0-6個月 今日: 1 | 主題: 37163

積分: 2636

2^#

發表於 16-4-22 08:33 |只看該作者

回覆：育嬰園

排緊，如果有位既會入

點評

uscayenne

發表於 16-4-23 08:36

私人傳訊

Meko00

積分: 1310

3^#

發表於 16-4-22 10:10 |只看該作者

引用：排緊，如果有位既會入

原帖由 cathy_chui 於 16-04-22 發表
排緊，如果有位既會入

通常幾多個月會排？

私人傳訊

siuleung

侯爵府

積分: 22012

2024勳章

4^#

發表於 16-4-22 10:18 |只看該作者

如冇人湊都會返,

點評

uscayenne

發表於 16-4-23 08:39

私人傳訊

SummerSiu

積分: 2836

5^#

發表於 16-4-22 10:44 |只看該作者

回覆：育嬰園

BB出世前兩個月已經報左，依加BB兩個幾月，上兩個星期打電話問話未有位，叫我5，6月左右再問，但我都系打算湊到半歲先，始終太小個

私人傳訊

ff520

侯爵府

積分: 20129

畀面勳章

6^#

發表於 16-4-22 11:35 |只看該作者

有D唔錯....不過聽佐口碑先.

點評

uscayenne

發表於 16-4-23 08:40

私人傳訊

積分: 84

7^#

發表於 16-4-22 15:14 |只看該作者

回覆：uscayenne 的帖子

我仔而家返緊育嬰園，想同樓主分享下！

亞仔由3個半月大開始返園，到現在2歲了，老師一直照顧得好好！教導得好好！又有好多同學仔一齊玩！亞仔好鍾意返學！我同老公好感恩，有咁好既老師同環境比我仔成長，學習，交友！

育嬰園一般入學高峰期係8~10月，因為大組升 PN 就會收新生，所以bb係年頭出世機會大一點 (準媽咪仲大住肚時，越早報名越大機會有位)。我仔今年9月都會升 PN 了！我開始有點唔捨得育嬰園了，可以理解亞仔會更加唔捨得

我淨係知我仔呢間育嬰園既情況，其他的我不太清楚，通常育嬰園都有網址，會show schedule 同餐單的，但我分享一下亞仔的日常生活吧～

育嬰園分大中細組:

細組一般是1歲左右以下，未識行，未適應規律生活既bb，我仔3個半月開始至1歲都係細組，就係食瞓疴的時期，個個bb都有自己一張床仔，每日返學主要時間都在床仔，食奶，玩玩具，不定時的瞓覺，直至開始學坐，老師每日會比bb練習坐 bumbo，玩嬰兒樂器 (手搖鈴，沙錘，搖鼓。。。) 一排bb坐晒係 bumbo 係咁搖d樂器，都好得意

到bb會爬會扶住企，老師又會每日安排一段時間到安全房 (全間房舖滿厚軟墊，包實晒) 比bb爬下，扶住企下。至於食物方面，頭5個月bb只食奶，我仔食全人奶，所以我每日會交奶到學校，學校會處理好給bb食的，我仔學校有奶粉提供，如果家長冇指定奶粉可食學校的，如果有指定奶粉家長可帶罐裝回校給bb的，學校處理食物很注重的，家長大可放心

到bb 5個月大會試果蓉，6個月大會試糊仔，我仔6個半月已適應得好好可以試稀粥，由稀粥到粥仔，再大d就開始每樣蔬菜，肉類試加入粥仔，學校有個試食 schedule，因為擔心有bb 對某種食物敏感，所以老師都很注意bb有沒有異樣，亦跟家長溝通在家有沒有爛便，沖涼有沒有敏感粒，皮膚有沒有一達達，非常細心

直至試完餐單沒敏感，就會跟其他bb 一齊食有菜肉既粥。

到中組，大約係1~1.5歲左右，小朋友未行得好穩陣的時期，老師會給小朋友學習自己用匙羹食粥，嘗試用學習杯飲水，用碗飲湯，自己除鞋除襪放好，習慣瞓矮床仔而唔係bb床，自己在班房有自己既坐位，自己拉櫈坐，開始轉食爛飯，開始有集體遊戲，跟同學仔互動多好多

當老師覺得小朋友行路能力足夠，可自己食飯仔，又習慣了規律的生活時就可以升大組了！

我覺得亞仔上大組，似日日上 playgroup 咁！每日早上返學會齊齊食早餐，之後會排洗，學習自己vivi popo，(我仔未戒到片住，每個小朋友既進度都唔同既，不能急的) 之後係玩遊戲講故事唱兒歌，每日唔同的！每個月都會有主題，可能有節日既元素，可能有學習目標，而家我仔都識唱幾隻兒歌，仲識自己改歌詞 (我覺得係老師教既~)

