懷孕前後今日: 19|主題: 329728

收藏本版

發帖

返回列表

跳至頁

查看: 1526 | 回覆: 4

真的得來不易.......(超長篇) [複製鏈接]

hofeifei0118

複式洋房

積分: 185

1^#

發表於 15-8-3 05:40 |只看該作者 |倒序瀏覽 |打印

個個都話廣華生仔好，我就有啲保留，13年11月尾7週見紅，照到心跳正常趕我出院，話作小產無咩事，轉頭8週又見紅再照已經話個胎無心跳自己跌落黎，即晚就自己排出黎，咁就當自然淘汰。
一直再試都無好消息，過了6個月黃金期，開始搵方法，計日子用左prexxxx 2個月，終於有好消息，預產期22/6，登記廣華產檢，一切都正常，
17/6晏就聽到好高位置pop一聲，以為穿水，但無人地講好多水咁流出黎，只係少少咁濕，等到夜晚咪亂估都係入院睇睇，照左話無穿水，觀察左一日，18/6黃昏出院，點知夜晚無啦啦發燒，食左藥退左，到19/6中午又發過燒，諗住入院生啦，入到院又無燒，隔離觀察6個鐘到，準備轉我去產前房，點知我又發燒，醫生就話要同我催生，心諗快啲啦，好緊張，等左15分鐘，姑娘入黎話醫生唔同我催生住要同我驗血先，睇下唔記得係咪白血球有無影響bb，無就唔好催bb出黎喎，俾左退燒藥我食，成晚聽住bb心跳，無訓過
，第二朝就轉去產前房，無人講驗血結果，唔知係端午節假期未驗定無事，住到21/6都無再發燒就趕我出院，心諗聽日產檢又係預產期都仲趕我走，醫生就寫紙約29/6入院30/6催生。

0 0 0

私人傳訊

hofeifei0118

複式洋房

積分: 185

2^#

發表於 15-8-3 05:44 |只看該作者

回覆：真的得來不易.......(超長篇)

經過2次入院都未生得，2次都行一段路搵15-20分鐘先有的士，真係睇定啲先敢再入院。27/6朝早有陣痛見紅，食少少野準備入院，痛到行唔到，今次叫白車，救護員話送去明愛，但明愛無產科，要再轉去瑪嘉烈，老公就問佢去到明愛我地自己搭的士去廣華得唔得，佢話唔得，因為去到明愛會有姑娘跟車去瑪嘉烈，去到明愛急症室醫生檢查話我穿左水同發燒，但我自己唔知，轉去到瑪嘉烈，開頭姑娘檢查話穿左水但一度都未開，話無咁快生得叫我老公走先，到醫生黎睇就話我每次陣痛bb心跳唔穩定，要同我開刀，即刻叫返老公返黎簽紙做手術，原本半身麻醉，醫生見我血壓有啲高，決定全身麻醉，完全唔知發生咩事，到我醒既時候上產後房，都唔見bb，又無得見老公，等到夜晚探病時間先見到，一問先知好嚴重，話我子宮發炎，bb吸左胎糞，有感染，急救過2分鐘，入左nicu要插喉，吊葡萄糖水，要打抗生素，體溫低要照暖燈，嚇到我半死。第二日bb轉左去新生嬰兒護理房，穩定返只係要照暖燈同繼續打抗生素。而我因子宮發炎令我keep住發燒，我都要打抗生素，一直未落得床，等左3日先可以去見bb，真係心急死。住左5日出院，bb住左6日出院，好感恩我同bb得到適當治療，錯有錯著去左瑪嘉烈生，醫生話啲羊水得返好少，我估我係穿左一段時間令到bb唔夠羊水而吸返自己啲胎糞，如果再入廣華，真係唔知會唔會咁快決定要開刀，算我唔好彩，我對廣華啲醫生真係有保留。bb 真的得來不易。

私人傳訊

麻辣媽咪

大宅

積分: 4555

3^#

發表於 15-8-3 06:43 |只看該作者

hofeifei0118 發表於 15-8-3 05:44
經過2次入院都未生得，2次都行一段路搵15-20分鐘先有的士，真係睇定啲先敢再入院。27/6朝早有陣痛見紅，食 ...

恭喜你順利生咗bb，有驚無險！最憎醫院咁樣，我有個朋友同你情況好似，又係高位穿水，羊水慢慢滲漏，但醫院話唔係羊水，叫佢返屋企，結果穿水太耐bb感染要入nicu，好彩最終平安出院。咁啱又係廣華。連有冇穿水咁基本都唔check清楚就耍人走，講唔通！

私人傳訊

fy309

大宅

積分: 1898

4^#

發表於 15-8-3 08:09 |只看該作者

回覆：真的得來不易.......(超長篇)

我唔太識咩叫高位穿水，但我第一胎都係穿左水，但好少。我都係瑪嘉烈，一個好後生男醫生開始講，冇穿水哦。不過都幫我做左測試，結果真係穿左。後尾轉班，一個女醫生同我講宜家穿水，你想等自己做動定催生，如等，最多等到聽日同一時間。我開始係唔想催生，就話等自己做動。好彩既係，又等左一陣，有個高級顧問醫生來巡房，聽了我情況，就直接建議我，穿水後羊水容易污染，最後馬上催生，不要等。聽了他的意見，我決定催生，人手穿水後發現，羊水真係已經污濁，阿b生出來要即刻有兒科醫生來檢查。我比較好彩係，返工時間去醫院，又磨下磨下，等到有顧問醫生來，如果唔係阿b情況都會好危險。