婆媳關係 今日: 2 | 主題: 27699

積分: 101

1^#

發表於 16-9-18 02:35 |只看該作者 |倒序瀏覽 |打印

最後5日，就可以離開呢個鬼地方，唔駛再見到老公既阿媽同妹(以下稱A係媽，B係妹)，要出呢個po既原因係我同A呢幾日越黎越多磨擦，佢不停做啲小動作不停搞不停搞，我唔知呢幾日會發展到咩地步，我真係好嬲好憎佢地!我只知我永遠都唔會比佢再見個孫一眼!

我喺呢個地方同佢地生活左三年，一開始我同B已經大家互不來往，但我做媽媽既見到佢會疼錫我囡，所以我都冇阻止佢地既交流，直至我同A既關係轉差我都冇太大阻止。B由一開始已經做好多小動作要令到我同A既關係變差，佢曾經有講過A點解要咁就我地三個，而唔就佢，因為A一向都係錫佢多過錫我老公。

至於我同A，頭一年大家都互相忍讓，A冇直接埋怨我(同老公怨)我冇直接鬧番佢(會鬧老公)，但好多已經種下既因怨終於爆發(因為老公選擇逃避，唔想煩，唔想理)，由第二年開始我同A已經冇再好言相向，冇一齊食飯，我出盡力咁避開A，做媽媽既由個囡細個開始都睇唔到A有疼錫過個囡，甚至係不時會話佢整喊佢(最記得係將個2歲未夠既bb推入咩都冇衣櫃再關門，到而家4歲半都仲會驚)更加唔會有買過啲咩野比個孫，最多只係買過三件街市貨$10蚊件既衫仔同一對拖鞋，所以呢個時候開始，我就唔比個囡同A再有接觸，唔會再要求個囡再叫佢一聲嫲嫲!

之後我老公經常性因為番工唔喺屋企，我同個囡就過住啲遊街既日子，目的就為左避A，佢喺屋企既時候我地就出街，放學喺街食完飯再喺公園玩到過8點先番去，番到去沖完涼就入房做功課，慢慢我既情緒病就屈出黎，經常喊訓唔到教，經常有想死既念頭。直至有一次自己終於頂唔順，打電話去殺瑪莉亞主動要求同社工傾計，社工一路一路都有跟進住我，叫我去睇醫生，同我見面傾同我老公傾，通常佢夜晚會突擊打比我，有試過我情緒好差佢仲會叫我去急証室求助。

當初搬呢間屋係我同A夾份拎錢出黎搞裝修，同因為出面既租金實在太貴，我自己一個人湊囡只可以做份partime幫補一下，就係咁樣一路等到有屋先搬走，今次都係同銀行借錢搬。

呢幾年間發生太多太多事，真係希望時間可以令我同個囡可以淡忘多啲，希望第時可以離補番比個囡同老公既種種關係。

多謝大家比我呻大

點評

Jolin_Yuen

發表於 16-9-19 12:41

0 0 0

私人傳訊

瑤瑤~

珍珠宮

積分: 49369

醒目開學勳章環保接龍勳章 15週年勳章親子王國15週年勳章

2^#

發表於 16-9-18 03:00 |只看該作者

講到咁絕永遠唔俾99見孫, 小心會斷送埋夫妻關係
有時說話唔洗去到咁盡既, 我知道你好嬲佢地, 但除非你c6主動同父母斷絕關係, 否則99永遠都係個孫既麻麻, 呢個係改變不了既事實
如果你c6都支持你呢個決定, 咁當我無講過啦, good luck

私人傳訊

做個靚太

珍珠宮

積分: 48067

3^#

發表於 16-9-18 03:10 |只看該作者

回覆：最後5日都要鬧交!

明白！一句佢始終係bb嘅嫲嫲，就可以唔理你嘅感受？就算你想死都係你嘅事，個孫係佢有份嘅，佢就可以點玩都得，咁尼啲老公真係唔要都罷啦！
你相信暫時需要時間冷靜，依加情緒爆發，一定對佢地恨之入骨，分開冷靜下，慢慢俾時間自己，無得迫，見唔見都好，等你心情好啲先再決定！依加當佢地透明先啦！

私人傳訊

dinner1314

積分: 4884

4^#

發表於 16-9-18 11:58 |只看該作者

poyleung 發表於 16-9-18 02:35
最後5日，就可以離開呢個鬼地方，唔駛再見到老公既阿媽同妹(以下稱A係媽，B係妹)，要出呢個po既原因係我同A ...

