吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 沮喪! 老公對我即將做FTM 好擔心...

在職全職今日: 0|主題: 47932

收藏本版

發帖

返回列表

跳至頁

查看: 1384 | 回覆: 13

[全職媽媽] 沮喪! 老公對我即將做FTM 好擔心... [複製鏈接]

viffy

大宅

積分: 4963

1^#

發表於 14-11-25 18:53 |只看該作者 |倒序瀏覽 |打印

大B 歲半，剛生了細 B，打算產假後辭職做 FTM，自己一向鍾意湊仔煮飯做家務，老公都覺得對小朋友係最好，經濟方面雖然都好緊，但都決定咗係咁。
細B 快滿月，大 B 好扭計，而家在娘家坐月，日頭有陪月，夜晚有時 2 個一齊扭，我同婆婆一人睇一個，就OK，但老公好擔心到時我一湊二搞唔掂，或者比唔到小朋友好的照顧，得不償失。

我地將由商場上蓋的大型屋苑，搬去村屋，老公返工遠咗，自己同小朋友出街亦會非常不便，預計自己同小朋友都唔會點出街，買餸都要一次過買定，老公自己都擔心交通遠咗，佢放工又累，幫唔到手，怕我自己夾硬來，對家庭、對小朋友都唔好，又怕我到時會怪佢，搞到大家感情差。

之前大 B 係婆婆湊，湊得好好，但婆婆講明不會一湊二，亦不喜歡用工人，所以我唯有辭職。因娘家經濟唔充裕，婆婆話會出番嚟做野，文職或者其他 PART TIME，可能會來幫下手，但都係我主打。同咗婆婆講比唔到家用，老公擔心要婆婆來免費幫手，長遠亦可能有怨言，影響感情。

唉，想呻下，因為都唔知有咩解決方法，除非請工人，但因計過條數，比工人加比婆婆家用+湊B 錢，扣除自己返工搭車食用應酬等，得番幾千，所以先有此決定。

唔知點先可以令老公無咁擔心...... 我而家坐月有時大細B一齊扭計扭到我忟都唔夠膽同老公講...

0 0 1

私人傳訊

candy-chiu

大宅

積分: 4483

2^#

發表於 14-11-25 20:07 |只看該作者

回覆：沮喪! 老公對我即將做FTM 好擔心...

講真你一湊二真係會好辛苦，而且你兩個都太細，好似我女兩歲，我仔剛滿月，我宜家係娘家坐月，馮星期六老公帶大女嚟娘家比我湊一晚，星期日接走，我大女訓覺要扭我陪，阿仔夜晚飲完奶又未必訓，有時又係咁喊，嘈醒埋個大既大又扭我陪訓，好彩我爸爸會幫我照顧個細，我就照顧個大，如果無人幫我，你幻想下兩個一齊喊你會點?

你到時又家務，又煮飯，又要洗 bb 衫, 蒸奶樽，同小朋友沖涼……，你老公又話到時未必幫到你分擔，你體力應付到嗎？到時我怕你剛生完好易有抑鬱呀！你睇下同老公商量可唔可以請工人幫輕下你先，或者 6299 會唔會幫到你? 你有咩要坦白同老公傾你感受哦～

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

3^#

發表於 14-11-25 20:08 |只看該作者

本帖最後由 bosch 於 14-11-25 20:14 編輯

同你老公講, 你有咁大個人, 已經係兩子之母,會識執生, 會獨立, 唔駛下下要擔心你.

你地住村屋住得咁上下, 你自然會搵街去, 習慣一下的話, 你會搞得掂.

到時你炆憎時, 上黎呻, 呢度大把同路人支持你.

建議你去其他版度睇其他jm 既移民故事, 更harsh 更難經歷佢地都克服到, 況且外國人一向都係咁生活, 仲要冇工人冇人幫, 人地都manage 得好好, 冇可能人得你唔得. 你地都要做思想上準備, 唔好仲諗住搵婆婆幫, 搵工人幫. 婆婆留番係有需要時至幫, 間中黎玩下孫都得, 平時日常生活的話基本上1湊2唔係太難, time management 做得好就得. 有多餘錢至諗請工人, 否則你冇得揀要自己做番晒, 仲諗住工人盞自己精神受苦.

事實上你地真係要一段時間去適應呢種新生活模式, 基本上習慣左左就得. 到佢見到你打理好頭家, 信心自然會番黎.

