吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 宗教信仰會局限思想自由？

自由講場今日: 147|主題: 1302859

收藏本版

發帖

返回列表

跳至頁

查看: 1640 | 回覆: 53

宗教信仰會局限思想自由？ [複製鏈接]

12 3

bellelau

男爵府

積分: 9618

1^#

發表於 14-6-11 07:02 |只看該作者 |正序瀏覽 |打印

我中學就讀天主教學校，有跟朋友返過幾次教會。雖然我並唔抗拒返教會，但又冇辦法說服自己去信。
我女宜家讀緊天主教小學，對於個女是否信任何一種宗教（當然不包括邪教），我係持開放態度，等佢自己發掘。
琴日放學同佢傾計，佢話佢唔想信任何一種宗教，佢話宗教會局限住佢思想自由⋯⋯
各位JM，妳哋又點睇呢？比D指點呀！

點評

為人母者好識唸

抵讚發表於 14-6-11 13:15

mara 叻女

發表於 14-6-11 11:43

mrhappy123 外國d 人大部份都信基督教，唔見佢地有問題發表於 14-6-11 10:48

shareholder 你個女簡直係天才, 佢領悟到好多人用幾十年先領悟既野發表於 14-6-11 10:16

amazing 叻發表於 14-6-11 08:52

0 1 0

私人傳訊

bellelau

男爵府

積分: 9618

54^#

發表於 14-6-11 13:10 |只看該作者

引用：Quote:原帖由+bellelau+於+14-06-11+發表多

原帖由 eeb 於 14-06-11 發表
其實"唔同" 會令佢有乜感受同影響？每個人都唔同，當然我明佢唔係指呢d, 希望佢可以張佢既特別之處成為優 ...

佢話有時會懷疑自己嘅諗法唔啱。

私人傳訊

bellelau

男爵府

積分: 9618

53^#

發表於 14-6-11 13:08 |只看該作者

引用：Quote:bellelau+發表於+14-6-11+11:38+多謝

原帖由 ninjarabbit 於 14-06-11 發表
其實我無小朋友實在無資格講太多點教小朋友，以下説話可以當做廢話：

以我所見所聞，小朋友好留意父母行為 ...

你雖然未有小朋友，但你講得好啱。細路仔係好察顔觀色，都有討好大人心理。我覺得自己對個女有一定影響。所以，自己盡量持平去睇佢提出嘅每一件事，以朋友形式去傾談。當有D自己唔肯定，有疑惑或唔擅長嘅題目，我會去問人。問朋友容易引起朋友覺得你曬命（老實講，我唔覺得自己小朋友特別聰明。但就好奇心強同鍾意閱讀。)嘅問題，所以我會選擇喺BK問。
多謝用心解答。

私人傳訊

eeb

水晶宮

積分: 51073

至尊種植勳章醒目開學勳章畀面勳章環保接龍勳章

52^#

發表於 14-6-11 12:50 |只看該作者

引用：Quote:原帖由 eeb 於 14-06-11 發表我覺得

原帖由 bellelau 於 14-06-11 發表
多謝你用心嘅回應
阿女有D困擾咁同我講：「唔知點解，我同人哋諗嘅嘢飛好唔同⋯⋯」

...

其實"唔同" 會令佢有乜感受同影響？每個人都唔同，當然我明佢唔係指呢d, 希望佢可以張佢既特別之處成為優點同良好品格既一部份，只要佢唔介意同其他人唔同，佢都可以好享受being different.

識網友只限吹下水、交換下資訊、發揮網力，邊個認真就邊個輸。

私人傳訊

ninjarabbit

用戶要求終止服務

積分: 100192

開心吸收勳章玩具勳章 BK猜猜猜慶中秋

51^#

發表於 14-6-11 12:45 |只看該作者

bellelau 發表於 14-6-11 11:38
多謝你！
其實，我冇將我嗰套強加比佢就係因為我想佢自己去了解同多D去認識。阿女好奇心強，樣樣 ...

其實我無小朋友實在無資格講太多點教小朋友，以下説話可以當做廢話：

以我所見所聞，小朋友好留意父母行為同説話，好識得觀言辨色。當小朋友做ロ岩時，父母自然會表露高興，所以當小朋友表達出你認同既立場，你既body language語氣已表現俾女女知。

所以尤其係你女女好奇心強又明顯係主觀思想型既小朋友，一定要教導女女去了解其他人既角度，呢個係幫助自己多角度思考，亦係尊重其他人既第一歩。好似你女女既教友同學，係好朋友自然係思想相近，女女有無花時間去了解下點解宗教對呢位好朋友既重要性? 如果只係因為朋友立場同自己唔同就否定宗教，一樣係局限自己既表現。

記住宗教本身同教徒行為亦不一定等同，如果唔係就唔會有咁多教派。

申利：我唔係教徒，但我有花時間去了解各大宗教。

“Nothing in the world is more dangerous than sincere ignorance and conscientious stupidity.”
― Martin Luther King Jr.

