想生BB 今日: 1 | 主題: 109074

積分: 2179

1^#

發表於 15-8-27 16:30 |只看該作者 |倒序瀏覽 |打印

5weeks流血絲睇急症入院留醫一晚。睇到胎囊未有胎，醫生話唔成功機會好大。胎囊太細，抱住有信心既態度、食多d野令佢快點長大，兩星期後再有血絲睇私家，醫生話唔樂觀，雖然有胎，比正常細左一week,叫開維他命葉酸，醫生話要靠bb自己，可以做既都唔多，三日後有血再睇第二個私家，情況一樣唔樂觀，醫生實牙實齒話九成唔得，因為仲未照到心跳，上網不停睇人地既經歷。胎細流血係咪都有機會長大直至出世，隔多兩日出血情況嚴重左再去急症，又係留院一晚，第二日醫生已經斷定個胎唔得，因為無心跳同無大過。問我係咪會出去私家照多次，經歷左兩次私家兩次政府，我知道，你要離開了，我知道我地無機會再走落去，睇多次私家，醫生話出血情況嚴重，連個胎入面都有血，要立即做手術............即日入醫院做刮宮手術，三個星期入面每日都上網問人，究竟我係咪有機會可生個寶寶出黎，係咪可以臥床養肥你，每次出現血絲流血都好擔心，身心受既果種痛苦，唔係其他人可以理解，尋日終於同你say goodbye,果種痛，我唔會忘記，雖然你從未出現過心跳，從未出現過胎動.......不過我唔會忘記你曾經帶比我所有懷孕既感覺，下次記得帶齊野呀Bb

0 0 0

私人傳訊

kylieyky

積分: 988

2^#

發表於 15-8-27 16:43 |只看該作者

係, 無呢個經歷係唔會明白呢種痛.
不過BB唔夠健康, 即係佢未準備好黎呢個世界, 他走了, 我地亦要向前行.
唔好傷心, 好好休息, 保重身子, BB好快帶齊野再黎過. 加油!

私人傳訊

kiki_sky35

複式洋房

積分: 243

3^#

發表於 15-8-27 18:01 |只看該作者

回覆：未小產過係唔會明白果種痛（純呻）

去年五月懷孕，滿心歡喜，到七月準備做去做第一次檢查的那天早上開始見紅，立即返屋企卧床休息。下午去見醫生，醫生指佢太細，只有胎囊而沒心跳，九成唔得。醫生話當遲排卵未見到心跳，叫我十日後再覆診。返去後日日卧床，但一起身就已經流血，日日好似m咁多。日日瞓喺度睇baby kingdom, 睇下食乜好就叫老公買，食花膠，飲桑寄生，乜都試。再覆診時，醫生話佢已經流得乾乾淨淨。簡直十萬個傷心!!!
日日以淚洗面... 同事不停同你講，好多人都係咁，邊邊個都試過，唔駛唔開心。連老公都話我太執著。無錯，未試過點會知! 我絕對唔會忘記日日怕上洗手間，怕見到又再多左見紅的那些日子!
但唔開心的日子總要過去，我地要為下一次做好準備。坐小月子養好身體，check住小產後身體情況。我就係可能因為情緒影響，搞到依家有m但係無排卵。現在要睇婦科同食排卵藥。你都要努力振作! 調整心情，重新上路! 好快會有好消息!

私人傳訊

alice1205

積分: 661

4^#

發表於 15-8-27 18:24 |只看該作者

大家要一齊努力呀~ 我1月果時, 7W冇左心跳, 睇政府醫生第一句就叫我食藥流左去。

當時5W我流啡入去, 佢半日SICK LEAVE 都唔比我, 仲話好多人都係咁架啦, 訓床都一樣架咋~~

聽到果時個心幾痛呀!! 到7W, 入醫院做完手術, 我奶奶黎探我, 仲要話我已經識行識走, 即係冇事啦~~ 嘩, 當時我個心幾難受, 唔通我真係對住你喊先叫有事咩~

JM, 我地自己要加油!!! 衣D 唔開心, 得我地經歷過嘅先會明白~

BB 好快會黎搵返我地架!!!

私人傳訊

yinyeon

積分: 668

5^#

發表於 15-8-27 18:26 |只看該作者

其實我會安慰自己如果一定要發生早發生已是不幸中之大幸，加上上來看一下就會發覺其實好多人都面對緊唔同問題，而我慶幸小x前後自己身體上一直冇乜痛冇太辛苦，所以我唔開心左陣心情好快就已經冇事了，現在專心調理好身體，盼望下一次健康懷孕. 過去的就不要想太多了，向前看吧，共勉！

私人傳訊

積分: 2179

6^#

發表於 15-8-27 18:36 |只看該作者

kiki_sky35 發表於 15-8-27 18:01
去年五月懷孕，滿心歡喜，到七月準備做去做第一次檢查的那天早上開始見紅，立即返屋企卧床休息。下午去見醫 ...

