回覆:你地學校比唔比著短袖
上星期阿仔同我講已經有同學著夏季運動服(當時學校未出通告),佢話佢都想換,因為中午時好熱。我見佢話有同學著,咁上星期五我就比佢著夏季校服返學~當日放學佢同我講番原來唔可以換季住,風紀同佢講要著返冬季校服,轉季學校會通知。我聽完覺得無乜問題,因為錯在自己同小朋友!事實係學校一日未通知,學生都唔應該自行換季,雖然校規無提及換季準則,但學生要配合/服從學校要求呢樣係應該架!試諗下,返學除左學習知識外,守紀律都係學習範圍之一,而校規就係紀律嘅指引~所以我從來唔覺得校規有乜野好challenge,家長應該教導小朋友遵守校規而唔係挑戰/質疑校規。由得同學們隨意換唔難,但背後嘅意義(紀律)就會無左!
如果你囡囡因健康理由需要著夏季校服,你可以同校方提出,睇下佢地可唔可以酌情處理~犯規被鬧、被罰係正常,不然學校要黎做乜?校規要黎做乜?我相信如果老師們同樣有兩季制服,佢地為人師表都唔會話換就換卦?take it easy
人生不如意事十常八九,最緊要跌低咗識爬番起身!活在當下,珍惜所有。