吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 請大家關愛患有情緒病人

自由講場今日: 3088|主題: 1302708

收藏本版

發帖

返回列表

跳至頁

樓主: jabyjanice

請大家關愛患有情緒病人 [複製鏈接]

1 234

cathy-tse

禁止訪問

積分: 143053

好媽媽勳章醒目開學勳章畀面勳章環保接龍勳章 BK猜猜猜慶中秋

41^#

發表於 14-6-24 00:20 |只看該作者

引用：其實怎樣關心他們是最有效的呢

提示: 作者被禁止或刪除內容自動屏蔽

私人傳訊

Onlok

水晶宮

積分: 71846

熱血勳章好媽媽勳章 hashtag影視迷勳章

42^#

發表於 14-6-24 00:32 |只看該作者

引用：講真，有幾多人真係會關心有情緒病既人？以

原帖由 kinmi 於 14-06-23 發表
講真，有幾多人真係會關心有情緒病既人？
以前我情緒病個個當我痴線，遠離我，精神科醫生一句同我講，你本 ...

我身邊有，點開解佢？佢話同人傾訴時就ok.一傾完就返轉頭，咁我我可日日不停開解佢加麻！

可以點做？

私人傳訊

頭痛的媽媽

大宅

積分: 1696

熱血勳章至尊種植勳章

43^#

發表於 14-6-24 02:53 |只看該作者

回覆：Onlok 的帖子

係。情緒病患者真係唔可以倚賴別人，真係大多數時間都係要自己不斷咁提自己唔好亂諗野，唔可以做傻事!有位JM講得岩，真係有惰性倚賴!
以我自己為例，我從11歲就開始有頭痛，直至現在頭痛還跟隨住我!我痛嘅程度係生仔都冇頭痛咁痛!睇醫生睇左好多年，都係話我係普通頭痛，16歲中五那年，班主任見我成日都痛成咁，就叫我不如去照下個腦，睇下有冇事，當然緊係照唔到野啦！我16歲時個時已食止痛藥食到一次過食8粒藥嘅程度，食到18歲個年，我直頭放棄食必利痛，因為根本止唔到痛!!不過我個個月都為頭痛去睇醫生(因為我嘅頭痛頻率係1星期痛足6日)!直至前年，我又係去睇醫生，咁岩遇著個好有熱誠嘅新醫生，佢幫我驗好多野，跟住就send我去醫院睇專科。睇左2次之後，就話我有焦慮症@@我心諗，你都傻架，我頭痛之嘛，毛la la話我有情緒病?!佢都痴痴地架，睇完我都冇放lee個病上心，但都keep住去覆診，睇第二次時，醫生已開血清素畀我食，初初我都有乖乖咁食藥，食左一星期，頂唔順嗱，因食左我會成日想訓覺，同埋會好吽豆(感覺好似冇左個靈魂咁)，之後我再冇準時食嘞!只係覺得痛到典嚟典去先食囉!但之後我嘅情況就係咁差落去，我開始覺得冇人關心我，老公仔女唔理我、周圍啲人好煩，另我覺得好討厭，再嚴重啲，我開始唔想出街、仔女開始怕我，討厭我，老公頂唔順話我，夜晚晚晚嘔，嘔到見血，跟住又睇醫生，又玩多樣野，胃潰瘍tim........跟住唔止，我開始亂諗野，想自殺好多次，試過煮飯時，攞住把菜刀切餸，我竟然想切落隻手度(唔止一次)，次次差啲切到時，我先至醒!試過幾次之後，當我又亂諗野時，我就要提自己，鬧自己，要自己一定唔可做傻事。直至今年年頭覆診，我個朝情緒極之差，我一見到醫生就勁喊，係喊到收唔到聲，我話佢知，我有自殺嘅念頭，佢就同我傾計，安慰我。問我想唔想做職業治療，我從個刻開始，要決心醫好個病，而家我食藥乖乖的，也乖乖的見職業姑娘，已上左幾堂嘞，係有啲好轉。我自己也改變自己嘅生活習慣，另自己冇咁得閒，因我係ftm 所以時間好多，朝早等三個仔女返哂學，我就約一個媽咪去散下步，做下運動，跟住買餸。中午返到屋企就整定夜晚嘅餸。跟住就動手做下麵呀，蛋糕呀，或甜品呀，務求令自己忙，唔好亂諗野。令自己聰實啲。要提自己一定得，所有野都係好事。雖然我而家都還有頭痛，但痛嘅程度已經輕左，少左，由一星期痛六日。變成而家只痛三日。我已經好開心嗱。而且自己冇再咁討厭自己，起碼，唔好令身邊嘅人擔心丫，我已經令好多人擔心我，突別係我媽咪，同三個仔女

