係見識廣博，每次我有疑問上嚟問嘢，BK姊妹都能夠幫到我，非常感激。

以後，我有咩疑問上嚟問嘅話，請各位姊妹繼續多多關照。

妳哋比我嘅留言，我會好好記住（唔記得會再睇返D留言

）並運用。謝謝！

私人傳訊

bellelau

男爵府

積分: 9618

83^#

發表於 14-1-10 18:57 |只看該作者

引用：Quote:原帖由+bellelau+於+14-01-10+發表冇

原帖由 miffymiffy 於 14-01-10 發表
有咩特質?我懷疑我小朋友都有，遲啲同佢去做評估

又名亞斯伯格症候群或阿斯伯格綜合症，是一種泛自閉症障礙，其重要特徵是社交困難，伴隨着興趣狹隘及重複特定行為，但相較於其他泛自閉症障礙，仍相對保有語言及認知發展。亞斯伯格症患者經常出現肢體笨拙和語言表達方式異常等狀況，偶爾會發出怪聲音，但並不作為診斷依據。

被診斷為亞氏保加症的兒童，必須具有以下三種徵狀[11]：
社交困難（Social deficit）、
溝通困難（communication deficit），和
固執或狹窄興趣（rigidity or restricted interest）
頭兩項可以綜合為以下幾個現象：
對常規無法理解或僵化規則。
對突如其來的轉變感到不安，甚至出現不穩定的情緒。
患者的情緒成熟度只有年齡2/3左右。
執著一種或多種特定且不具功能性的行為。
在分辨真實與虛擬世界上有困難。

就咁睇，我女就係中咗固執一項。