吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 俾姑仔粗口罵完, 搬了5日之後, 下文................... ...

婆媳關係今日: 0|主題: 27694

收藏本版

發帖

返回列表

跳至頁

樓主: leopak

俾姑仔粗口罵完, 搬了5日之後, 下文........................... [複製鏈接]

4 567 8...9

leopak

伯爵府

積分: 19075

101^#

發表於 08-11-10 16:35 |只看該作者

原文章由 honeybear0207 於 08-11-9 01:40 發表
樓主：

你都三十幾歲人啦，我覺得你唔止係只我中心，仲好無腦！

你覺得你姑仔鬧你唔啱，咁你鬧佢無家敎，咪一樣＝鬧人全家，當時仲要你老公同奶奶都在場，你覺得你姑仔唔專重你，咁你鬧人無家敎，又好專重你奶奶同老公咩？

換個角度睇，如果 ...

你有無攪錯呀, 你覺得我唔岩, 都唔駛鬧我"無腦"嫁, 我同你只不過係平水相薘, 你有無過份d呀?

私人傳訊

leopak

伯爵府

積分: 19075

102^#

發表於 08-11-10 16:39 |只看該作者

原文章由 ABBC 於 08-11-9 02:55 發表

你真係講得非常之好呀..!!講中哂我心聲~!!同埋如果樓主話福建人重男輕女既話,我無記錯既話,樓主你唔係生左果個係女黎架咩?無地位果個應該係你喎...人地話哂都係親生女~要講親都係個妹同個女親喇~你咁樣話人...人地 ...

你錯喇, 我奶奶仔女都錫嫁, 因為我肯生, 已經叫做對佢家有個交代. 佢地思想無咁古老嫁.

私人傳訊

leopak

伯爵府

積分: 19075

103^#

發表於 08-11-10 16:44 |只看該作者

原文章由 可樂魚 於 08-11-9 11:59 發表
睇完全部回應我都忍唔住要講一句啦.

好多媽媽已經講出重點: 樓主太過重視自我, 自視過高, 明顯太嬌嬌女, 乜都要人地遷就佢, 凡事太自我中心, 而且最過份鬧姑仔"冇家教", 姑仔得罪妳, 但老爺奶奶冇得罪妳啊? 如果我 ...

我無講過我無錯, 不過, 我有同奶奶道歉嫁, 只不過叫我睇在佢面份上唔好嬲佢個女, 我當然做唔到啦, 因為實在太心刻.

私人傳訊

leopak

伯爵府

積分: 19075

104^#

發表於 08-11-10 16:49 |只看該作者

原文章由 alik 於 08-11-9 13:24 發表
其實你唔鍾意佢咁樣飲湯法, 你咪唔好飲那大碗湯囉, 一係你先裝左落自己碗, 佢之後鍾意點飲都唔怕(我自己都係咁做, 奶奶鍾意"選"筷子之後用來逐碟撩勻d餸, 佢幾十年都係咁做, 我在佢屋企係飯, 佢係主人, 我會由得佢, ...

如果佢當初叫我去住個時, 要我接受埋佢地d生活習慣, 我就唔去啦.

最衰老公開頭有話我做番自己就得, 唔駛理佢地, 而家又咁, 先煩.

私人傳訊

leopak

伯爵府

積分: 19075

105^#

發表於 08-11-10 16:50 |只看該作者

原文章由 jin9 於 08-11-10 09:28 發表
其實件事跟本係你小事化大
我之前飲緊碗湯,我姑仔成隻"匙更"插入黎飲都係咁啦~

嘩, 你當時嬲都無呀? 面黑呢?

私人傳訊

leopak

伯爵府

積分: 19075

106^#

發表於 08-11-10 16:54 |只看該作者

原文章由 wawamama 於 08-11-10 13:37 發表
睇完真係O晒嘴。樓主...你好勁。

原來....

可以響人屋企當住D長輩鬧人地個女冇家教。
可以響人屋企要人人一定要就曬自己。

太厲害了。你既女以後都會係咁，係咪？

希望我個仔唔好識到咁既人。阿們。 ...

如果佢唔係用"粗口"鬧我, 我做乜激到哭晒口, 話佢先.
所以我有同奶奶道歉嫁.

