想生BB 今日: 1|主題: 109071

收藏本版

發帖

返回列表

跳至頁

查看: 4265 | 回覆: 62

分享,我的懷孕之路 [複製鏈接]

12 3 4

ylyt0915

複式洋房

積分: 215

1^#

發表於 14-11-6 02:14 |只看該作者 |倒序瀏覽 |打印

等我都講下我既經歷..

背景: 自己本身經期唔準, 衣個問題由中學時代開始....一辛苦要趕功課同考試就會亂.....主要係唔識得停, 次次都成兩三個星期....中間得幾日係比較多, 其餘日子係死唔斷氣咁...當時醫生話係賀X 蒙失調, 所以開左d 避孕藥俾我. 講真果陣覺得咁細個食避孕藥都唔知有冇咩副作用, 所以我都係食左一兩次就算...一直以黎, 總之比較忙既日子, 我既M 就會亂到7 彩....到人大左, 仲亂.....M 前流兩三日啡...黎四五日M....之後就開始漫長既流啡之旅....可以流足兩個星期.....量唔多......可以全日都無等你以為清之時, 夜晚就俾一啖你......終於三個星期左右清晒啦......好快.....一星期左右又開始流啡....yes...下一次M 又準備開始.....問你死味...X__X

結婚前半年, 其實已經開始無避孕, 諗住快 d 生BB, 果陣就30..
到結左婚三個月...無意中同同事傾, 先知原來M 前14 日排卵, 仲要係要乾浄14 日...(sorry 我真係唔知........) 果刻先知自己係有問題....即刻約婦產科醫生啦. 講左我既問題, 亦講左我想生BB, 佢就開左藥幫我調經, 3 個cycles, 照輸卵管, 陰超check 子宮....luckily, 輸卵管無塞, 但子宮有水泡...
醫生要過一個cycle 再check 水泡...好彩自己吸收左...

3 個cycles 完左, 醫生就開左排卵藥俾我食.....好開心啦, 終於可以有BB啦....佢要我度埋體溫....
姞果無啦.....M 到....我又覺得體溫無乜點升.......

只好再黎......藥既量無變.....今次M無黎, 但體溫表都係無乜升, 不過我日日都驗孕, 因為M 真係遲左....一星期後M 又黎...

第三次, 醫生加左藥.....體溫好似升左d ....好似靚仔左d ...... M 又無黎....... 又日日驗又日日失望....點呀, 心諗唔中就快d 黎啦, 阻住我下一個cycle.....今次遲左成兩個星期.....好失望.....已經試左成年幾啦......都無.同埋衣刻真心覺得個醫生唔得, 認真上網睇下應該點做....

第一樣 : 搵過第二個婦產科醫生...

好彩, 都好快...好似果個月有得睇..攞晒所有報告去睇新醫生, 佢即刻幫我照陰超, 見到我就排卵, 話幫我做一次nature IUI....
今次, 發現到一個超大問題, 原來老公先係問題既重點. 之前做懷孕前檢查, 都check 唔到... 原來精左quality fail.....人地ref. 係大過1...佢洗完精都係細過1, 仲要個量完全唔達標........我真係完全無諗過情況係咁差.....結果當然係fail.....

醫生話一次唔作準, 同埋可能老公pressure 大, 又煙又酒......休息一個月, 大家都抖下....佢就盡力戒煙同酒 (當然戒唔晒), 我又黎第二次IUI....
今次係正式既IUI....自己打針....幾日返去照一次陰超......(其實都好大壓力, 唔想俾同事同家人知有衣個問題, 因為佢地一定唔明我既難處, 又要處理好自己既工作) 到放精果日.........我地等緊返診所果陣....化驗所打黎要老公上去留多次精, 話數量太少............. 老公死都唔肯, 話真係無....我話你試下啦, 未試點知呢.....但佢點都唔肯....佢去化驗所既時候我忍唔住起街上痛哭......因為其實真係好辛苦....日日定時打針. (好驚又真係痛加嗎, 自己打得唔好個肚瘀晒), 屋企人又成日吹我生, 我又覺得今次真係會失敗.....結果.....好似我咁講.....又失敗.....

痛定思痛....我覺得老公要解決佢個問題. 同佢搵左個泌尿科醫生....佢話佢有精索靜脈曲張, 影响精子質素..只有做手術先得.....醫生話做完手術仲要俾兩三個月佢去replace 新一批好質素既精子.....咁....我只好再等...但醫生話係咪真係會好都唔知

同一時間, 我都唔知IUI 係咪真係得, 都叫醫生寫左去排政府不育科.....聽完講座約期啦.......shit....2014 年9 月!!!!!! 果陣係2012 年7月......駛唔駛咁耐呀..........................仲要係first meeting...到時仲要再排期睇下點做.....

為左改善大家既卵子同精子既質素, 我就開始食補品..... 我地大家都有食善存, 我就食fertilaid for women, 再買茄紅素俾老公食, fertilaid for men, count boost , motility boost....食左兩個cycles...

之後諗住試多次IUI, 唔得就私家做IVF ! 等政府實在太耐啦, 搞得黎都高0 啦 !!!
想做IUI點知又撞正醫生出trip, 又過年....唉.....拜年果陣俾人哦到頭暈....人都癲.....

第三次IUI, 同上一次結果係隔左7-8 個月先做....例牌日日打針定期照陰照, 今次我無度體溫, 我覺得好大壓力, 反正醫生都會追縱住排卵啦, 駛乜體溫表丫.........到放精果日. 去化驗所等果陣, 真係好緊張....老公精子終於合格., 數量多左好多好多.....超開心....IUI 果陣, 醫生話我有5 粒卵子... 之後keep 住有塞藥....我唔知係乜, 醫生叫我就做.....

到due day 果日, 我唔敢check ......我完全感覺唔到所謂既bingo 徵狀....除左未黎M 之外.....
我隔左日先敢check.....結果...我得左....真係得左......綠d 一放落去就即時深粗, 勁過俾ref. 線....再用clearblue 都係 pregnant 3+......... 我差d 喊左出黎.....試左兩年啦.........

過兩日返左診所抽血confirm....真係得左.....

到所謂既第5 週....開始出現孕吐....一日比一日嚴重....一日嘔一次慢慢到一個鐘嘔幾次....第6/7 週去check 閃閃.........唔識反應.....醫生話有5個閃閃.....無錯, 係5 個....即係話我5 粒卵子都受左精.....唔怪得我嘔得咁勁....醫生話要減胎.....唔係太高風險.....好啦, 即時再預約專家......我既孕吐愈黎愈勁.....想刷牙牙刷入口即嘔, 總之有野入口就嘔.....口都飲唔到, 嘔到喉嚨出血.... 我買左係得力素返黎沖水飲...不停飲, 嘔完飲, 飲完嘔, 點都吸收到少少卦......我起兩個星期瘦左19lb.......(大肚前125lb, 165cm....)

第一次減胎...兩個....個人已經好weak 因為嘔到死左....其實好驚, 因為有機會影响其他小B.....
好彩無事....

第二次...一個....sorry 我無法之唔減....因為風險都好大......其實都心痛架, 因為BB 已經識郁....但我身體負擔唔到....好易會無晒..., 連大人都有事, 因為我血壓太高.... 結果留底既兩個小B 都無事...

我記得第三次IUI , 我完全無戒，啤酒氣水照飲，打邊邊魚生乜都食，最緊要開心。

今日佢地已經接近一歲啦.....大家加油...