吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 美容扮靚› 我去左抽脂🙊🙈🙉

美容扮靚今日: 98|主題: 136598

收藏本版

發帖

返回列表

跳至頁

查看: 56359 | 回覆: 126

我去左抽脂🙊🙈🙉 [複製鏈接]

12 3 4 5...7

二小姐

侯爵府

積分: 23269

1^#

發表於 14-6-1 16:54 |只看該作者 |倒序瀏覽 |打印

我本身係家族遺傳的啤梨身型，即使幾瘦都好，大patpat肥大脾都無離開過我。

而家年過30，新陳代謝更慢，工作關係又多外食，於是肥膏越積越多，越積越厚

於是有抽脂呢個念頭

我之前曾在台灣做雙眼皮手術，外地做手術好處係做完無人知，因為幾日大部份瘀都去晒。而我本身係內雙眼皮，眼皮做得不誇張，所以我屋企人也不發覺，只係覺得我化妝進步了

基於雙眼皮手術成功，我又想去返台灣抽脂，但請唔到咁多日假，於是我就搵左一間算幾平的抽脂。

我5月11日透過fb諮詢左，就同醫生講，越快做越好，因為我驚遲做我會縮沙。佢俾左個期我，係5月22日，做大腿內外側抽脂，馬位，收臀線，上下腹，環腰。收費6萬以內。

5月22日當日去到診所，醫生就幫我檢查身體，量下心跳血壓咁，之得姑娘就幫我吊止痛，食d葯，換衫，影相，度呎吋，之後醫生就會來畫位。

畫完，就入手術室，超緊張，因為我又係無講俾人知，無人陪。因為係局部麻醉，醫生就叫帶埋手機入去玩啦

消毒之後就開始打麻醉藥，有d部位打葯係唔痛，有d部位係幾痛，我唔挨得痛，我係度亂叫

，藥效開始佢就係我身上篤d洞啦，之後，就feel到有支野係我身上穿來穿去，穿入去都重有打麻葯，之後打散脂肪，跟住d脂肪就係個支野度啜出來。

我首先就趴係度做左大腿外側，收臀線，後腰，即call機位

做完呢幾part,我就俾佢地用繃帶紥住，休息下去廁所飲下水，之後又返手術室，訓係度，做埋上下腹前面腰。

一路做，醫生一路會話，好多呀，好純呀，好多脂肪呀

我知，唔洗提我，佢又話嘩!抽左好多，你洗唔洗影相

。我認我大patpat大肚腩,但唔洗成日提住。

之後，因為同一日不能用太多麻葯，醫生不肯幫我做大腿內側，要等下一次，於是就約左5月30日做埋大腿內側。

點評

cutephoebe 我pm左你啦

發表於 14-6-4 14:01

0 0 0

8-)

私人傳訊

二小姐

侯爵府

積分: 23269

2^#

發表於 14-6-1 17:07 |只看該作者

回覆：我去左抽脂🙊🙈🙉

篤左洞的位置，鏠了一針，診所又準備了葯包俾我，休息左陣就走啦。篤了洞的位已蓋左厚敷料，封左膠，又著左緊身衣褲，點知patpat有個洞漏水，急急腳用診所預備的敷料再墊厚吸左d血水，再上路回家。第一日做完就真係唔痛，第二日就嘿。。。。

第二日麻葯過晒，成條腰都酸痛，腳又痛，行到衰過大肚婆，呢個時間要戒海鮮戒生野。日日換紗布洗傷口，因為有d傷口係後面，真係扭晒腰先換到葯，成身換一紗布，我就要成粒鐘，成身汗，沖完涼等如無涼，要再抹身。不過都行得走得，係行得慢d衰d似企鵝。

第三，四日都係放假，第五日我就返工了。行得好左，但係都係慢，我就話我m痛唔舒服，都無人懷疑。

只係最大問題係抽左大腿外側，去廁所係不能坐廁板，會好痛。

但係郁動係無問題，因為抽脂係抽左肌肉同皮之間的脂肪，唔壓落去係唔痛，坐sofa坐office chair係唔痛,訓床唔痛，但坐硬硬的廁板係好痛。

小便無影凳咁小係無問題，但大大就要坐，不過係坐個一下同起個一下痛。

8-)

私人傳訊

二小姐

侯爵府

積分: 23269

3^#

發表於 14-6-1 17:18 |只看該作者

回覆：我去左抽脂🙊🙈🙉

跟住到5月30日，我再去抽大腿內側，我問醫生，抽大腿內側坐廁所痛不痛，佢話唔痛，話我又唔係抽patpat....

今次好快抽完，因為抽一part，抽個陣同醫生姑娘吹水

發現有人係bk開post講抽脂，我即刻俾醫生睇，問佢係咪搵打手，我話佢個打手好打手，好渣，佢死都話無，重話唔知乜係bk

抽完之後，我就覺得。。。好似抽得好少咁，因為我睇人地的post，都係抽到好多的，但係醫生同姑娘話我已經抽好多啦。

抽完內側後，第一日又係無乜點痛，重可以同朋友食飯，但係今次d洞又係有漏水，好彩2次都著黑褲。

今次第二日就返工，都好彩行得走得，內側係可以坐到廁所唔痛。而且未開始腫時，我見到大腿中間有條(那)係我從未見過。

不過，今日第三日，開始腫，我又睇唔到到條(那)，要等幾個月，皮膚收縮左先再見了

8-)

私人傳訊