滾湯最簡單，咩料做法都差不多，最方便係菜湯，滾完個湯有得飲有得食。
首先水放幾片薑煲滾，唔駛太大煲架，你幾多人飲煲幾多碗差唔多。
水滾放菜入去淥（菜芯、菠菜、芥菜、潺菜等），加少少肉片，
肉片之前醃下（生抽、豆粉、油已經得），見到肉熟收火，
菜可以撈起當一味，肉如果唔過火可以食得埋，湯試下味，
淡就加少少鹽，菜芯肉片湯好甜架。
另一個下火嘅：皮蛋魚片魚肉湯都好方便。
芫茜洗淨唔駛切，用新鮮魚片就切片後用少許生抽、豆粉、油醃下，
皮蛋切開4份，薑片兩三塊。又係水加薑煲滾，加芫茜皮蛋滾一陣，
見到湯顏色變深就可以落魚片，攪一攪即刻熄火，蓋上蓋5分鐘，
開蓋飲得，魚片剛熟就好，太熟就爛晒。
可以用魚檔攪好嘅鯪魚肉代魚片，鯪魚肉通常已加調味（可問一下魚檔），
加D蔥花、芫茜碎、豆粉攪一攪，之後用匙羹將魚肉放入去滾水中，
淥到魚丸浮面就熟啦，魚丸可以食，湯又甜（試味再加鹽）。
花旗太太生活在花旗國，留意時差，你問我未必即時答到。
發表於 
返回列表