私人傳訊

alik

公爵府

積分: 25507

107^#

發表於 08-11-10 17:17 |只看該作者

原文章由 leopak 於 08-11-10 16:49 發表

如果佢當初叫我去住個時, 要我接受埋佢地d生活習慣, 我就唔去啦. 最衰老公開頭有話我做番自己就得, 唔駛理佢地, 而家又咁, 先煩.

我咁講你會話我唔啱聽:

咁唔通你想全屋人為左你1個人改變生活習慣咩? 你做番自己就得? 咁你即係在家都係鬧你屋企人架? 咁你咪即係都無家教?

俾我, 我住o係人度, 慢慢都會入鄉隨俗, 去接受佢地既嘢. 佢地都要適應你入侵佢地屋企. 你知去錯地方, 咪搬番出來囉, 無乜大不了.

私人傳訊

leopak

伯爵府

積分: 19075

108^#

發表於 08-11-10 17:25 |只看該作者

原文章由 alik 於 08-11-10 17:17 發表

我咁講你會話我唔啱聽:

咁唔通你想全屋人為左你1個人改變生活習慣咩? 你做番自己就得? 咁你即係在家都係鬧你屋企人架? 咁你咪即係都無家教?

俾我, 我住o係人度, 慢慢都會入鄉隨俗, 去接受佢地既嘢. 佢地都要適 ...

唔係呀, 我當然唔會無啦啦鬧屋企人啦, 係生完之後, 樣樣事都忍唔到而爆發出來. 老公又話佢地無乜野既, 點之相處落就另一回事, 可能老公慣左Law, 因為佢話成家都俾佢個妹用粗口鬧過, 係基於我係新加入唔慣喎, 我當堂眼都突埋.

私人傳訊

edea

王國長老

積分: 119066

王國長老

109^#

發表於 08-11-10 17:44 |只看該作者

原文章由 leopak 於 08-11-10 16:35 發表

你有無攪錯呀, 你覺得我唔岩, 都唔駛鬧我"無腦"嫁, 我同你只不過係平水相薘, 你有無過份d呀?

唔...或者大家意見唔同,不過字眼上小心d啦,唔好有人身攻擊成份, thank you!

我唔係經常上BK, 想搵我嘅朋友請email: [email protected]

私人傳訊

wawamama

大宅

積分: 2807

110^#

發表於 08-11-10 18:50 |只看該作者

原文章由 leopak 於 08-11-10 16:54 發表

如果佢唔係用"粗口"鬧我, 我做乜激到哭晒口, 話佢先.
所以我有同奶奶道歉嫁.

如果係被人激親...係，係會衝口而出講一D類似既說話，不過之後還得意洋洋將件事公告天下....樓主你唔覺得有咩唔妥嗎？

雞毛蒜皮野搞咁大...真係好本事囉。我甘拜下風。

laughin' to keep from cryin'

私人傳訊

PCCW2319

水晶宮

積分: 67993

111^#

發表於 08-11-10 20:21 |只看該作者

原文章由 leopak 於 08-11-10 16:54 發表

如果佢唔係用"粗口"鬧我, 我做乜激到哭晒口, 話佢先.
所以我有同奶奶道歉嫁.

你話奶奶冇家教, 咁嚴重, say sorry 佢就原諒你,因為佢知你

, 你沖口而出.

咁點解你唔可以體諒&原諒你姑仔呢 ? 佢都係比你用不禮貌說話鬧佢, 所以佢咪

& 沖口而出law

其實你姑仔唔駛買你怕架, 你只不過係佢哥哥既女人, 佢冇欠你d乜. 佢肯say sorry, 除左佢知自己有d唔岩外, 好大程度上係

你99 & 老公, 唔想佢地難做.

而你仲set 咁多規舉,真係難為你99 &老公咁

你.

而且, 從呢件事睇得到你奶奶係 "好有家教" & 邊D人唔受教.

