今時今日買一手樓真係要攞番90%佣金回扣

chan291378
|
本帖最後由 chan291378 於 18-11-9 22:26 編輯

今時今日買一手樓真係要攞番90%佣金回扣(係合法, 合情, 合理嘅, 經紀係冇資格攞多過10%), 班發展商都發神經嘅, 情願張啲錢倒落海都唔願減價, 買家唔攞番90%佣金回扣真係對自己唔住。

依家班經紀嘅回扣紙好蠱惑, 話要簽齊四個名先有效, 大家唔駛理佢, 叫佢哋全部刪除果啲蠱惑條款, 仲要chop埋公司, 如果唔係就搵個第二個經紀。

依家有部份發展商俾成 5 or 6%佣金去賣樓, 真係發神經, 班經紀係唔會同你講發展商俾幾多佣㗎, 所以大家要識爭取, 要簽好份回扣紙, 寫明回扣金額為發展商佣金90%或某個百份率, 以較高者為準, 如果有問題就問吓律師意見, 可以叫律師同你起草份回扣紙都得㗎, 其實好少事好簡單㗎咋!!!! 唔一定要用經紀嗰份㗎!!! 個經紀唔簽你立刻搵個第二個, 我可以話俾你聽佢一定會簽(記得叫佢chop 番公司印), 你估佢傻㗎!!!!!


提吓大家:

唔係回佣, 係《回扣》

大家可以向三, 四個經紀要求回扣紙, 邊個最快提供一份合你心意, 簽署妥當, chop埋公司印又冇蠱惑條文嘅回扣紙, 你咪揀邊個囉!! 經紀係冇理由唔俾張簽妥嘅回扣紙俾你㗎, 因為即使你有回扣紙, 如果你最後冇買樓, 經紀係冇任何損失㗎!!!

大家要記著, 經紀簽完名, chop 完印, 冇問題嘅大家最後先簽名, 你係買家你先係老闆!!

........大家記著揀咗經紀, 收咗已簽妥嘅回扣紙, 然後先去發展商做登記做手續, 千祈唔好俾個經紀先挾咗你去發展商做手續, 到時你仲點攞番八, 九成回扣!!!!
發展商既然想去貨就應該直接減價, 而唔係加佣加到5-6%, 又要市民同班經紀攞番, 麻Q煩!?!?

20160611: 各位大哥大姐, 買樓一定要早作準備, 一星期前到售樓處攞資料, 攞埋十張八張經紀卡片, 然後睇吓邊個經紀最快攞到張冇問題嘅回扣紙俾你, 睇清楚張回扣紙, 上面嘅條款係你定, 唔係佢定嘅, 你先係老闆!!!

4月12日 後加

大家可以將條文以附件形式附加於回扣紙上, 並於回扣紙上加上一句:

[本文件有附加部份, 附加部份為重要部份, 如本文件與附加部份有任何衝突, 將以附加部份優先。]

(另紙書寫)

附件

回扣金額為1.8%樓價 (假如佣金係2%) 或 回扣金額為發展商發放佣金百份之九十, 以較高者為準。 即係話如果發展商最後俾3%樓價做佣金, 回扣金額就係3% x 90% =2.7%樓價; 如果發展商最後俾10%樓價做佣金, 回扣金額就係10% x 90% =9%樓價, 如此類推。

地產經紀需提供發展商因為上述物業買賣而付予地產經紀之佣金詳細資料, 亦需向物業買家提供副本以茲證明。如地產經紀未能提供副本以茲證明, 需向物業買家繳付1%樓價以作賠償。
2018/11/9

依家個市回落中, 各大發展商可能會用高佣金俾地產代理搵客, 講唔定用20%至30% 樓價做佣金, 所以大家要小心, 班經紀係唔會同你講發展商俾30%樓價做佣金嘅!!

我建議各位在回扣紙上寫明回扣金額為樓價30%(除非經紀可提供明確證明發展商給予佣金數目則除外, 例如發展商實際給予佣金為20%樓價, 則回扣金額便為18%樓價, 如此類推), 即回扣金額為30%x九成回扣=27%樓價金額。

發展商為咗保住樓價在高位, 情願倒錢落海, 都唔願面價減俾市民, 做生意就係咁㗎喇!!

呢啲叫先小人, 後君子, 唔好相信地產代理簡單話回九成或者某個百份率, 你就信以為真。 如果發展商真係俾30%樓價做佣金, 你估地產代理會唔會同你講真話!!??

大家可以將上面第二段文字寫落回扣紙上, 以保障大家權益。如果地產代理唔提供發展商實際佣金數目, 佢哋就要俾30%樓價×9成回扣, 即係27%樓價做回扣數目。當然, 如果各位認為發展商會誇張到俾50%樓價做佣金, 咁大家咪寫50%囉!!

大家係咪覺得同發展商買樓係一場鬥智鬥力, 你死我活嘅角力遊戲, 事實就真係咁樣! 所以大家要做足準備, 買樓之前要用一年時間做準備, 祝大家好運!!



