青青河邊草 發表於 21-1-17 01:51
都見到有人鬧呢套劇劇本唔好, 權謀低能。
比起我之前睇鶴唳華亭, 呢套劇無反轉三百六十次, 咁其實我睇得明 ...
權謀低能?有幾低能呀?無錯,對比鶴唳華亭、慶餘年或者瑯琊榜,上陽賦唔係太複雜嘅權謀佈局,但絕對不至於低能,起碼最初會以為只係王謝兩家相爭,後來明顯謝家失勢,但王家依然被算計,表面睇係謝家餘黨,但謝家背後仍然有人,同埋王謝兩家都估唔到仲有第三個唔起眼嘅力量,呢個去到謝宛如被利用代替王儇被太子侮辱就見到端倪,再去到王儇被綁架,後來同蕭綦一齊被追殺,就更顯得唔係表面咁簡單。如果咁都叫低能的話,只可以話欲加之罪,何患無辭,一套劇只係開播第一集就被大規模全網黑,究竟呢套劇阻住咩人發達呢?
我睇緊小說,的確有D人物設定同劇唔一樣,劇更加多瓜葛,小說中,謝宛如早就下嫁太子,並非太子陰謀失敗而要錯嫁,三皇子母妃一開已經病死,因為皇帝要保護佢,命令佢去守陵三年,於是未能同王儇訂親,王儇就被王皇后同自己父親安排下嫁蕭綦,蕭綦同王儇亦冇早於元宵燈會相適,王儇第一次見蕭綦係遠遠望見佢班師回朝公開被封賞,當時係被蕭綦嘅殺氣同威儀嚇親。
花旗太太生活在花旗國,留意時差,你問我未必即時答到。