懷孕前後今日: 7|主題: 329759

收藏本版

發帖

返回列表

跳至頁

查看: 5240 | 回覆: 2

陪月蓮姐- 請小心（1） [複製鏈接]

hovivs72081

別墅

積分: 603

1^#

發表於 16-7-6 01:03 |只看該作者 |倒序瀏覽 |打印

遲疑左好耐究竟要唔要寫呢，因為係親戚介紹真係好為難，但成日看呢個版面，暫時未見過比她更差既陪月同埋唔想再有人受害。陪月蓮姐(電話625X 008X。)住港島區。

我2015年8月有左後，想搵3個月24小時陪月，搵左朋友用開既陪月，但唔好彩係11月度打算簽約既時候左右，本身個朋友既陪月輕微中風，唔能夠再湊嬰兒，所以要另外搵個個。

係2015年11/12度，親戚介紹左她個陪月蓮姐比我，我當時心急，又係第一個bb，完全無經驗，自己確實無好仔細問蓮姐她既做事方法及亦無問她有無食煙，見她好似好誠懇又話代茶姜水沖涼又自願介紹及幫我買bb用品，而我又只係一心想盡快搞掂呢件事，所以就好快同她簽約，個時我已經決定左開刀仲定埋日子（2016年4月30日），所以合約係3個月，2016年5月1日開工，比左3個月人工既總和既30%既deposit。

以下係我認為呢位陪月蓮姐非常唔掂既地方：

1. 簽約後，陪月主動發相話幫我買某一隻奶樽消毒器同放奶樽的盒子，我話ok。到到2016年4月頭，我主動約她來我屋企交低個奶樽消毒器同放奶樽的盒子同埋看下屋企有無野要買既，她話自己仲返緊另外一個媽媽度要遲d，我話無問題。結果奶樽消毒器同放奶樽的盒子係我出院後第3日先來到我屋企。期間她無一日有時間來教定我住院個幾日餵奶點啊，代茶點啊或者交低奶樽消毒器同放奶樽的盒子比我。BTW她幫我買個個消毒器係之前消委會話漏電既牌子其中一個。至於點解會3日後，請看第3點。
2. 我入院，bb如期出世後，即刻message她，她又回話會來醫院探我又話已經準備好照顧我同bb。結果，代茶係我阿媽準備既，話來看我個日無黎亦無message, 只係無左影，到我第日打電話比她，她又話之前個bb個新陪月整親個bb所以無來。