都快搬走，當Ａ透明，其他不要理，祝樓主有新開始

私人傳訊

wahiuma

翡翠宮

積分: 94880

5^#

發表於 16-9-18 12:36 |只看該作者

吵埋今次，以後都儘量唔好俾個孫見佢，費事煩

私人傳訊

懿仔媽媽

子爵府

積分: 14657

畀面勳章

6^#

發表於 16-9-18 13:05 |只看該作者

呻下啦,會舒服D架。 FOCUS 落一家一主的日子吧

私人傳訊

Pianistbaby

積分: 2174

7^#

發表於 16-9-18 13:27 |只看該作者

回覆樓主:

我試過調番轉咁諗，如果我老公同我媽反面，我又冇所謂，我自己帶小朋友番去比媽咪見。
講番，如果我同奶奶反面，我會叫老公帶番去比佢見飽佢，但我唔會番去。

私人傳訊

YoYoHello

積分: 4252

8^#

發表於 16-9-18 17:26 |只看該作者

poyleung 發表於 16-9-18 02:35
最後5日，就可以離開呢個鬼地方，唔駛再見到老公既阿媽同妹(以下稱A係媽，B係妹)，要出呢個po既原因係我同A ...

睇左你成段野都唔知你同你奶奶，姑仔因乜事唔岩，更加分唔到誰是誰非。上得黎呻，大部分既jm 都會唔理七廿一撐你，支持你以後同99老死不相往來。'以後唔比99見孫'就係最終極對付99既手段，但個人認為咁樣做好自私。雖然個小朋友係你生，但佢唔係你全權擁有，更加無權唔比佢見佢家族其他成員。小心佢大個懂性後怪番你。唔係否定你係男家受既委屈，個個新抱唔多唔小都受99/男家氣，希望你搬家後有新生活，開開心心，祝福你

私人傳訊

YoYoHello

積分: 4252

9^#

發表於 16-9-18 17:33 |只看該作者

瑤瑤~ 發表於 16-9-18 03:00
講到咁絕永遠唔俾99見孫, 小心會斷送埋夫妻關係
有時說話唔洗去到咁盡既, 我知道你好嬲佢地, 但除非你c6主 ...

Agree

私人傳訊

chowqv

水晶宮

積分: 67400

wyeth冷知識勳章畀面勳章大廚勳章

10^#

發表於 16-9-18 17:40 |只看該作者

回覆樓主:

推個小朋友入衣櫃，已經足夠理由唔會再見；當日唔報警，已經好俾面。

不知所謂的乙陸！！！

私人傳訊

笨nana

積分: 1094

11^#

發表於 16-9-18 18:48 |只看該作者

衣櫃事件發生俾我一定報警，佢地仲可以叫做人？你身為媽媽要企硬保護自己個女！

私人傳訊

mandy952

琥珀宮

積分: 155895

12^#

發表於 16-9-18 19:57 |只看該作者

poyleung 發表於 16-9-18 02:35
最後5日，就可以離開呢個鬼地方，唔駛再見到老公既阿媽同妹(以下稱A係媽，B係妹)，要出呢個po既原因係我同A ...

d c6永遠唔理解佢自己阿媽有幾難頂，對自己個仔梗係好啦，對人地個女簡直好似剎左佢全家嘅仇人咁，同c6講佢唔會明亦唔會信。我唔係同佢住都比佢攪到抑鬱，同佢住的話真係驚走去跳樓都唔出奇

私人傳訊

conniemar

伯爵府

積分: 17978

13^#

發表於 16-9-18 21:07 |只看該作者

mandy952 發表於 16-9-18 19:57
d c6永遠唔理解佢自己阿媽有幾難頂，對自己個仔梗係好啦，對人地個女簡直好似剎左佢全家嘅仇人咁，同c6講 ...

