拍拖時係每日食完飯後傾好耐電話,有時明明去完街佢送我返屋企,到佢返到屋企又打嚟傾。結婚後每日都有最少一個電話,因為以前佢接我放工,會打嚟講佢泊架車喺邊等我,朝早或食飯有時間又打俾我,有時講下個飯盒好食,有時講下同事。後來佢要接仔女放學,唔可以嚟接我,都係會打電話俾我問我返到邊度,去唔去學校等佢。最近佢學識點text(係呀,條友好out架,以前唔識text)就成日text我,不過佢想起有人講有嘢問就打俾我,今日無端端叫我text個仔打電話返屋企,因為搵唔到個仔放咗幾包意粉喺邊,搞到個仔好驚,最後唔敢打電話俾爸爸,等到我返到屋企,搵返個幾包意粉出嚟。
花旗太太生活在花旗國,留意時差,你問我未必即時答到。