吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 一陣催生

懷孕前後今日: 15|主題: 329737

收藏本版

發帖

返回列表

跳至頁

樓主: Sachiyingoldie

一陣催生 [複製鏈接]

1 23

Sachiyingoldie

大宅

積分: 1941

41^#

發表於 15-11-28 23:33 |只看該作者

回覆：一陣催生

今日生左啦！

終於捱過左唔洗成日驚

私人傳訊

OsansanO

男爵府

積分: 6997

42^#

發表於 15-11-29 01:35 |只看該作者

回覆：Kitwahlai 的帖子

我預產係3號，2號就叫我入院催生喇！我血糖高，快到好緊張丫

私人傳訊

kweee

大宅

積分: 1546

43^#

發表於 15-11-29 03:49 |只看該作者

引用：今日生左啦！終於捱過左唔洗成日驚

原帖由 Sachiyingoldie 於 15-11-28 發表
今日生左啦！終於捱過左唔洗成日驚

成個過程係點？可以分享下嗎？

私人傳訊

Sachiyingoldie

大宅

積分: 1941

44^#

發表於 15-11-29 12:17 |只看該作者

引用：Quote:原帖由+Sachiyingoldie+於+15-11-28+

原帖由 kweee 於 15-11-29 發表
成個過程係點？可以分享下嗎？

過程就係醫生檢查宮頸成熟程度，決定塞藥泥令佢快d熟，會一路縛機聽b心跳。

我5點塞，我對粒藥反應大，好快就有宮縮，一開始就5分中一次，不過只係m痛程度，幾個中後又密左又痛左d，但個樣仲好自在。

到11點左右個痛就大左，係痛到中段先有少少難受。

但1點左右，我要開始分散注意力去減低痛感。4點個陣我既陣痛已經密到1到2分中一次，覺得穿左水因為條底褲濕哂，有d暖，所以我出去同姑娘講，安排見醫生。等5分中左右但又好似冇再有水流出泥，醫生檢查又話唔係，叫我再下次穿先再同佢講。
(佢檢查個陣我咁岩陣痛，又要叉開隻腳，又緊張所以成身係到陣)

檢查完我d陣痛又升左級，去左fitball同行下，仲跪左係地下趴個身係梳化休息，呢個姿勢好似舒服少少。或者係企係度成90度角上身扒係床到，patpat左右搖下。我又做下瑜珈個招跪趴係度

又捱多2個中，6點幾我又要去縛機，姑娘會用三角枕浪起你一邊，第一次覺得好正咁好待遇，但當你有陣痛個陣就會好憎呢舊野，因為佢攝左我就唔郁得，想再訓側d會舒服d又唔得，平訓又唔係，覺得攝左仲唔舒服。

姑娘話我陣痛好密，點解唔同佢地講，我話尋晚醫生有做過一次檢查，佢話，你要再講多次咖嘛。

我縛機個陣既痛係我要搣自己手去減底陣痛感覺，哈哈，係我自己覺得咁做舒服d姐，我攰到痛完個下可以即刻發夢，然後又痛到醒。

縛完機反自己張床，終於有醫生巡房，我仲係最後一個，佢泥幫我探手指，一路話，幾好喎。我好似有反希望敢，因為我已經好想入產房試佢d止痛方法。醫生話，有3度啦喎可以過產房。我感動死啦，去埋小便，一路痛一路汁野。好怪咖唔知係個馬桶好底定去小便就會咁，但次次去個廁所陣痛就會泥。

入到產房好似8點啦，其實雖然係痛，但仲捱到既，不過我好怕死所以一早問定無痛係點。產房2個姑娘一個林，一個惡但扮溫柔。扮溫柔個個一聽我咁快問定無痛好似有d不滿，不過都係講反無痛要等驗血報告出，產科同麻醉科醫生檢查過批，同麻醉師有時間先可以，而且佢地主張唔好用無痛，會建議我試左其他止痛方法先。

然後就比左個電機我，教我用埋笑氣，再開埋個好怪既音樂，我個陣仲覺得產房好靚，老公入到泥，我又要縛機同攝個死人3角枕，到11點左右我真係每下痛都要吸笑氣，我冇wing，但都其實冇止痛，所以我懷疑過冇開

笑氣係心靈上既止痛，同會幫你一定要有節奏敢鼻吸口呼，反而個電機有少少作用，痛得舒服d。
到1點左右，我個痛呢大到我一定要揸d野一扭，我老公件袍比我整到皺哂

仲要佢挨埋泥我就推開，佢企直我又拉佢

我陣痛到可以連續幾下，無得回氣咁濟。但因為一入去隔一陣醫生入泥檢查，我又大膽問醫生無痛，唔理扮溫柔姑娘有d黑面。醫生話可以幫我入紙。所以姑娘又幫我探指個陣，話宮口冇點開，b頭仲係高，但就好彩夠薄。所以比我行下，坐波。但我一行幾乎每幾止就仆反去個笑氣度。

醫生又泥睇，我已經痛到唔太笑得出，醫生話都有就泥4度，幫我穿水，話可能唔洗吊催生藥。但會痛好多。

又真係勁痛！我都3點都未有無痛，但實在太辛苦我同老公講，無痛！！

姑娘問我講咩，我就話想要止痛針或者無痛，個姑娘聽到我話止痛針好似又冇咁黑面，佢話，你想要止痛針定無痛？我緊係話無痛啦

佢就打比麻醉科，終於等左成個中個醫生泥，又講一大輪咩後遺症呀個d，我好想叫佢快快趣講完佢！但我仲有理智，係咁up頭。

佢幫我打時我又陣痛，仲係連續幾下！但又唔可以郁，好要意志力，我隻手係敢揑，又問個廢氣，打個下好酸，但真係咩都冇所謂啦個下，冇野超越到陣痛。

但打完又有陣痛，我仲係一樣痛，醫生話要等15分中，又比個制我可以加藥，又話只可以半個中禁一次。我一共禁過3次啦，都仲會有痛既感覺，但感覺唔到輕d既陣痛，只係下腹真係幾酸，但我都叫做可以休息，訓下醒下敢。

到6:48醫生又泥探指，探完問我有咩感覺，我話下腹好酸，佢就話，其實我己經開哂但因為我用左無痛可能無感覺到想痾。

叫我試下腳有冇力，試push，我用力之後佢話唔得唔夠力，要停藥等2個中順便等b頭仔落d

我真係晴天霹靂，2個中冇止痛，我問係米一定要2個中咁耐，佢話要等我麻醉藥過。姑娘幫我插尿喉，因為做左無痛。

好彩等左一個中，我又開始典，新一更姑娘幫我睇，就話我可以試，問我如果而家試生我試唔試

我緊係試啦！但push真係好似折斷你條腰敢！痛到呢！佢話而家係練習換氣，練左6，7次陣痛push，有個新姑娘入泥，惡d既，但又好有效率，教我向邊度用力。

我由6:30度開始試，我17:19終於生左啦，個頭出後我用多一，2下力就比姑娘拎b出泥啦，放左上我個身勁重，然後又拎走去抹身個d，17:25佢地拎埋胎盤出泥，呀b原來係大b，成3.655kg！原來我都有個細傷口所以要縫下針。

之後就係放b係我心口肌膚之親啦，然後等左又成個中，成9點幾先推我反產後房。

餵b飲奶，成晚唔落得床，到今朝先拎走尿喉