hugoma2015 發表於 18-12-17 21:47
講起編劇導演,我想講下最近一D改編劇,我覺得越貼近原著,越成功。果D“魔改劇”,改到連原著黨都唔認得的 ...
最近睇咗幾本丁墨小說:你和我的傾城時光、莫負寒夏、慈悲城,而家睇緊美人為餡。事緣係因為睇傾城時光,初初十集都好睇,睇到廿幾集就開始好唔掂,有書迷話改到七彩,某加入女二加戲改導將自己同男二變成戲份多過男一女一,於是我去睇下書啦,發覺劇改動極大,大到男一金瀚由高智商高情商變成靠兩個女人幫至成功加誤打誤撞同被算計,成個人設都變晒,女一趙麗穎好彩都唔算改動得太差。好好一套網絡小說照原著已經會好好睇,而家變成半爛同俗不可耐。
由於傾城小說入面哥哥林莫臣幾正,我再睇埋以佢做男主嘅莫負寒夏,仲好睇,我開始諗如果開拍,邊個可以做男一女一呢?答案係未諗到,因為林莫臣開始時係好自負,又睇唔起女主木寒夏,木寒夏由痴情窮家女變成女商業專才,暫時真係諗唔到邊個可以演到。之後一套慈悲城,年少早戀之後黑幫恩怨情仇,又係冇一個可以形象化嘅可以代入嘅演員組,希望唔好有人改編,到時又鬼五馬六。
花旗太太生活在花旗國,留意時差,你問我未必即時答到。