尿頻,唔識忍尿

nga.ngai
|
阿仔2歲7個月,2歲2個月開始係屋企介片,中間都間唔中會瀨,瀨既原因好多時都係因為未行到去廁所佢已經痾左出黎,同埋佢vv次數好密,每次都痾唔係好多,已經成日同佢講要忍住,但佢都忍唔到。係屋企成日去都唔係大問題,但出到街佢一話去我就要即刻拎個膠袋出黎俾佢,有時啲環境真係唔容許我咁做,所以而家有時都要俾佢著片出街,每次叫佢v左先,佢都一定話無,要佢自己話有先至去到,同埋佢一著住條片就直頭要vv都唔會講就直接痾係片,呢個問題真係困擾左我好耐。佢番緊n班,每日都會去廁所,但每次都係去唔到,片都係濕。唔知點先可以訓練到佢,定還是係有咩身體既問題呢?
海綿肚仔專家@牛欄牌
|
回覆 nga.ngai 的帖子

您好 nga.ngai ,小朋友需要時間學習控制大小便,係一個自然既生理發展,1-3歲仍係學習戒片階段,情況反覆都好常見,有時囝囝掛住玩都可能會令佢地最急時先出聲要去廁所,媽咪試下留意佢通常咩時間會有便意,盡量差不多時間先同佢去廁所。戒片係要有一段穩定又規律咁進行,媽媽可以俾佢著方便除嘅褲,就算瀨濕左都唔好話佢,循循善誘咁同佢解釋返瀨濕的後果,當佢做到就多D讚賞,順其自然啦。
ct926
|
nga.ngai 發表於 17-2-11 16:42
阿仔2歲7個月,2歲2個月開始係屋企介片,中間都間唔中會瀨,瀨既原因好多時都係因為未行到去廁所佢已經痾左 ...

我仔之前也有這問題,現在5歲了。這是控尿發展未成熟,不用心急。當時我直接返學及岀街就穿尿片,在家不穿。要待發展忍到尿一段時間,就不用穿片。不要責怪他或心急,慢慢來
Ccccccc
|
ct926 發表於 17-4-8 01:24
我仔之前也有這問題,現在5歲了。這是控尿發展未成熟,不用心急。當時我直接返學及岀街就穿尿片,在家不穿 ...

你好,咁請問仔仔晚上訓覺時會唔會瀨尿架?唔該。
我要做媽媽
|
我仔仔戒片之後,發現佢既問題就係,佢真係好急急先講話要vv,所以經常搞到我同佢去到廁所,褲都未除好,佢就已經忍唔住喇,所以唯有多D提醒佢,未忍到咁急先話去vv,我覺得呢個都係一個鍛煉佢既過程
sammiso
|
應該係BB太緊張,唔好逼BB,多點鼓勵下佢,讓BB心情愉快點。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