hugoma2015 發表於 16-6-23 23:23
對了,ROSE版主,我有朋友話宗主同皇帝最後果場對話,皇帝講我有帶你放風箏果度,宗主有留眼淚(流出眼眶) ...
我特登翻睇多次,我都見唔到宗主有流眼淚,佢係一泡眼淚喺眼眶入面盪下盪下,忍住唔流落嚟,佢聽到梁帝話唔俾林殊再出現於朝堂之上,已經眼紅晒,答應之後佢其實都忍唔到,拎轉身走時眼淚都標緊出嚟,深呼吸忍番落去。
我覺得梁帝一半一半,佢最後果段說話都未必係假意,佢應該明白同赤焰平反係林殊要嘅,佢連自己唔可以變番林殊身份都答應,就知佢幾在乎重審雪冤,人垂垂老矣,對於親情舊愛既戀棧又敏感,靜妃之前一番說話其實都講中梁帝,我估佢成日夢見宸妃、林燮同祈王,佢除咗有D愧疚外,佢面對唔到自己,亦都驚死,自己其實就係冤死所有人嘅罪源,靜妃靖王未必完全知道,宗主都未必會講清楚俾佢地聽,罪魁禍首其實就係梁帝,不竟都係親父子。最後我覺得梁帝有D愧悔,佢面對林殊,其實林殊代表嘅就係宸妃、林燮同祈王,七萬赤焰軍於佢只係一個數字,佢唔會在乎,但宸妃、林燮同祈王呢幾個名字對佢係咒語,無時無刻唔係提醒佢自己有幾錯有幾小人。
花旗太太生活在花旗國,留意時差,你問我未必即時答到。