天空之城, 快樂之地

私人傳訊

wmpl

大宅

積分: 3000

112^#

發表於 08-11-10 20:21 |只看該作者

樓主,

我認為,而家唔係你同你姑仔之間嘅問題,而係你自己首先要同你99同你老公道歉,你一開口就話人哋冇家教,但係佢哋都可以一開始就放低自己同自己家人嘅尊嚴,,同人類天生有血緣為先嘅人性觀念,叫自己個女要個自己妹同你認錯,而家仲主動提議要向你斟茶認錯,你都唔惜福,仲將自己嘅不滿不斷擴大,只係着眼於當時件事係令到你幾咁震驚難過,但係又唔真正為佢哋嘅處境難堪,令到愛錫你嘅99同你老公難過,咁你係咪有啲不近人情呢??當時你嘅說話同反應,唔通對於你99同你老公又一啲都唔震撼咩??咁佢哋有冇因此而不斷埋怨你??

我唔清楚你姑仔係點嘅人??同佢之前同你有咩過節??但係你唔識分開事情嚟睇,將好多嘢都"乸"埋一齊嚟講,令你更加唔開心嘅係你自己,就算你姑仔係你所講嘅咁差,都唔見得你就可以咄咄迫人,你咁樣,我覺得你比你姑仔更加過份,你有冇諗過,你99有個咁嘅女係幾咁難堪??你老公有個咁嘅妹係幾咁激氣??佢哋自己都受好多你姑仔嘅氣,但係為咗家庭和睦都要忍受!!

或者佢哋嘅處理方法都係錯,但唔見得你咁樣講嘢係啱,你自己都有個女,你有冇想像一下,你係冇可能樣樣事都控制到佢?佢如果當眾做出一啲令你難堪嘅事?而你因此仲俾其他人當眾話你冇家教?你會有點嘅感受??

唔好再喺道又講乜嘢道理同你嘅感受,只會兜兜轉轉沒完沒了,根本又始至終都唔係講道理,只係講你嘅個人感受,如果就哩件事而要講道理嘅話,我可以好肯定講一句,你一開始就錯晒,亂咁批評人哋家人,仲要當住人哋阿媽面前話人哋個女冇家教,試問你的道理何在??

講人情,你都應該係大輸家,講感情,你又有乜嘢及得上人哋一家人?有乜嘢可以令你99同你老公同你講感情先??而唔同自己有血緣關係嘅人講先???咪就係因為你好幸福,你有一個明白事理嘅99同老公,仲幫理不幫親咁撐你,你唔着眼及珍惜哩啲比你啖氣重要得多嘅事實,而去同你姑仔斤斤計較,要同佢鬥氣,令到你99同你老公都咁難做,我真係唔該你好好咁自我反省吓!!

大家本來見你啱啱生完又仲咁細個,都好體諒你,都仲係好言相勸,但係得罪都要講句,你份人好似係都要"敬酒唔飲要飲罸酒"勸就好多人都好好咁勸過,好直接咁話你都有人話過,但係點解會由一開始,哩個topic 大家都係好言相勸,而演變成而家會俾人直接駁斥??你到底有冇真正咁去諗過?!

坦白講句,無論勸你同話你嘅人嘅意見,都只會對你有益無害,你係都要咁執着咁去做人,唔開心嗰個唔係我哋,被破壞嘅婆媳同夫妻關係更加唔係我哋去承受,之後要點去處理,悉隨尊便!

[ 本文章最後由 wmpl 於 08-11-10 20:26 編輯 ]

私人傳訊

prettylamlam

民房

積分: 28

113^#

發表於 08-11-10 22:38 |只看該作者

原文章由 wmpl 於 08-11-10 20:21 發表
樓主,

我認為,而家唔係你同你姑仔之間嘅問題,而係你自己首先要同你99同你老公道歉,你一開口就話人哋冇家教,但係佢哋都可以一開始就放低自己同自己家人嘅尊嚴,,同人類天生有血緣為先嘅人性觀念,叫自己個女要個自己妹 ...

說得真好,一家人相處不能事事只顧自己的感受.
我覺得樓主奶奶的個人教養和家教非常好,
樓主真的要好好向自己奶奶學習,這有助提升個人修養以及令自己有足夠修養教導下一代.

私人傳訊

jin9

男爵府

積分: 8393

hashtag影視迷勳章

114^#

發表於 08-11-10 22:44 |只看該作者

原文章由 leopak 於 08-11-10 16:50 發表

嘩, 你當時嬲都無呀? 面黑呢?