Kiki。我地要重新振作再出發

私人傳訊

kusanoaya

積分: 666

7^#

發表於 15-8-27 18:42 |只看該作者

我都係一個星期前小產了，7wk開始流啡入急症，安排第二日照陰照見到bb 有心跳，當時醫生仲叫我都係瞓床休息下，冇野可以做到，我都好乖咁瞓床，流左兩日啡再出血開始見紅又入急症，我真係擔心到喊，入左院住左晚都仲係見到bb 有心跳，但始終唔知點解自己仲出血，之後出院回家就開始肚痛，我就知不妙了，最後痛左兩日自然排左出黎，個刻我喊到收唔到聲咁入醫院檢查⋯到現在我都唔明白點解會出血令到bb離開我，一想起就哭，又怪過係咪自己唔識照顧bb⋯⋯但我都知要正面咁面對，而家好好調理身體，過兩日返醫院照，我都唔係好想去醫院，但我知要好好照顧自己身體，bb會再健健康康咁返黎我身邊，你都要加油！好好調理自己身體，bb會返黎架！

私人傳訊

Juicylaw

複式洋房

積分: 399

8^#

發表於 15-8-27 18:48 |只看該作者

回覆：未小產過係唔會明白果種痛（純呻）

我小產左兩㳄,一次20w,一次16w，我好明白你感受！！身心既創傷5係一般人可以理解！

私人傳訊

AF2014

民房

積分: 30

9^#

發表於 15-8-27 19:12 |只看該作者

回覆：未小產過係唔會明白果種痛（純呻）

我都剛小產，同你地一樣，個胎停左生長，而家等個胎自然排出黎，已經等左幾日，只係不停留啡，仲未有鮮血，搞到個人好心煩，已經唔開心，好難受，但要等，究竟幾時先完結，真的無人會明白自己既心情，因為每個人都覺得好少事，好多女人都係咁，只係話，你個胎都未成型，唔駛咁唔開心，我明白好多既道理，我只係未過度到，而且個胎一直未排，件事就好似一直都未完結，

私人傳訊

積分: 2179

10^#

發表於 15-8-27 19:16 |只看該作者

係。果種痛即使係最親密既人都唔會感受到，因為係好自身既。

私人傳訊

smallsmallsnow

積分: 3026

11^#

發表於 15-8-27 19:28 |只看該作者

回覆：pinkpinkchan 的帖子

我完全明白，我7月尾都小產了，8週時見到佢心跳，但size只有6週幾，好努力休息2星期,食好多長胎的食物，10週覆診，bb好努力長大了,size有成差不多9請週大，可惜心跳停了。當醫生口中同我講\'太太你流產了\'，我無喊，但成個人呆了，無哂反應，醫生俾了入院信我後，我離開診所，眼淚流到收唔到，企都企唔穩，嚇到老公死死下....之後幾晚訓覺晚晚喊醒，入醫院做刮宮手術，姑娘推我入手術室，我好唔捨得肚入面的bb,除了喊唔知可做咩。
雖然身邊所有人都話bb成長唔到，自然淘汰總好過生了出來才發現有問題，係，佢地講得啱，但我真係接受唔到，點解小產果個係我？事情已發生一個月，雖然表面上我已接受了，心情已平復了，但我仍然周不時諗起bb,我好掛住佢。依種心情，根本連最親既老公都唔會明

私人傳訊

kusanoaya

積分: 666

12^#

發表於 15-8-27 19:39 |只看該作者

係呀，始終bb真係存在過係我地個肚入面，我老公都唔係好明白我既難過，但佢好安慰我話大家都努力過，bb都努力左，佢知道自己唔健康先會離開，叫我好好調理好身子bb先會再返黎，我明白，但要難過都冇可避免，我都係想喊就喊，喊完再好好調理自己身體，等bb返黎

私人傳訊

fluty

積分: 3271

13^#

發表於 15-8-27 21:31 |只看該作者

回覆：未小產過係唔會明白果種痛（純呻）

我都試過初期無左
老公話都未有心跳駛乜傷心
佢地都唔明
到而家就算生左個囡都會諗番
回果唔係自己唔好
大b 而家會係點呢？係哥哥定姐姐呢。
其實仲會傷心難過。

點評

smallsmallsnow

發表於 15-8-27 21:33

私人傳訊

jenny729

男爵府

積分: 7260

14^#

發表於 15-8-27 21:40 |只看該作者

回覆：未小產過係唔會明白果種痛（純呻）

係！簡直係切膚之痛！我經歷了兩次！慶幸我第三次懷孕成功了，順利誕下仔仔，食得瞓得，肥肥白白，我相信，個天會揀選過最好的先俾我地

私人傳訊