香薰精油除咗有芳香氣味之外，據說仲有美顏、鎮靜、舒緩、安眠、殺菌等等數之不盡功效，唔少品牌都相繼推出油性護膚品，等大家喺天冷日子可以用美肌油嚟護膚。香薰精油一般由植物提煉，並多數標榜「純天然」係咪只要純天然、無其他添加劑就等於對身體無害？原來唔係每種精油都可以直接用於皮膚，小心隨時嚴重過敏，或產生化學反應燒傷皮膚！
例如唔少人都鍾意嘅薰衣草油，其實有非常多嘅過敏案例，有人甚至嚴重到點香薰油燈都會出事，吸入後即全身紅癢，所以千祈咪聽完人講就跟住試，又話者自己覺得好就叫人試。另外，好多人亦相信一啲偏方，例如發燒感冒嗰陣，不斷用薄荷、茶樹精油就會無事，其實呢類聲稱具殺菌效果嘅高濃度精油，只適合加一兩滴於水中使用，直接用喺皮膚有機會會過敏甚至灼傷，亦會有吸入過濃精油中毒嘅危機！
另外，亦要留意一啲有光毒性嘅精油產品，好似佛手柑、青檸、香橙等等柑橘類嘅精油，遇上太陽或紫外線照射後會有過敏反應，嚴重者更會出水泡。不過，呢類精油多數用於乳霜或者精華霜之中，可以大大減低對光敏感度；但結果都係因人而異，建議都係先在手背試完後，先用喺其他地方。
發表於 
返回列表