加油!

私人傳訊

totoyu

大宅

積分: 1611

4^#

發表於 14-11-26 13:52 |只看該作者

我同你情況差不多，不過你比我好，你坐月還有人幫手，我咩都是自己，我都是住村屋，交通都非常唔方便，我都是有兩個小朋友，當時細噶出世果陣，撞正個大噶讀k1,坐緊月，都是甘送個大噶返學，我試過有次落雨等左大半個鐘都上唔到車，又拖住大又咩住細，我真是企系路邊喊，唉……大家一齊加油！到小朋友圍住你嘻哈果陣，你又會覺得值了

私人傳訊

viffy

大宅

積分: 4963

5^#

發表於 14-11-27 18:21 |只看該作者

totoyu 發表於 14-11-26 13:52
我同你情況差不多，不過你比我好，你坐月還有人幫手，我咩都是自己，我都是住村屋，交通都非常唔方便，我都 ...

多謝你支持，住村屋出入真係好唔方便，我諗未 SETTLE DOWN 都唔會單拖帶小朋友出街，而家住屋苑樓下有商場，公園，遊樂場，我大住個肚到臨生放產假前都可以單拖同大仔 (歲半) 落街食早餐，去公園，買餸，住村屋真係難，老公又怕大仔日日要困o係屋企好悶...
辛苦我預咗，為咗小朋友，諗住咬緊牙關，不過老公講到話怕兩個小朋友反而得唔到好的照顧，我個心都怯一怯...

私人傳訊

viffy

大宅

積分: 4963

6^#

發表於 14-11-27 18:29 |只看該作者

bosch 發表於 14-11-25 20:08
同你老公講, 你有咁大個人, 已經係兩子之母,會識執生, 會獨立, 唔駛下下要擔心你.

你地住村屋住得咁上下, ...

你講得好o岩，大家都需要時間適應，我都諗唔到點comfort 我老公，唯一方法係time will tell，但佢份人一向比較謹慎同憂慮，我都唔知點講佢會鬆 d，佢講到怕影響大家關係、對小朋友唔好等等，知道佢真係錫我同小朋友，為頭家，由2個人搵錢得番佢 1 個，壓力都真係唔細，我諗住好好睇住小朋友同頭家，等佢唔洗擔心，但又講唔出 "得啦，我唔會要你幫，我自己一個搞得掂"，萬一到時真係要佢幫手佢又唔願，盞嘈交
好同意你話外國 d 媽媽都係咁，台灣/日本媽媽都係咁啦，係香港咁特殊，請工人姐姐普遍，可能適應期最初叫婆婆來幫下手先，慢慢上手後，婆婆就可以有需要時先來，希望一齊順利。

time management 方面，家務同湊仔的安排我都handle 到，最多等佢地瞓咗先做家務啫，想請教下仔，點可以打理屋企同時又可以陪到小朋友玩 (有quality 的，唔係一邊拖地一邊同佢講故事o個隻) ? 我兩個都細，一齊扭計或一齊有需要搵媽媽 (e.g. 一個倒瀉水濕晒 + 一個介緊片o既賴尿) 咁點處理好?

私人傳訊

viffy

大宅

積分: 4963

7^#

發表於 14-11-27 18:34 |只看該作者

candy-chiu 發表於 14-11-25 20:07
講真你一湊二真係會好辛苦，而且你兩個都太細，好似我女兩歲，我仔剛滿月，我宜家係娘家坐月，馮星期六老公 ...

我都係o係娘家坐緊月呀，仲有幾日滿月lu，大仔都跟埋我嚟咗娘家住，佢都係要我陪瞓的，仲衰︳佢要啜奶奶瞓，有時撞o岩細o個個又餓，都幾狼狽架，試過幾次大o既半夜醒咗又要奶奶，細o個個又夠鐘起身食奶，我唯有兩邊一齊餵，論盡得嚟都幾搞笑...
我老公就係怕 2 個一齊扭計時我搞唔掂囉，唯有希望細 b 快介到夜奶，同埋唔洗啜瞓，咁就輕鬆得多了

我地無能力請工人喇，鐘點都可能得，6299 要返工，年紀又大，要搵幫手都係要靠婆婆架喇，始終佢由細幫手湊大仔，希望一切順利啦~

你都o岩o岩生完，休息多 d 呀，一齊加油 !

