1. 追奶班
追奶班嘅介紹有一段寫住「根據你的特點,找出你的問題,計劃出一套完整的追奶方案」,好可惜,追奶班頭2個鐘主要講理論,啲資料好多都係喺網上搵到,跟住佢會分析吓大家嘅奶泵,會狂踩某啲奶泵,最後每人入一入房幾分鐘講每人適合嘅喇叭size + Hard sell 一對一咨詢服務!
對其他問題想問清楚?請 join one one consultation。
2. Hard sell
上一點提到,追奶班最差嘅地方,係真正幫到媽媽嘅時間得好少,如果媽媽想再知多啲,就一定要上one one 課程!超級貴,$1200 - $1400 一個鐘,但係想追奶嘅窮媽會因為心急而即刻決定上堂,無啦啦又洗多幾千蚊。即場決定 join就可以用平一百蚊嘅優惠價,$600/半小時上佢個Center,過後想 join 就要以原價 $700/半小時,對方好似好急要你做決定。
我2016年時上過佢追奶班,當時佢自稱香港第一個非醫護人員攞到國際母乳顧問資格,但原來當時係未正式被頒發的⋯⋯似乎想利用權威得到信任,用心好有問題⋯⋯
當時我地班同學堂上有問題舉手發問(我地的確好多問題,因為課堂完左大家都係得唔到增奶嘅重點⋯⋯),佢就好casual 地叫同學另約時間在one on one consultation傾,無立即回覆,大家仲以為佢咁有心花時間做個人資訊,點知個個去約時間時問使唔使錢,先知要$900一粒鐘,完全呆左!你專業,要收錢,我明,但好好地講俾你啲客人聽資訊係要收費囉,覺得你好就自然會願意俾,唔使呃我book左時間先講要俾幾錢囉,打死狗講價咁喎⋯⋯
Catherine 好明顯係生意人一個,不過就唔知錢係要用實力同服務換返黎,呃呃氹氹咁當師奶真係無知嘅水魚,所以個名係佢自己做臭而並非無啦啦咁大個人被網絡欺凌囉⋯⋯