結婚25年喇,小朋友都19歲了,同佢每日講話都唔夠10句,但都覺得越嚟越溝通唔到,感覺大家關係比同屋住還要差,因同屋住起碼以禮對待;我屬罵不還口型;佢就乜雞毛蒜皮都鬧一餐,近呢年更加變本加厲,拉櫈有聲、煮餸冇味...... 甚至叫仔食生果...... 多嘢講就話我煩X死佢,好,我改,少D出聲,又鬧我唔啾唔啋十問九唔應,係都要玩嘢激X佢至安樂,尋日仲話我係咪變態的...... 我放假鍾意一個人去街行吓食吓hea吓,佢就黑面,好話我成日躝街唔黐家...... 所以呢半年放假都係響屋企望窗發呆...... 佢鍾意睇電視,就唔唔鍾意我唔睇電視...... 郁D就發脾氣話自己唔襟激,就嚟爆血管死,我就越嚟越得戚,話唔明我點解要千方百計要佢死...... 於是又即刻改,朝早起身笑晒口同佢講早晨,出門又同佢講拜拜,佢鬧我時我就緘默微笑以對,總之就當佢公司老闆咁對待,又鬧我玩嘢、造作,玩X夠未? 有咩唔滿意就講,大不了佢少D返嚟......
如果租金唔係咁貴,我真係想搬出去住,一個人自由自在,唔駛擔驚受怕,最起碼係:尋回自己。
孩子之心有如泥膠,當它還是柔軟可塑時,請好好把握時間,塑造你心中所愛。「忙碌」、「疲倦」永遠不是好借口,孩子大得很快,今日拿不出時間會變成明日的遺憾!