一定有小小架~但係62,99,c6都係到,又唔係好大不了姐~

私人傳訊

jin9

男爵府

積分: 8393

hashtag影視迷勳章

115^#

發表於 08-11-10 22:48 |只看該作者

樓主~講真你都咁大個人,應該識得大體!!
我今年得20歲都識,你無理由呢d咁既門面野都做唔到掛~
我都唔係好中意我姑仔,不過始終自己人!
要比起既,佢可能比你個姑仔更衰~

私人傳訊

路人甲123

民房

積分: 43

116^#

發表於 08-11-10 22:56 |只看該作者

看完樓主的回覆,更加可以肯定佢眼中只係有自己既感受,仲要將自己既感受大大放大,希望將自己既過份變成合理.
過份就係過份.
好好認清自己既錯誤,唔好只係覺得自己感受大曬

私人傳訊

honeybear0207

子爵府

積分: 11324

好媽媽勳章醒目開學勳章畀面勳章環保接龍勳章大廚勳章

117^#

發表於 08-11-11 00:22 |只看該作者

我一啲都唔覺得話你“無腦”係過份，成件事攤開嚟睇：

1. 係你攞“大嫂”款，你唔係第一日嫁入呢個家庭，第一日同你姑仔同枱食飯，我估計佢都Ｎ咁多次用佢自己對筷子夾湯渣食，點解呢次你覺得咁有問題而要出聲話佢呢？我諗係冰封三尺，非一日之寒，你哋之間有太多積怨，你先會出口“敎訓”人哋個女！

2. 就算你覺得佢真係有唔啱，咁你同佢都三十幾歲人，大人大者，換轉佢當面咁樣敎訓你，你又覺得無問題，甘心受敎嗎？

3. 佢有乜嘢錯都好，人哋有啊媽在堂，人哋啊媽都未出聲，幾時到你開聲敎訓人哋個女呀？就呢點都睇得出真正“無家敎”嗰個係邊個啦！

4. 如果你個女第日有乜嘢做錯，你某親戚當你面鬧你個女無家敎，你會覺得無問題，鬧得好嗎？你一啲都唔會覺得呢位某人好過份咩？

5. 雖然你好憎你姑仔，但係你講明唔俾佢掂你個女，唔俾佢去你屋企，咁即係你話哂事，唔使理你老公有乜諗法啦，實情係點我唔知，但想同你姑仔斷絶來往嗰個係你，我諗你老公未至於會同你有一樣既諗法，會咁對自己個妹掛！

6. 你話想呢世都唔見個姑仔，咁係你個人意願，並唔代表埋你老公同個女既意願，佢哋同你姑仔都係至親，你咁樣，一啲都唔理佢哋既感受，唔通你想敎到個女唔專重個姑姐？

私人傳訊

ABBC

子爵府

積分: 13529

118^#

發表於 08-11-11 00:48 |只看該作者

唉~~我真係o係樓主身上~見識過咩叫做對牛彈琴!!佢呢個人太自我喇~仲要覺得自己好o岩果隻..!大家真係唔好再回應佢喇~佢都唔知係咪有問題果o的黎

同埋樓主~好心你啦,你講到你99咁好..但係你自己又咁衰~你會唔會覺得自己好矛盾呀??唔錫自己親生女,錫你呢個自以為是,隻眼生o係頭上面既超大牌新抱?
如果係真既話,有問題果個唔係你..係你99同你老公~!

私人傳訊

sandy1425

珍珠宮

積分: 41032

好媽媽勳章大廚勳章

119^#

發表於 08-11-11 09:46 |只看該作者

原文章由 honeybear0207 於 08-11-11 00:22 發表
我一啲都唔覺得話你“無腦”係過份，成件事攤開嚟睇：

1. 係你攞“大嫂”款，你唔係第一日嫁入呢個家庭，第一日同你姑仔同枱食飯，我估計佢都Ｎ咁多次用佢自己對筷子夾湯渣食，點解呢次你覺得咁有問題而要出聲話佢呢？我諗係冰封三 ...

講得好