有時亞仔扭計，我會學佢唱改歌詞版既兒歌，佢就好快笑返！而家亞仔係街好主動同街坊打招呼，早晨，叔叔，姨姨，byebye，又主動自己換鞋，返屋企自己坐低除鞋除襪放好，在家食飯不用餵，自己食得好好！(出街食飯就自己食上半我餵下半，因為太唔專心食了，一直想玩) 玩完玩具都有收拾 (不能期望可以像大人般收拾，但亞仔都會將玩完既玩具放返入架)。

講左咁多好野，都一定有缺點的！小朋友在育嬰園係非常極之容易染病的！在職媽咪要有 back up，萬一bb病了，可否請假自己照顧，還是請四大長老幫忙，因為小朋友一發燒會被隔離，學校會打電話給家長盡快接走，防止病菌散播，學校會建議家長帶小朋友睇醫生，病好了退燒後48小時，要帶小朋友覆診，有醫生證明痊癒才可再返學的，在病途中，老師都會打給家長了解情況，因為萬一爆發傳染病，最嚴重學校要停課大消毒的！我仔這20個月內就中過腺病毒(野埋比我同老公tim

要奶奶黎照顧我們一家三口)，手足口，流感。差唔多個個月都要睇醫生，次次睇兒科都2次起跳，最嚴重果次係手足口，病足10日，亞仔睇左4次醫生！亞仔班同學有一半都中左！(師生比例1:8，通常2班一齊活動的，即16個小朋友同一班有2個老師照顧) 攪到學校要大消毒

但一般育嬰園病過既疾病，上到幼稚園會少病好多的。(有少少自我安慰

)

我好明白，對新手媽黎講，選擇育嬰園除了擔心育嬰園是否照顧得好外，還要經得起四大長老，家人，朋友既質疑，佢地會話: 「你好殘忍呀！」「你放心架喇? 」「你咁捨得既?」「育嬰園d細路好慘架！喊都冇人理架！」只係佢地唔知，而家育嬰園的模式如何，但這方面係可以花多d時間，或親身去育嬰園 open day 了解的！

希望以上既分享，可給樓主一d參考資料！

點評

siis

發表於 16-4-23 23:12

siis

發表於 16-4-23 23:11

uscayenne

發表於 16-4-23 08:40

caca129

發表於 16-4-22 18:35

私人傳訊

mysesame

別墅

積分: 690

8^#

發表於 16-4-22 15:55 |只看該作者

mrslo121212 發表於 16-4-22 15:14
我仔而家返緊育嬰園，想同樓主分享下！

亞仔由3個半月大開始返園，到現在2歲了，老師一直照顧得 ...

想問下真係無人理bb喊的嗎？

私人傳訊

old_viki

積分: 1422

9^#

發表於 16-4-22 16:19 |只看該作者

mrslo121212 發表於 16-4-22 15:14
我仔而家返緊育嬰園，想同樓主分享下！

亞仔由3個半月大開始返園，到現在2歲了，老師一直照顧得 ...

新手媽媽, 想請問你返緊邊間, 點樣可search到資料和口啤好唔好? Tks!

私人傳訊

Ytfc

伯爵府

積分: 18744

10^#

發表於 16-4-22 17:04 |只看該作者

mrslo121212 發表於 16-4-22 15:14
我仔而家返緊育嬰園，想同樓主分享下！

亞仔由3個半月大開始返園，到現在2歲了，老師一直照顧得 ...

係呀，我一同人講想去育嬰院，啲人就以為我掉佢去孤兒院

但我上網睇育嬰院啲評價其實真係好好，肯定好過好多工人/長老湊

點評

uscayenne

發表於 16-4-23 08:45

私人傳訊

mysesame

別墅

積分: 690

11^#

發表於 16-4-22 19:00 |只看該作者

Ytfc 發表於 16-4-22 17:04
係呀，我一同人講想去育嬰院，啲人就以為我掉佢去孤兒院

但我上網睇育嬰院啲評價其實真係好好， ...

