Mitch 發表於 18-8-8 17:00
如何能成為公民?
五年內住滿三十個月,喺住夠五年前90日就可以提出申請,中間冇連續離境超過180日,否則從新計過,夠期可以入紙申請,移民局收到你申請後會安排你去附近國家安全局打指模,臨走會派有關入籍試嘅資料同試題俾你,之後返去等信通知考入籍試,考試合格就等信去行禮宣誓,典禮完成後有張入籍証書俾你,等10個工作天後去Social Security Administration辦事處去申請更改公民身份,即時完成,咁你就可以去入紙幫你父母申請綠咭簽證。
而家好多人申請移民、入籍,所以過程可以好耐,申請入籍由收到申請到考試由10個月至兩年不等,睇你住果度嘅申請人有幾多同移民局喺果度工作量。
如果配偶係公民的話,綠咭持有人可以三年內住滿18個月就有資格申請,同樣地三年夠期前90日可以入紙申請。另外經濟上,你係擔保人,要報稅,經濟上你係作為你父母嘅擔保人,佢地喺最初唔可以申請福利,否則你係可以被追討所有款項加罰款同利息,詳程可以上移民局官網上睇:https://www.uscis.gov/
花旗太太生活在花旗國,留意時差,你問我未必即時答到。