我唔可以冇左佢地，所以我一定一定要好番。
如果lee度有諗唔通，睇唔透嘅同路人，唔好灰心呀！亦都唔好咁倚賴人，一定係要靠自己架。意志力好緊要，最緊要唔好收埋自己。

點評

e160orange 加油！支持你！你一定生越黎越少頭痛！發表於 14-6-24 22:41

私人傳訊

aliensss2008

珍珠宮

積分: 30976

44^#

發表於 14-6-24 03:53 |只看該作者

引用：係。情緒病患者真係唔可以倚賴別人，真係

原帖由 頭痛的媽媽 於 14-06-24 發表
係。情緒病患者真係唔可以倚賴別人，真係大多數時間都係要自己不斷咁提自己唔好亂諗野，唔可以做傻事!有 ...

你既第一步係要改改個名
唔好再頭痛呀

私人傳訊

kam825

男爵府

積分: 8527

睛靈勳章

45^#

發表於 14-6-24 06:49 |只看該作者

引用：Quote:原帖由頭痛的媽媽於 14-06-24 發表

原帖由 aliensss2008 於 14-06-24 發表
你既第一步係要改改個名
唔好再頭痛呀

改做\"不再頭痛的媽媽\"

私人傳訊

MarjorieJoby

別墅

積分: 739

46^#

發表於 14-6-24 07:06 |只看該作者

回覆：請大家關愛患有情緒病人

我已經兩次自殺俾我男朋友救返，因為前夫既不段地騷擾我，不段地去我工作地方搵我，搵唔到就玩野報警，我不段怪責自己點解會同佢結婚，不段怪責自己唔係一個好媽媽。晚晚都失眠，訓著都會發惡夢，每日重複同一個問題，好辛苦好辛苦，唔敢出街見人搵朋友，好怕人地問我發生咩事，因為我就算講完我知都無用，只會更加失落。
成日都覺得無人明白我，活係自己既世界。
一發作個頭就好痛好痛，又大叫大喊，好想了段自己。
我都已經好憎自己成日喊，成日好燥，好少事都向人發脾氣。覺得自己好無用

私人傳訊

雨晴寶貝

伯爵府

積分: 15561

47^#

發表於 14-6-24 08:07 |只看該作者

引用：我已經兩次自殺俾我男朋友救返，因為前夫既

原帖由 MarjorieJoby 於 14-06-24 發表
我已經兩次自殺俾我男朋友救返，因為前夫既不段地騷擾我，不段地去我工作地方搵我，搵唔到就玩野報警，我不 ...

你有去睇過醫生嗎？

私人傳訊

Sindy

珍珠宮

積分: 33488

好媽媽勳章

48^#

發表於 14-6-24 08:18 |只看該作者

本帖最後由 Sindy 於 14-6-24 08:18 編輯

其實知人有情緒病, 收下把口就真係當幫忙.... 有D人好衰格, 知人有病仲講D難聽說話...

私人傳訊

gogoblue

侯爵府

積分: 24288

好媽媽勳章畀面勳章親子達人勳章

49^#

發表於 14-6-24 08:27 |只看該作者

引用：講真，有幾多人真係會關心有情緒病既人？以

原帖由 kinmi 於 14-06-23 發表
講真，有幾多人真係會關心有情緒病既人？
以前我情緒病個個當我痴線，遠離我，精神科醫生一句同我講，你本 ...

絕對認同，當你有情緒病時朋友都會開解下你，當一段時間後佢地就唔想比你負面情緒影响而唔理你，仲當你透明。有時有意無意聽到d好洩氣說話如，個個都係咁架啦，淨係得你慘咩？咁大個人都控制唔到情緒。當有事發生事就馬後炮，點解唔搵我傾呀，搵人傾下咪無事囉。。

點評

htts

發表於 14-6-25 12:02

柏架山莊同意，咁樣係幾普遍的情況發表於 14-6-24 22:30

私人傳訊

FullofLove

大宅

積分: 1092

50^#

發表於 14-6-24 08:51 |只看該作者

引用：Quote:原帖由+kinmi+於+14-06-23+發表講真

原帖由 gogoblue 於 14-06-24 發表
絕對認同，當你有情緒病時朋友都會開解下你，當一段時間後佢地就唔想比你負面情緒影响而唔理你，仲當你透明 ...

