懷孕前後今日: 0|主題: 329728

收藏本版

發帖

返回列表

跳至頁

查看: 1629 | 回覆: 6

QE順產分享 [複製鏈接]

Ling12341234

別墅

積分: 937

1^#

發表於 16-2-19 05:09 |只看該作者 |倒序瀏覽 |打印

38周1去覆診檢查醫生問我有無咩特別, 我話前一日有好小好小血絲, 檢查嗰日又有好小, 醫生話咁呢個都係signal可以入院, 不過如果我覺得無其他如陣痛或多啲紅可以睇多1兩日先, 不過要留心因為我第二胎驚好快要生, 當日返到屋企瞓晏覺突然有一下好多野流出黎咁，即刻去廁所, 多左紅同有滲水, 所謂嘅多其實都係濕左一個5蚊銀咁上下嘅範圍, 我無理佢住照返阿媽屋企食飯, 不過越行越唔對路, 好似一路行一路有野流出黎咁，返到阿媽屋企同媽講佢就叫我入院，我話食埋飯先, 飯後我同老公就入院, 去到醫院助產士幫我檢查話我係滲胎水要催生(因我有B錬), 就係咁我就直接入產房準備催生, 好好彩安排左一人房比我, 老公可以全程陪住, 因為我要打抗生素，所以未可以即時落催生藥, 中途我問姑娘落左藥要幾耐先可以生, 佢話個個唔同, 有啲十個8個鐘, 有啲兩三個鐘, 即係有答等於無答.....
中途姑娘同醫生黎幫我檢查時話我宮頸都好鬆應該一落藥好快就生, 當時我都仲未有痛嘅感覺，佢地就話咁而家落藥比啲痛你等你快啲生啦，於是就開始落藥, 一落藥就有感覺，由5分鐘痛一次, 好快變成3分鐘再跟住兩分鐘, 初時我忍住唔用笑氣, 只係自己調節呼吸, 跟住頂唔順要聞氣, 嗰時真係痛到人都癲，我就叫老公叫人黎，再望下個鐘原來我吸氣只係吸左5分鐘就頂唔住要搵人黎，姑娘黎到一睇佢話生得黎喎，我地開始啦，就係咁痾幾下試幾次就生左, 由落藥到生只係用左1個鐘多啲啲，大痛都只係半個鐘到, BB就好合作咁出世, 之前成日聽人講第二胎痛過第一胎都有啲驚, 真係好好彩我痛嘅時間唔長, 好快就生左, 真係忍唔住要讚BB抵錫，