吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 脂肪三尺，非一日爲食(更新28/10)

自由講場今日: 1361|主題: 1303088

收藏本版

發帖

返回列表

跳至頁

查看: 30607 | 回覆: 305

12 3 4 5...16

積分: 66961

我的育兒心得勳章夏天玩到顛熱血勳章畀面勳章有「營」勳章陪月勳章爸B勳章大廚勳章

1^#

發表於 18-10-23 13:31 |只看該作者 |正序瀏覽 |打印

本帖最後由 lambing 於 18-10-28 22:32 編輯

努力運動接近一年，開始修成正果！
由體脂38%減到33%
正確運動觀念，飲食控制真系好重要！
戰友同樣重要，希望各位都一齊努力

今晚會補充一下正確飲食觀念同運動心得！

大家好, 我係丙媽, 好耐無同大家見面!
呢個POST 希望大家能夠以和諧融合的氣氛互相討論

畢竟我只係個普通的C9, 我唔係專業的營養師, 亦唔係專業健身教練, 我只係想將我自己的減肥經驗同大家分享

麻煩大家比少少時間我再編輯下個主題

我會同大家分享我的減肥經歷同挫敗, 生理, 心理,精神上的改變等...

首先解釋吓咩叫 Inbody 先, 呢張叫 Inbody 入面有身體的水份, 骨質, 肌肉, 脂肪的比例同分佈, 咁就可以清楚知道自己邊part 最弱, 從而加強訓練

飲食: 改變自己的飲食習慣, 對減脂有極大影響

最基本首先戎糖, 戎零食, 戎油膩, 戎加工食物
食原形食物, 即係要見到食物原本個樣的, 唔好食乜丸物丸果d, 口味要清淡, 由白飯變十谷飯, 食野走汁, 盡量用乾身的調味料, 好以黑椒碎, 乾辣椒粉...
唔好學人戎澱粉, 因為無澱粉情況下減肥會無力做運動, 易暈

澱粉質係我的教練角度黎講叫佢做碳水化合物, 係好多食物入面都會有, 唔一定要係粥粉麵飯
茨仔, 南瓜, 紅蘿蔔, 蕃薯, 呢d都叫碳水化合物, 如果你果餐d 飯菜入面己包含呢d 的話, 就要減少食飯
因為碳水好直接影響到體重, d 教練係食低碳高蛋白餐

呢張係脂肪比例参考圖, 你又屬於邊種呢

呢幅圖好清楚指出你食落肚的野會有乜影響
如果正餐食得飽, 其實真係唔會成日口痕, 如果真係口痕, 食堅果(唔好食蜜糖味果d, 要食原味, 咸味都唔係咁好, 鹽份太多會水腫)
可以食生果, 注意：蘋果, 香蕉，　榴槤。。。係高碳水的生果
糖分高的生果, 橙, 芒果, 荔枝.... 淺嘗好喇, 同埋唔好夜晚食, 因為夜晚就快睏教, 會易積蓄糖份

要食多d 蛋白質食物, 點解肚餓? 因為唔夠蛋白質,消化蛋白質的時間係須要比例長
蛋白質簡單黎講係肉, 但肉熱量高會易肥, 所以要食植物性蛋白質, 即係下面呢張圖
豆類, 豆腐, 豆漿, 吞拿魚, 雞胸肉, 鴕鳥肉, 火雞肉都係唔錯選擇
我自己有時會買咗d 素雞, 玉子豆腐, 腐皮同天貝做配搭
天貝可能大家會小接觸, 係印尼豆類發酵食物, 其實真係唔多好食, 但好鬼come 飽, 又高蛋白質, 係d 印尼鋪有得買, $10-$14/包

更新: 食物營養標籤的解說#255

點評

siu05

發表於 18-11-19 21:16

ivory0915

發表於 18-10-24 09:22

kawai120

發表於 18-10-24 01:08

333s

發表於 18-10-23 21:34

是是但但

發表於 18-10-23 15:59

0 0 0

私人傳訊

metrochung

大宅

積分: 3457

306^#

發表於 18-11-19 22:26 |只看該作者

lambing 發表於 18-11-19 22:16
運動服飾上亦有少少心得，全棉衣物當你個身出咗汗之後會同皮膚摩擦，會令到皮膚磨損，快乾衣物就會比較合 ...