私人傳訊

good_pig

寶石宮

積分: 318142

開心吸收勳章 hashtag旅遊勳章大廚勳章畀面勳章 BK Milk勳章

50^#

發表於 14-6-11 12:38 |只看該作者

引用：我中學就讀天主教學校，有跟朋友返過幾次教

原帖由 bellelau 於 14-06-11 發表
我中學就讀天主教學校，有跟朋友返過幾次教會。雖然我並唔抗拒返教會，但又冇辦法說服自己去信。
我女宜家 ...

我覺得會係，我都係讀十幾年教會學校都冇信

私人傳訊

bellelau

男爵府

積分: 9618

49^#

發表於 14-6-11 12:33 |只看該作者

引用：Quote:原帖由+bellelau+於+14-06-11+發表阿

原帖由 eeb 於 14-06-11 發表
我覺得信教唔等同定咗個思想框框，只係定咗個道德框框，而且好多時聖經同科學係無矛盾，只係d人唔用不同既 ...

多謝你用心嘅回應

阿女有D困擾咁同我講：「唔知點解，我同人哋諗嘅嘢飛好唔同⋯⋯」

私人傳訊

eeb

水晶宮

積分: 51073

至尊種植勳章醒目開學勳章畀面勳章環保接龍勳章

48^#

發表於 14-6-11 12:16 |只看該作者

引用：Quote:原帖由 wonderlulu 於 14-06-11 發表

原帖由 bellelau 於 14-06-11 發表
阿女咁講係有佢自己嘅諗法⋯⋯

1）佢有個虔誠基教徒嘅朋友仔，品行良好、讀書成績佳。阿女同佢都玩得埋， ...

我覺得信教唔等同定咗個思想框框，只係定咗個道德框框，而且好多時聖經同科學係無矛盾，只係d人唔用不同既方式去思考，反而著重去保護或攻擊一個宗教。

例如你既例子一，基督教信創造論，但唔可以當聖經係科學教科書咁睇，六日創造，咁係咪恐龍同人係同一日？係，但一日又係咪24小時咁解？如果第一日係有光，第4日係有日月星，咁連太陽同月亮都未有，到底第一日有幾長？

科學又係咪真係解釋到自己？計算恐龍喺幾耐之前出現，靠carbon dating 推算，但我地對radiocarbon 既認識其實講緊係近一百年既事，推算幾百到幾千年既嘢好ok, 因為仲有其他參考資料去對照，但推算遠古，其實又有幾準確？中間有無d自然現象或天文地理影響c-14 變c-12 呢？

現今宗教唔係阻礙一個人去多方面思考既主要原因，而係香港教育唔鼓勵人用腦，有d人話信進化論，但連進化論係咩都唔知，亦唔知道當發掘出恐龍骸骨後對進化論既衝激。

我想帶出既係，有無信仰同去唔去思考係無特定關係，有信仰既人一樣可以從唔同角度去認識事物，無信仰既人亦可能會放自己入一d框框去拒絕新知識，vice versa。

識網友只限吹下水、交換下資訊、發揮網力，邊個認真就邊個輸。

私人傳訊

wonderlulu

珊瑚宮

積分: 118281

47^#

發表於 14-6-11 11:38 |只看該作者

bellelau 發表於 14-6-11 08:32
阿女咁講係有佢自己嘅諗法⋯⋯

1）佢有個虔誠基教徒嘅朋友仔，品行良好、讀書成績佳。阿女同佢都玩得埋， ...

首先, 這不是哲學討論吧? 如果是, 下面可以不看。LULU的人, 只怕把學者氣死。

我看你的例子, 感想是

1) 把孩子送進有宗教背境學校的家長, 大多認同的該宗教背景吧? 一個小學生在這樣的環境中長大, 我覺得他們的反應只反射了他們至今的認知程度, 用 "局限思想嶺域、局限自己知識或好奇心" 這樣標籤他們, 合理和公平嗎?
現代資訊發達, 能局限自己思想自由的就是自己劃定的框框。如果小朋友拒絶入佛堂, 我好明白, 那真些陳設真的不太吸引孩子; 我會問他看"一休小和尚"嗎? 如果孩子說不喜歡入天主堂, 那不必勉強呀, 聖誕節意義就在吃喝玩樂參加派對嗎?

2) 我不知道你會不會帶女兒去廸士尼, 或你女兒愛不愛那些童話故事、卡通人物, 那些不局限思維嗎? 很多人認為有啟發 , 係創意之作呀, 我從來不明白過街老鼠為何可愛? 給牠穿上小禮服、小花裙就OK了?
阿仔告訴我那是因為美國的老鼠沒搞出大鼠疫, 所以米奇就比其他的老鼠"可愛"了, 不過NEW YORK人可能不太認同他的說法。

3) 很多人認為中國有五千年深厚文化, 在世上是老資格。但現代中國建國只有6X多年, 就算加上革命那筆, 也不過12X吧?
有個美國孩子對我說, 中國比我們年輕, 能簡單地評他"對"還是"錯"嗎?

