Wingwingm 發表於 17-10-24 21:11
咁後尾嗰2個有冇出現?
一個有一個冇,當時我問過師傅,咁如果我揀咗當年果個,之後又出現另外兩個咁又會點,師傅話中間都隔咗兩三年,如果果年果個好,拍得成,可能遇到新嘅我已經結埋婚都唔定,感情穩定的話,再有桃花都影響唔到。
事實係我真係新婚冇幾個月就遇到一個男仔,係我當時做temp job嘅一個project manager, 又高大又斯文又型仔,係我鍾意果type, 佢想追我但見到我手上無名指戴住兩隻介指,佢有問過我點解咁後生就結婚,我當時仲覺得佢古怪,點會有人咁問架,而事實我樣生得細,非佢以為咁後生,後來有另一個project manager踢爆話佢鍾意我,佢即時由面紅到上耳仔,佢仲成日俾job hour我,同我講想返幾多hours都有,佢講得我做得嘢又勤力,冇耐我揾到permanent job冇做,同佢講我走啦,佢個樣好唔捨得,多年後諗番,好多嘢都係整定嘅,唔識到我老公我未必嚟美國,嚟到未必會去做temp job, 因為份temp係間接我老公個姨介紹,當時我對呢個新桃花都冇咩感覺,可能同老公仲係新婚。
花旗太太生活在花旗國,留意時差,你問我未必即時答到。