謝謝你，好詳細

私人傳訊

lambing

水晶宮

積分: 66961

我的育兒心得勳章夏天玩到顛熱血勳章畀面勳章有「營」勳章陪月勳章爸B勳章大廚勳章

305^#

發表於 18-11-19 22:16 |只看該作者

回覆樓主：

本帖最後由 lambing 於 18-11-19 22:21 編輯

運動服飾上亦有少少心得，全棉衣物當你個身出咗汗之後會同皮膚摩擦，會令到皮膚磨損，快乾衣物就會比較合適！女士們著運動褲日有少少提示畀大家

下面條運動褲個褲浪會有一塊菱形小三角布，呢塊布仔嘅作用係令你冇咁容易運動時爆呔，例如你做一啲深蹲動作，就會發揮作用

上面條褲就冇嗰塊小布仔，如果條褲太緊身的話你個妹妹就會現形！所以你就要自己加一條小短褲喺出面會比較冇咁尷尬

我自己會偏向喜歡比較高腰嘅運動褲，因為太低腰一烏低身就成個屁股走曬出嚟，未必個個鐘意睇月光㗎嘛

私人傳訊

lambing

水晶宮

積分: 66961

我的育兒心得勳章夏天玩到顛熱血勳章畀面勳章有「營」勳章陪月勳章爸B勳章大廚勳章

304^#

發表於 18-11-19 21:56 |只看該作者

metrochung 發表於 18-11-19 21:38
哎，我錯晒，我反而晚餐食最多，早午餐可以小D，因公司冇乜吸引到我，但我晚餐自己煮，我實食多咗，真係忍 ...

如果運動後覺得好肚餓系正常，因為燃燒咗你身體的醣份，呢個時候最好即刻食蛋白質（烚蛋、無糖豆漿） energy bar只係一個唔錯嘅選擇，一啲專係畀運動後食嘅energy bar入面有bc aa對肌肉恢復更加好，不過成廿幾三十蚊條，我自己會食本條留番半條宴少少再食

私人傳訊

lambing

水晶宮

積分: 66961

我的育兒心得勳章夏天玩到顛熱血勳章畀面勳章有「營」勳章陪月勳章爸B勳章大廚勳章

303^#

發表於 18-11-19 21:50 |只看該作者

metrochung 發表於 18-11-19 21:38
哎，我錯晒，我反而晚餐食最多，早午餐可以小D，因公司冇乜吸引到我，但我晚餐自己煮，我實食多咗，真係忍 ...

下午茱如果肚餓，我會食份三文治或打杯什果無糖豆漿，羽衣甘藍加豆漿加少少蜜糖，再食少少nuts都頂得下肚

私人傳訊

metrochung

大宅

積分: 3457

302^#

發表於 18-11-19 21:38 |只看該作者

lambing 發表於 18-11-19 21:04
早餐建議食最豐富碳水化合物業可以食最多，但就避免食公仔麵同加工食物！

午餐: 要食最豐富嘅蛋白質，因 ...

哎，我錯晒，我反而晚餐食最多，早午餐可以小D，因公司冇乜吸引到我，但我晚餐自己煮，我實食多咗，真係忍不到口。你D相，似下午茶份量，晚餐唔夠飽可以㸃呀？不過都多謝你，我會努力試下的。如果你唔介意的話，我要將你成為我的假想敵

，努力D先得

，我重過你好多，我要加把勁

私人傳訊

lambing

水晶宮

積分: 66961

我的育兒心得勳章夏天玩到顛熱血勳章畀面勳章有「營」勳章陪月勳章爸B勳章大廚勳章

301^#

發表於 18-11-19 21:22 |只看該作者

回覆樓主:

其實做減肥唔單止飲食同運動，其實運動時穿著嘅衣物亦都好重要

我剛開始運動時冇刻意買運動型bar bar，後來發現會現曬啲花邊喺運動衫上面，而且亦會覺得承托力欠佳，而且經常滑溜肩帶，所以一個合適嘅運動胸圍係好重要

胸部比較豐滿嘅女性，我會建議選擇有鋼圈嘅運動型胸圍，價錢比較貴，但係真係必須，要有足夠承托力，運動嘅時候減低尷尬！

如果做一啲靜態運動好似瑜珈，又或者我身材比較普通，冇鋼圈嘅胸圍已經可以足夠，但我會建議穿著固定pad嘅胸圍，活動pad胸圍會經常走位，交叉肩帶就更好！

私人傳訊

lambing

水晶宮

積分: 66961

我的育兒心得勳章夏天玩到顛熱血勳章畀面勳章有「營」勳章陪月勳章爸B勳章大廚勳章

300^#

發表於 18-11-19 21:04 |只看該作者

metrochung 發表於 18-11-19 12:22
你介紹我個間。我仲未做到好似你嘅飲食。你得閒就分享下你D飲食心得比我喇!
...

早餐建議食最豐富碳水化合物業可以食最多，但就避免食公仔麵同加工食物！

午餐: 要食最豐富嘅蛋白質，因為蛋白質係最襟飽，需要消化嘅時間亦校長，冇咁容易令你肚餓！
蛋白質簡單啲講即係肉類，但肉類熱量亦較高，所以要選擇植物性蛋白質！
植物性蛋白質即係豆類、西蘭花、菌類呢啲都係好高植物性蛋白質嘅食物，吞拿魚日係唔錯嘅選擇！
晚餐要減少進食碳水化合物，即時粥粉麵飯，高糖份水果亦要避免。
如果真係好想食甜品，就最好選擇喺日間食，夜晚避免食甜嘢
早餐食最多，午餐食最營養豐富晚餐就盡量食少啲！
我自己都用咗好多時間去適應，所以千祈唔好心急，要慢慢黎！