你呢句最真

私人傳訊

Littlepeachbaby

積分: 306

14^#

發表於 16-9-18 21:08 |只看該作者

poyleung 發表於 16-9-18 02:35
最後5日，就可以離開呢個鬼地方，唔駛再見到老公既阿媽同妹(以下稱A係媽，B係妹)，要出呢個po既原因係我同A ...

同我而家情況一樣

日日要帶個女遊街避佢個女得5個月好辛苦
好多積怨
我真係好想佢死我成日諗會忍唔住殺左佢
咁係咪已經有病呢

私人傳訊

積分: 101

15^#

發表於 16-9-18 21:09 |只看該作者

引用：講到咁絕永遠唔俾99見孫, 小心會斷送埋夫妻

原帖由 瑤瑤~ 於 16-09-18 發表
講到咁絕永遠唔俾99見孫, 小心會斷送埋夫妻關係
有時說話唔洗去到咁盡既, 我知道你好嬲佢地, 但除非你c6主 ...

如果呢個嫲嫲係發自內心咁要錫個孫既，我冇權去阻止佢，我都講B係對我囡唔錯，所以我都冇加以阻止，邊個阿媽唔想自己仔女有人錫丫

私人傳訊

積分: 101

16^#

發表於 16-9-18 21:20 |只看該作者

引用：明白！一句佢始終係bb嘅嫲嫲，就可以唔理你

原帖由 做個靚太 於 16-09-18 發表
明白！一句佢始終係bb嘅嫲嫲，就可以唔理你嘅感受？就算你想死都係你嘅事，個孫係佢有份嘅，佢就可以點玩都 ...

其實自從大家都唔揪唔採之後我都已經當佢地透明，只係A成日做啲小動作，搞風搞雨，又成日用粗口鬧我老公，我老公同佢既關係都已經好邊緣，我老公最擔心既係B已經打量緊A唔喺度之後既事，B本身欠落銀行幾十萬，所以B千方百計都想我同老公走，最好老公同A都斷絕關係，呢啲事A應該念唔到!

私人傳訊

積分: 101

17^#

發表於 16-9-18 21:21 |只看該作者

引用：我試過調番轉咁諗，如果我老公同我媽反面，

原帖由 Pianistbaby 於 16-09-18 發表
我試過調番轉咁諗，如果我老公同我媽反面，我又冇所謂，我自己帶小朋友番去比媽咪見。
講番，如果我同奶奶 ...

如果呢個嫲嫲係發自內心咁要錫個孫既，我冇權去阻止佢，我都講B係對我囡唔錯，所以我都冇加以阻止，邊個阿媽唔想自己仔女有人錫丫

私人傳訊

積分: 101

18^#

發表於 16-9-18 21:26 |只看該作者

引用：Quote:poyleung 發表於 16-9-18 02:35 最後

原帖由 mandy952 於 16-09-18 發表
d c6永遠唔理解佢自己阿媽有幾難頂，對自己個仔梗係好啦，對人地個女簡直好似剎左佢全家嘅仇人咁，同c6講 ...

經過呢三年我老公都見證過佢媽有幾難頂，佢媽係錫女多過仔，佢女係有事會鬧個阿媽白痴既人黎，佢就將所有野發洩哂喺我老公身上，有時鬧到我老公狗血淋頭

私人傳訊

積分: 101

19^#

發表於 16-9-18 21:32 |只看該作者

引用：Quote:poyleung 發表於 16-9-18 02:35 最後

原帖由 YoYoHello 於 16-09-18 發表
睇左你成段野都唔知你同你奶奶，姑仔因乜事唔岩，更加分唔到誰是誰非。上得黎呻，大部分既jm 都會唔理七廿 ...

如果要講我同AB喺呢三年間發生過既磨擦，真係會有排都講唔哂，我呻出黎唔係要人認
同我撐我，但屈住喺心既感覺係好好好辛苦!

如果呢個嫲嫲係發自內心咁要錫個孫既，我冇權去阻止佢，我都講B係對我囡唔錯，所以我都冇加以阻止，邊個阿媽唔想自己仔女有人錫丫，我唔想將來幾十年仲要念住點樣報復佢地，我只係想保護個囡!

私人傳訊