呢啲人正宗抽水就叻，新地唔好嘅厚多士。ok你發覺原來自己唔係心理醫生，原來handle唔到，fine，但唔好冷言冷語踩多腳囉

私人傳訊

柏架山莊

珊瑚宮

積分: 119442

育兒性格勳章我的育兒心得勳章 hashtag旅遊勳章畀面勳章大廚勳章 BK Milk勳章 hashtag影視迷勳章

51^#

發表於 14-6-24 09:06 |只看該作者

引用：係。情緒病患者真係唔可以倚賴別人，真係

原帖由 頭痛的媽媽 於 14-06-24 發表
係。情緒病患者真係唔可以倚賴別人，真係大多數時間都係要自己不斷咁提自己唔好亂諗野，唔可以做傻事!有 ...

在MTR睇到差不多流淚，為你感到鼓舞，加油喔，一定會越來越好，頭痛越來越少，真的，很多事主要都係要靠自己，同埋咁先可以持久

私人傳訊

kinmi

子爵府

積分: 14175

BK Milk勳章畀面勳章

52^#

發表於 14-6-24 17:44 |只看該作者

引用：我已經兩次自殺俾我男朋友救返，因為前夫既

原帖由 MarjorieJoby 於 14-06-24 發表
我已經兩次自殺俾我男朋友救返，因為前夫既不段地騷擾我，不段地去我工作地方搵我，搵唔到就玩野報警，我不 ...

你唔開心時不如試下做一啲自己鍾意既事分散下注意力，例如你鍾意食野，咁就試下煮野食，煮啲複雜啲既。又或者可能你鍾意睇戲，咁就睇下戲，總之做下自己鍾意做既事，但最好揾朋友或屋企人陪。
我果時唔開心，就揾朋友陪我做我鍾意既事，例如行街睇戲食飯遊車河……最緊要係我自己同自己講，我唔想再咁樣，唔想再傷害自己傷害身邊既人。慢慢我就發現自己已經無好似以前咁亂諗野，有咩都識同人講，講出黎無論人地幫唔幫到你，至少講左出黎舒服啲。

私人傳訊

kinmi

子爵府

積分: 14175

BK Milk勳章畀面勳章

53^#

發表於 14-6-24 17:56 |只看該作者

引用：係。情緒病患者真係唔可以倚賴別人，真係

原帖由 頭痛的媽媽 於 14-06-24 發表
係。情緒病患者真係唔可以倚賴別人，真係大多數時間都係要自己不斷咁提自己唔好亂諗野，唔可以做傻事!有 ...

係吖，真係要靠自己先得，要同自己講唔可以再咁樣落去，決心咁想好返先有用，如果連自己都唔想好，咩人幫都無用。
我就係一個例子，我自殺到曾經上報紙，但醫生話我無病，但我係自殺到入醫院，醫院精神科醫生段定我有病先轉介我去睇，點知果個醫生話我咩病都無，但又叫我覆診，我心諗唔想幫我就算，之後就無再覆診。
當時我係因為唔再傷害到身邊既人，先決心想好，因我試過失去理志差啲殺左我男友(依家既老公)，我唔想再傷害到佢，所以就決心去好。

私人傳訊

溜溜妈

大宅

積分: 2651

54^#

發表於 14-6-24 18:46 |只看該作者

回覆：請大家關愛患有情緒病人

所以自己知就算，人地唔明既。。。

新的一年，媽媽希望溜溜健健康康，快樂成長！

私人傳訊

Chrisdindin

男爵府

積分: 6262

55^#

發表於 14-6-24 19:00 |只看該作者

我朋友每次病發我都會碌去佢屋企, 聽佢講一陣, 之後佢講到悶就靜一陣, 然後我就會語無倫次乜都講一餐, 過一陣佢就會搭咀, 當講左一陣無謂野分散晒佢注意力, 通常呢個時候佢的葯力就會發揮功效, 佢就會好快訓著. 任務完成!

私人傳訊

頭痛的媽媽

大宅

積分: 1696

熱血勳章至尊種植勳章

56^#

發表於 14-6-24 21:06 |只看該作者

引用：我朋友每次病發我都會碌去佢屋企, 聽佢講一

原帖由 Chrisdindin 於 14-06-24 發表
我朋友每次病發我都會碌去佢屋企, 聽佢講一陣, 之後佢講到悶就靜一陣, 然後我就會語無倫次乜都講一餐, 過一 ...

好開心你朋友有你這一位好朋友。我寫個篇說話跟本冇同任何人講過，原因因為我冇朋友，我結婚後生仔後啲朋友唔想打擾我，我又冇揾佢地，久而久之就冇哂噠!好似我咁，就算講畀我老公知，佢都唔知點樣同我傾，只叫我唔好亂諗野就算!以前唔識開解自己，我只得一個朋友，就係魔鬼!而家我開始迫自己唔好亂諗野，所以又多左個朋友，就係天使嘞。佢地兩個成日係我腦內鬧交，一個係都要我咁、另一個就係都叫我唔好咁!好辛苦!

私人傳訊

頭痛的媽媽