私人傳訊

totoyu

大宅

積分: 1611

8^#

發表於 14-11-27 23:55 |只看該作者

viffy 發表於 14-11-27 18:21
多謝你支持，住村屋出入真係好唔方便，我諗未 SETTLE DOWN 都唔會單拖帶小朋友出街，而家住屋苑樓下有商場 ...

我果陣大住個肚，用BB車推住個大噶出去街市、公園，每日行兩三個鐘，當鍛煉身體羅。跟住個細噶出世，我又比佢地系條村度行下，跑下，踩下單車。所以凡事向好噶方面諗，適應期是最辛苦難熬噶，但過左，你會發覺，其實都是一種鍛煉，起碼我個細噶比人行得快跑得快，你都要加油！

點評

bosch

發表於 14-11-28 00:27

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

9^#

發表於 14-11-28 01:24 |只看該作者

本帖最後由 bosch 於 14-11-28 15:59 編輯

viffy 發表於 14-11-27 18:29
你講得好o岩，大家都需要時間適應，我都諗唔到點comfort 我老公，唯一方法係time will tell，但佢份人一向 ...

你唔好咁快話講到咁實話唔駛佢幫手, 留番條後路俾自己.

淨係粗略俾番d 正面感覺俾佢先... 始終呢d野真係要時間去證明.

講到影響大家關係, 同你地去邊度住或你係咪做ftm 冇乜太大關係, 住大屋有住大屋既煩惱, 住單位仔又有住單位仔既不便, 在職父母有佢既難處, 一個在職一個ftm 亦有難處, 真係驚唔到咁多.

一切順左之後就會順利架啦, 我肯定你一定得. 你都唔好諗太多, 因為你控制唔到, 同埋真係到時執生. 我做ftm 時既境況同你而家咁差唔多, 甚至更處於更艱難既環境中, 我又冇諗咁多野, 煮到埋黎咪食, 唔開心心底裡爆兩句爆粗口, 有時同老公呻, 或者上黎呻就算.... 正如另一jm 咁講, 呢d 係磨練, 適應左就冇問題.

你指玩得有quality d, 係咪一定要單對單玩? 如果係單對單玩, 咁一定係要放低家務, 專注同小朋友玩. 同時進行都可以有quality, 你可以邊做家務邊教小朋友, 直頭叫小朋友參與做家務, 當玩角色扮演, 佢可以學野 (語言, 自理等), 緞練身體, 又可以幫到你手. 如果只係你一邊做野, 小朋友又唔參與, 好似你既例子一邊做家務一邊講故事咁, 咁就唔好了.

至於bb 同喊方面, 響細b 係安全情況下, 顧左大b 先. 因為細b 仲等得, 大b 識行識走怕佢有意外, 同埋減佢既醋意. 有時都係臨時執生, 如果一個倒瀉水一個賴左尿, 處理邊件事先都冇所謂, 你個腦自然會作出選擇. 如果你顧緊細b 而大b 又扭計時, 有時你要大b 排隊等, 佢又扭又喊都要等. 我試過響樓上幫二仔換片, 同時電話響又有郵差襟門鐘, 咁我根本唔駛揀, 幫緊個仔換片就換, 電話響咪由得, 錯過左封信我可以第二日去郵局拎o者.

你第日住村屋, 家居安全同住單位會有唔同. 最好樓下放網床, 因為你有時要上樓上時, 暫時可以放住一個b 入去一陣都得, 唔駛你小小事都要帶晒兩個b上落樓.

私人傳訊

貧窮媽媽

水晶宮

積分: 51609

10^#

發表於 14-11-28 02:34 |只看該作者

回覆：沮喪! 老公對我即將做FTM 好擔心...

我覺得迫到埋身就做得嚟架喇！除非你真係好唔鍾意做ftm, 但你又唔係wor, 你鍾意，所以問題都不大既，好似我咁，我未生b之前都唔駛點做家務，又唔識湊b, 但奈何自己又冇鬼用揾錢唔多，陀仔又辛苦到返唔到工，只可以做ftm, 初初喺娘家坐月，有阿媽幫下手，但阿媽間中要返工，佢返工既時間我係覺得好難過既，到我bb 4個月大我就搬返去同c6住，日頭過娘家，後尾阿媽都唔得閒幫我，我只好靠自己，到而家阿仔歲半，都係我自己一個湊，煮飯做家務教阿仔都係我，有d野係可以迫出嚟既