點評
大戶    發表於 16-9-11 12:33
Ah_Mi    發表於 16-6-9 22:05
belovedgisele
|
chan291378 發表於 16-6-9 17:07
今時今日買一手樓真係要攞番90%佣金回扣(係合法, 合情, 合理嘅, 經紀係冇資格攞多過10%), 班發展商都發神經 ...

可以嫁咩?咁d錢點回番比你?
ismandy
|
原帖由 chan291378 於 16-06-09 發表
今時今日買一手樓真係要攞番90%佣金回扣(係合法, 合情, 合理嘅, 經紀係冇資格攞多過10%), 班發展商都發神經 ...
多謝分享!

有公司印會穩陣啲。

喧嘩
|
回佣,犯法架喎,雖然好多人咁做

TaiLoBo
|
chan291378 發表於 16-6-9 17:07
今時今日買一手樓真係要攞番90%佣金回扣(係合法, 合情, 合理嘅, 經紀係冇資格攞多過10%), 班發展商都發神經 ...


有時發展商話員工有幾多折, 呢個折就係比AA佣%.

一定要問回佣, 唔問就笨

bubebe
|
但唔係果個經紀跟你幫你買到就要用番佢既咩?簽左臨約仲可以轉?講緊揀樓到簽臨約果度係好短時間架炸喎
ismandy
|
原帖由 喧嘩 於 16-06-09 發表
回佣,犯法架喎,雖然好多人咁做
無人叫你係張紙寫回佣嘛。換個名就得喇!

喧嘩
|
原帖由 ismandy 於 16-06-09 發表
無人叫你係張紙寫回佣嘛。換個名就得喇!
我果次買半樓花,係agent 幫我入左票先有得揀樓,仲要係佢帶我先入到場喎,咁點換agent ? 果次仲要係多人到插針都唔入,agent迫入前少少個位,到我地就嗌出黎咩單位,幾錢,三十秒決定買層樓,唔要就next

ismandy
|
原帖由 喧嘩 於 16-06-09 發表
我果次買半樓花,係agent 幫我入左票先有得揀樓,仲要係佢帶我先入到場喎,咁點換agent ? 果次仲要係多人到 ...
預先簽好“回佣”紙。如果即場睇,又得幾十秒做決定,咁梗係做唔到。事前唔傾掂數,簽好紙,簽咗買賣合約就無搲回佣了。

電腦怪傑
|
十幾年前已經係咁,2002年第一次買新樓,同經紀傾好左回1.5%,佢臨場反口,難得我又抵得頸話唔買,最尾佢同行另一個同事冷手執個熱煎堆開口話肯回1.5%,幫襯左個從無跟過既經紀買左。
hl1723
|
多謝分享!
ismandy
|
原帖由 電腦怪傑 於 16-06-10 發表
十幾年前已經係咁,2002年第一次買新樓,同經紀傾好左回1.5%,佢臨場反口,難得我又抵得頸話唔買,最尾佢同 ...
新樓買賣就是咁,好似街市講價,呢個唔回,就下一個,總有肯回的。

jcball
|
請問樓主簽好晒,買埋,d錢點比我哋,同咁做合法嗎?如佢賴皮唔比可點做?唔好意思,咁多問題。
Wongyeung
|
大致上用支票或過數,依兩日打左去中x客戶熱線問,佢地嘅回扣叫[置業禮劵],不用公司印的。成交後,當佢地收到發展商嘅佣金,佢地就會發放置業禮劵,所以成交期後3-6個月先入數。
網上用google見到美x果張,好似要好多人簽名的。

點評
Chirley    發表於 17-3-15 12:07
大茄
|
本帖最後由 大茄 於 16-8-3 20:34 編輯

謝謝分享.


小心尾X .

即 X 連勿熱, 上網找下,

比人唱到爆. 勁無信用.
choi2015
|
大茄 發表於 16-8-3 18:55
謝謝分享.

死了,我就系穩左美X.入票前,距話發展商未公布回幾多,距當時入票前張回佣紙只系得距簽名,同公司蓋章,同寫左50%呢幾個字,距答應我回佣金的50%給我,同距一人一半,我抽.豐連,有冇人知道呢個盤回幾多?
大茄
|
choi2015 發表於 16-8-3 20:22
死了,我就系穩左美X.入票前,距話發展商未公布回幾多,距當時入票前張回佣紙只系得距簽名,同公司蓋章, ...
睇網上留言, 呢間野要什麼董事簽名, 要成4 個簽名, 得AA 一個簽比你, 佢到時會話上頭唔批, 無效架........


Daeng
|
大茄 發表於 16-8-3 20:26
睇網上留言, 呢間野要什麼董事簽名, 要成4 個簽名, 得AA 一個簽比你, 佢到時會話上頭唔批, 無效架........
...

呢間嗰朵已經...
大茄
|
Daeng 發表於 16-8-3 20:32
呢間嗰朵已經...
正是.......


|
好似有2.5%回扣呀...
你而家唔問佢,到買左之後先問,就咩都無啦
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