佢唔係怪怪地,係發錢寒!!你估佢無錢咩!佢大把錢一定有錢過佢老公。只係佢計計數近二年用了一大筆開支調理保身飲雞精鮑魚花膠海參燉雞又話日日要敷幾片面膜,個人認為佢唔會係用這些面膜賣廣告成份多,d公主近來又多病痛要用$亞公子又要出世又要請陪月因為慳錢就唔請過夜,呢筆開支你估小野⋯又唔係大富大貴真係肉赤嫁!就係咁嗰晚突然諗到搵錢大計就係班粉絲都開刀,將 K Cream 改叫黑眼圈神氣將私有化做團購,點知班懵丙非常熱烈咁搶購,睇到咁多懵丙水魚就發晒矛,團購遊戲根本就唔係咁玩!錯曬啦!
跟住見到咁多擁躉就想攞晒d嘢出嚟變賣最好笑係粉使精話有好多fans想買問佢賣唔賣!佢話如果賣都會好貴囉!因為唔捨得真係買唔番嫁!不停話擺完之後就識咗佢老公重結埋婚,點知一Post出嚟係個個都叫自己留返啦唔好賣吖⋯跟著就係d超高跟鞋事件諗住d懵丙會要,點知個個都話啲鞋太高啦!唯有自己死死氣話係呀啲鞋唔好着唔舒服太高講到好似純粹齋分享d鞋咁。真係笑咗出來😂