我都係，佢地個個都話叫俾長老湊，我驚寵壞，同埋係屋企日日對住老人家乜都學唔到。我依家自己湊緊，排緊育嬰院

點評

uscayenne

發表於 16-4-23 08:46

私人傳訊

積分: 84

12^#

發表於 16-4-22 23:38 |只看該作者

回覆：mysesame 的帖子

老師會睇咩情況。。。

每個新生返育嬰園都有1個月適應期的，會循序漸進由2個鐘加下加下至返全日，最經常喊係初初果2~3個星期，bb未熟悉環境和老師，感覺冇安全感就容易喊，可能我仔3個半月就入園，未識認人就返學，所以冇點喊過，仲縮短左1個星期適應期，我反而覺得個適應期係比我架！等我適應下放手比個仔返學！(第1日雙手交比老師抱入去，果個感覺好唔捨得呀！我自己適應左1個星期，就冇野lu)

有小朋友會大d，6個月以上才入學，可能適應既時間要長d，但比點信心自己既孩子，佢地會適應到的！

有時，小朋友熟悉左環境同老師，仍然會冇病冇痛無端端扭計喊的，老師會先了解咩事，如果只係扭計，就會由得佢喊一陣，再安慰佢或引開佢注意的。好似我仔放完幾日長假，返親學都喊幾日的(因為放假去街玩得太開心，要痴實媽媽再去玩，經常發生的！) 由入學校門口就開始爆喊，唔肯行入班房，要老師抱入去繼續喊，我知老師會由得佢喊一陣，等佢發洩完嬲完，就用其他物件引開佢注意，又或佢見到同學仔玩緊，就好快收聲一齊玩，我個人非常認同呢個處理方法，我覺得唔可以一喊就又抱又氹的！

題外話，我覺得不要太緊張bb喊，bb一喊你就抱起佢，即係你教佢「要抱就喊喇！一喊就會抱架喇~」咁你就大獲喇！bb喊可能係肚餓，要換片片，又或想有人陪下，但唔一定要抱的！我仔初生至返學前，主要時間都瞓係床仔度，只有食奶換片沖涼才抱起的(其實都抱得唔少，差唔多2~3個鐘就要抱一次了！) 其餘時間在床上玩同瞓覺，bb係bb床瞓我係我張床瞓！我體諒四大長老鍾意抱孫，但盡量不要比bb嘗試到抱住瞓，只要你諗一諗晚晚要你抱住才肯瞓，你會幾辛苦? 坐月極之需要休息的！

仲有，萬一育嬰園有位入，老師唔會幫你抱住瞓的，你bb適應期可能喊得更厲害，和需要更長適應期，仲會影響埋其他bb瞓覺，辛苦了大家~

點評

uscayenne

發表於 16-4-23 08:46

私人傳訊

積分: 84

13^#

發表於 16-4-22 23:42 |只看該作者

引用：Quote:mrslo121212 發表於 16-4-22 15:14

原帖由 old_viki 於 16-04-22 發表
新手媽媽, 想請問你返緊邊間, 點樣可search到資料和口啤好唔好? Tks!

我會pm你，我仔返邊間，但口碑好唔好其實我都係靠呢度，前人既分享咋！所以我而家都上黎分享比各位準媽媽知，希望資料有用

點評

uscayenne

發表於 16-4-23 08:46

私人傳訊

積分: 84

14^#

發表於 16-4-23 00:06 |只看該作者

引用：Quote:mrslo121212 發表於 16-4-22 15:14

原帖由 Ytfc 於 16-04-22 發表
係呀，我一同人講想去育嬰院，啲人就以為我掉佢去孤兒院

但我上網睇育嬰院啲評價其實真係好好， ...

其實奶奶都想幫我湊的，但我同老公都擔心奶奶年紀大，怕佢辛苦，而我地又唔放心請姐姐照顧，怕出事，好姐姐可遇不可求呀！

當我上網 search 到有育嬰園這個方案，再睇左好多前人分享，就同老公商量，估唔到老公舉腳讚成，覺得超級好，我有個強大支持就那那聲報名先，再慢慢說服四大長老，公公婆婆以觀望態度，覺得我形容得咁好就試試吧… 嫲嫲最唔捨得，但都冇阻止我們交育嬰園照顧，到現在亞仔已經2歲，雖然嫲嫲口硬話比佢照顧會更好，但聽得出她很滿意亞仔的日常表現，不容易扭計，不用餵飯自己坐定定自己食，入屋自動自覺坐下除鞋放好，最重點係嫲嫲帶出街遇到街坊，亞仔主動叫婆婆，伯伯，hi，byebye，又好笑容，氹得嫲嫲好開心！

至於自己班媽咪級朋友呢～時間可以證明一切，要比d信心自己，我所有朋友都話我殘忍，我一於好少理，相信自己既選擇，信任學校，好重要的！

私人傳訊