對我, 信仰的價值在面對困惑時有個一個靈性的指引, 擇善固執。

申利: 我不是教徒。

點評

bellelau 多謝用心回覆^_^ 發表於 14-6-11 12:35

私人傳訊

bellelau

男爵府

積分: 9618

46^#

發表於 14-6-11 11:38 |只看該作者

引用：Quote:原帖由+bellelau+於+14-06-11+發表阿

原帖由 ninjarabbit 於 14-06-11 發表
如果呢D係你女女下結論既基礎，而我如果係媽媽，就反而會鼓勵女女去多認識唔同宗教同信教既原因。凡事都要 ...

多謝你！

其實，我冇將我嗰套強加比佢就係因為我想佢自己去了解同多D去認識。阿女好奇心強，樣樣都想知。我好珍惜佢哩份好奇心。喺度問，係想集思廣益⋯⋯
你提醒咗我一樣好重要嘅嘢，阿女對哩個宗教產生疑問，我應該鼓勵佢更多去了解依個宗教。但我當時著重咗叫佢搵多D資料關於埃及法老如何對待傳教士嘅資料（可能我潛意識認為聖經似乎可信D）。

私人傳訊

ManPL

子爵府

積分: 13670

wyeth冷知識勳章好媽媽勳章畀面勳章 BK Milk勳章

45^#

發表於 14-6-11 11:23 |只看該作者

bellelau 發表於 14-6-11 08:32
阿女咁講係有佢自己嘅諗法⋯⋯

1）佢有個虔誠基教徒嘅朋友仔，品行良好、讀書成績佳。阿女同佢都玩得埋， ...

或者我用我知道的試解釋一下, 未必一定最岩, 只是以我知道的說出來參考一下

1）佢有個虔誠基教徒嘅朋友仔，品行良好、讀書成績佳。阿女同佢都玩得埋，但阿女有好多時唔多認同佢某D宗教論。例如：佢話恐龍同獅子都係同時出現喺哩個世界，因為天主一次過創造萬物。
阿女話：「咁即係人類同恐龍同時出現喺哩個世界啦！既然上帝創造咗人類，咁科學家唔需要去研究探索人類嘅起源（即局限思想嶺域或好奇心）⋯⋯」

聖經說神用了7天創造萬物, 但1 天的定義不是因地球自轉1圈(24小時) 為定義, 這1天是神自己定義的1天, 如以人們的量度單位可能是數百/數千萬年才是神的1天, 如此可以知道人類同恐龍係同時出現在神1天的定義(即數百/數千萬年內).
世上有好多人都唔信神, 如果有科學家去研究探索人類嘅起源, 會令人更加容易明白神的創造, 進化論等只是最近似的, 不代表是確定了. 我個人覺得不會局限思想嶺域, 反而會增加好奇心.

2)寒假功課要做一個專題去介紹香港一個景點，阿女簡咗大佛。喺網上搵資料，比佢搵到一D印度濕婆神嘅資料，好有興趣。了解咗印度嘅宗教，仲想了解其他宗教⋯⋯
返學嗰陣，佢想同哩位好朋友分享功課成果：「原來大佛⋯⋯」阿女未開始講大佛幾高幾重等資料，佢嘅好朋友回應係：「我信基督教㗎！」而拒絕。（局限自己知識範圍同好奇心）

了解多一樣野, 就會知其好/壞處, 你女女有興趣是好事, 但佢同學仔冇興趣亦都逼唔到, 如果以我小小意見係小朋友可以去了解, 但唔可以拜, 拜代表自己完全信服.

3）另外，聖經裡面記載埃及法老對傳教士嘅迫害。根據埃及記載，佢哋十分尊重哩班傳教士，仲將賀魯斯（埃及其中一位神）喻為耶穌。喺埃及嘅壁畫都有記載，我唔明點解聖經要寫到個法老咁衰。仲有天父比埃及嗰10種懲罰喺自然現像（埃及地勢及天氣等形成現象）係可以解釋㗎⋯⋯（即對聖經所講嘅嘢有懷疑）

埃及法老對傳教士嘅迫害我自己就唔係好熟, 請恕我未答到, 但十災就聽過, 亦都聽過自然現象可以解釋, 連分割紅海都可以解釋, 但偏偏呢D自然現象就正正响神預言之後發生，到今日為止科學儀器都不能準備預測以上的自然現象，只可以在發生時快速探測到。（有如天文台預報都不是１００％準確），紅海分開時間剛好，再合上又剛好，對聖經所講嘅嘢有懷疑就可以去探索引証，翻查紀錄，配合事件／人物／天氣／種族／習俗／過去歷史／將來發展... 當一件歷史事件去研究. 無論得出答案是如何, 對小朋友好奇心有好大幫助.

『孩子說大人也未必有能力洞悉的哲理，可能是個啟蒙，也可成為拒絕不同思維的框框。』——好認同你哩句，所以請各位有哲理嘅JM指教，等我可以指點一下個女。

小朋友有好多潛能係我地未能察覺, 如佢有興趣就放膽去尋根究底. 以上都係以我所知道的去答, 我都會用呢個態度去教小朋友, 可能你會覺得唔比小朋友拜其他像係我專制, 呢點我認的, 因為每一個媽媽都唔會指一條自己認為錯的路給子女行, 事物可以研究, 不可以拜是我的底線, 將來大個佢有自己思想就由佢自己去決定。　